HINI UWASI-BIADRCIMOWA ya-sfadoci MAFIYO 15:31 - Hini Uwasi-u-Biadrcimowa 1929

³¹ waciganvhi nihki mahsa-lagiki qv-qahdrni-tahaki, iah nawr-wrci nihi br-bur kvlv-wilici pami kvlv-wihi, nihi ma-myrlvkvtu-wilici mafafihi, chena nihi ma-myrlvgigr-dalici pamfahi, chena nihi gagabe-qalici tapinv-muhi : macimi nihki u wvhfrci-makuwhr-wrli nili u Mvnado-mvli Iswelv.

HINI UWASI-BIADRCIMOWA ya-sfadoci MAFIYO 15:31 ပူးပေါင်းရင်းမြစ်များ

HINI UWASI-BIADRCIMOWA ya-sfadoci MAFIYO 15:30

Chena ’n’tvsi utfr-wrli maci mahsa-lagiki, u pami gilagi-nrwvhi nihi ma-myrlvgigr-dalici, gagabe-qalici, br-bur kvlv-wilici, ma-myrlvkvtu-wilici, chena maci kutv-khi, chena nihki u tah pvgfanv-wvhi nihi mrlrqvhi u fitvli inv; macimi inv u gegahvhi nihi :

HINI UWASI-BIADRCIMOWA ya-sfadoci MAFIYO 18:8

Chena qahqi gi laci walr gi fici ipanvlaku-ivna wvhsi u-tvgikvhsi-nvni, qvkuku-tvnu ini, macimi geiv uci ini vlikv ipvgi-tvnu : huwasv ini gelv becfr-ivna ini lanvwawewa mvmyrlvkvtu-wivna walr gihgecsi-nvna, notv grjekv pami neswi bonv-mvna ulaci-wvli walr neswi ufitvli ini wv’ ipvgido-daki goqa-lrkvsi skudagi.

HINI UWASI-BIADRCIMOWA ya-sfadoci MAFIYO 21:14

Chena nihi gakvgabe-qalici chena nihi ma-myrlvgigr-da-lici utfa-kuhi betiga ini mvmrtumawi-kvmiqi : macimi u gega-hvhi.

HINI UWASI-BIADRCIMOWA ya-sfadoci MAFIYO 8:10

Chena Jesise iah notvgi ini, mvivci-taha, macimi, Tapilo gi talapwv nelv, mvtv ni ma’ mkv yone si mahsrgi dapwahsawa, mvtv, mvtv Irqv Ir Iswelv, u talvhi nihi na-nakvlakuci.

HINI UWASI-BIADRCIMOWA ya-sfadoci MAFIYO 9:32

Chena yasi wapfa-wrci nihki, wrpvmahku, ’n’ tvsi biadrqi gagapi ’laneli la-kusgr-kutv wvninah-feli.

HINI UWASI-BIADRCIMOWA ya-sfadoci MAFIYO 9:33

Chena iah luhfa-pv-gilo-fulici nili wvninah-feli, kvlvwi inv gagapi ’lani : macimi nihki mahsala-giki qvqahdrni tahaki, Mvtv lrqv ini yone si namota lr Iswelv, iwvki.

HINI UWASI-BIADRCIMOWA ya-sfadoci MAFIYO 9:8

Pvyaqv nihki mahsa-lagiki iah namu-wrci ini, grwilv-waki, macimi u wvhfrci-makuwhr-wrli Mvnadoli, mviahci melrtv simakufewa ilanihi.

YA-SFADOCI MRKV 2:12

Macimi inv unskv, chena walanv u mvma ini tfvni, chena via wapfa ya-lvhfvme-wrci nihki jrivhki; waciganvhi jrivhki qvqahdrni-tahaki, macimi u wvhfr-ci-makuwhr-wrli Mvnadoli, Mvtv-lrqv ki namapa ini yagi yomv, iwvki.

YA-SFADOCI MRKV 7:37

Chena vnhiwawi si cihsi-tahaki nihki, Uwasi inv mahci-lutv jrivhki wiahi; wvhsi tapahsa-lici u tas’ hvhi weginrqi nihi gagap-salici, chena nihi gagapitu-nalici wvhsi kvlvwilici, iwvki.

YA-SFADOCI MRKV 9:43

Chena qahqi gi laci wvhsi utvgikvhsi-nvni ipanvlaku-ivna, qvkukutvnu ini : uwasv ini gelv wvhsi becfr-ivni lanvwawewa-nagi mvmyrlvgi-fivna, notv grjekv pami bonv-mvna neswi gi laciwvli vhqi-nvmowa-nagi w t v hayrki, ini buryr vhdawafe-yrgi skudagi.

YASFADOCI LOKU 14:13

Wakv ina gelv usdo-ivna wihfancigawa vlani inv gitamrfv, inv ma-myrlvkvtuwitv, inv mvmyrlvgigrtv, inv gagabeqatv :

YASFADOCI LOKU 14:21

Chena inv vlolrkv biawv, macimi u wetvmv-wrli yolumv wiahi dabalamakuci. Hina uwa inv ini wegiwv uci mastala, dawvhi wivkuwa, Nili si luhfrlu wawatapi udawani-myawanv macimi myawa-nafv ini udawa-nagi, chena utvhfv si biasi inv gitamrfv chena ma-myrlvkvtuwitv chena gagabeqatv chena mvmyrlvgigrtv, u talrli ut vlolrkvnvli.

YASFADOCI LOKU 18:43

Ma-cimi walanv inv utfaku u tapinvmowa, macimi u nakvlagoli, u wvhfrci-makufihrli Mvnadoli : macimi jrivhki nihki lanvwaki iah namuwrci ini, wivwrcimowa u melrwrli Mvnadoli.

YASFADOCI LOKU 7:16

Macmi grwilvwawa u masanaku-nrwv jrivhki : chena u wvhfrci-makuwhr-wrli nihki Mvnadoli, Msi mrmosigesqatv pami pvfaqi alagenv gelvwv : chena naiahkv u nvuhvhi u ta lanvwa-mhi Mvnatu, iwvki.

YA-SFADOCI JRNE 9:24

Yone mvwi-nesana nihki utvhpi-mrwrli nili ilaneli iahgi ga-kvgabeqalici, chena Meli wvhfrci-makufewa Mvnatu : ni wrkudrpa yasi yrmv ilani mvjelafici, u talrwrli nili.