HINI UWASI-BIADRCIMOWA ya-sfadoci MAFIYO 15:36 - Hini Uwasi-u-Biadrcimowa 1929

³⁶ chena u tah mvmanv nili neswvhfwi wapsqada-wvli macimi nihi nvmafhi; chena me-liwa niyrwa macimi u pusku-nrnv, chena u tah me-lvhi nihi kvgahgimrfhi, macimi nihki kvgahgimrfvki nihi mahsa-lalici.

HINI UWASI-BIADRCIMOWA ya-sfadoci MAFIYO 15:36 ပူးပေါင်းရင်းမြစ်များ

HINI UWASI-BIADRCIMOWA ya-sfadoci MAFIYO 14:19

Macimi u tapi-mvhi nihi Mahsa-lalici wvhsi lamtv-pilici svhgigi usgici nili mskuta-qvlu; chena u tah mvmanv nili nyrlvnwi wapsqada-wvli, macimi nihi neswi nvmafhi, chena spamagi pami lrpi manqvtugi, gisrtafi, chena u pusku-nrnv macimi u tah melvhi nihi kvgahgimrfhi nili wapsqada-wvli, chena nihki kvgah-mrfvki uci nihi mahsa-lalici.

HINI UWASI-BIADRCIMOWA ya-sfadoci MAFIYO 15:35

Chena u tapimvhi nihi mahsa-lalici wvhsi lamvtvpi-lici ini svhgigi;

YASFADOCI LOKU 22:17

Macimi utvhpanrli taphikvnvli, chena iah mahci meliwaci niyrwa, Manuku yomv, macimi pvpvhfanv-mrtiku ala-gen v gelvwv :

YASFADOCI LOKU 22:19

Chena tvkuwhv utah mvma, macimi iah mahci meliwaci niyrwa, u puskunv ini chena u tah melvhi nihi, Neiv yomv gelvwv ma-melofu-yaqa : yomv si Ivweku ni mrm-kvwalamofowa-nagi, isiwa.

YASFADOCI LOKU 24:30

Chena ini biamkvitwi, ina inv iah mahtvh-gabemr-ci nihi wvhsi wihfaniwrci, u tah mvma ini tvkuwhv macimi u gi-srctu; chena u puskunv ini u tah melvhi nihi.

YA-SFADOCI JRNE 6:11

Waciganvhi Jesise u tah mvmanv nili wapsqadawvli; macimi yasi mahci meliwaci niyrwa, u lalskunv-mvwvhi nihi la-mvtvpilici svhgigi; ini ivskv nahfrpi nihi nvmafhi laghi ya-lalatvmuwrci nihki.

YA-SFADOCI JRNE 6:23

(wakv ntvsi biaiv ulvgalvli Drpilivse uci mrlrqvhi ini tvsi tvh nihki meciwrci ini tvkuwhv yasi inv Dabalamiwatv mahci meliwaci niyrwa) :