HINI UWASI-BIADRCIMOWA ya-sfadoci MAFIYO 12:46 - Hini Uwasi-u-Biadrcimowa 1929

⁴⁶ Ia haiahi gawvgi kvlolrci nihi mahsalalici, wrpvmahku, ugali macimi u janinvhi frgici nepvwihi, bami nvtunahv-malici wvhsi kvlolakuci.

HINI UWASI-BIADRCIMOWA ya-sfadoci MAFIYO 12:46 ပူးပေါင်းရင်းမြစ်များ

HINI UWASI-BIADRCIMOWA ya-sfadoci MAFIYO 1:18

Huwa ini usgi-lanvwawewa Jesise Kivisde vlv-yomv yagi : Nili u gali Maleli iah mahci uhsihofulici Joseli, pvyaqv wihsibur nihki utfatiwrci, mgofu inv ut vpaluhfami inv Ufapi Ucvjrlvhqv u nejrnvli.

HINI UWASI-BIADRCIMOWA ya-sfadoci MAFIYO 12:47

Macimi wiyafvli, Wrpvmi gi giv chena gi janinrki frgici nepvweki, bami nvtunahv-muwrci wvhsi kvlolahgi, u tagoli.

HINI UWASI-BIADRCIMOWA ya-sfadoci MAFIYO 13:55

Hv mvtv yrmv inv utqi-pakvtafewi-lani u qihfvli? hv mvtv u gali Male yrlofoli? chena u janinvhi, Jamseli, chena Joseli, chena Svimvneli, chena Jotvseli?

HINI UWASI-BIADRCIMOWA ya-sfadoci MAFIYO 2:11

Chena becfaki ini wegiwv macimi u nawrwrli nili mvyrni vpaluh-fvli weci Male inv u gali; chena nihki svhgigi sfaki usvsilvwahrwrli nili; macimi u tvwanrnrwv u pvwrwanwv u pvgfanvmvwrwrli dap-hadewanv, ufrwi-muni chena botafvmrcikvni saqv chena mr.

HINI UWASI-BIADRCIMOWA ya-sfadoci MAFIYO 2:20

Hunsgrlu chena mvmi inv mvyrni vpaluhfv macimi u gali, chena ini Iswelv ut vsisgemi hrlu : xvga nihki naboki na-tunahvgiki ini u ta lanvwawewa inv mvyrni vpaluhfv, u talrli.

YA-SFADOCI MRKV 2:21

Mvtv ilani u tvhsi gipuqrtv mrlaghi usgi-mutv gahtv betanikv-nagi : belapa ini ja-cvhtuqagi ini uci mvmvwi-waiv, ini mvivgi ini gahtv uci, macimi ini vliwi yasi lalgah-grgi macdota.

YA-SFADOCI MRKV 6:3

Hv mvtv inv yrmv utqi-pakvtafewi-lani, nili u qihfvli Male, chena u janinrli Jamse, chena Josise, chena Svimvne? macimi hv mvtv ut iqamhi weci utvsi gelvwa? iwvki. Macimi u gisfaku-wrli nihki.

YASFADOCI LOKU 1:43

Macimi drniwa uci yomv nelv, wvhsi nili u gali Dabalamitv biaci utsici nelv?

YASFADOCI LOKU 2:33

Chena inv vpaluhfv u fvli macimi u gali pami qvqah-drna-latv-mahi ini wiahi va-lrcimo-fuci;

YASFADOCI LOKU 2:34

macimi Svimvne u gi-srchvhi nihi, macimi, Wrpvmi, yolumv vpaluhfvli lamvtvp-drqi inv bami rgicfrtv macimi inv bami unsgrtv maci lr Iswelv uci; mac-imi giginolowa xvga ba-gicihgo-dagi;

YASFADOCI LOKU 2:48

Chena iah nawr-wrci nihki, cihfafeki; macimi, Uqihfimv, gociwa gi mahci yone ipanvsipa? wrpvtvnu, g’uhfv macimi nelv ki nvtunahu-lapa ni pami mvci-labwrpa, u tagoli u gali.

YASFADOCI LOKU 2:51

Chena u weci brlvcsino-mvhi nihi, macimi Nrsalafi si biaki; chena u malunahtv-wvhi : macimi u gali ryeci bonv-mali yolumv iyowanv u tahigi.

YASFADOCI LOKU 8:10

Macimi isiwa, Gelvwv si meliwapi wvhsi wrkutv-maqa nili girjelafewanv ini Mvnatu ugimrwi-drm-kumi uci : wakv nihki mvisi nrlatv pamrtuwawanv isi; wvhsi nihki pami naga-wrta manvwvhi bur namu-wrci, macimi pami nodrga-wrta nihki manvwvhi bur nanuhsa-wrci.

YA-SFADOCI JRNE 19:25

Nihki svmrkvnvki waciganvhi svpkvhi yolumv wiahi silvweki. Wakv ntvsi bami nepvwiwrci mrlrqv’ hini ud rsitahfagemi Jesise u gali, chena u gali u janinrwilici, Male nili wewvli Glopvse, ehena Male Magitalenv.

YA-SFADOCI JRNE 2:1

Chena ini mvwi nfwi grsagigi Ganv tvsi wechatipi beci-drmqa Galale; chena nili u gali Jesise n’tvsi vbeli :

YA-SFADOCI JRNE 2:12

Hvhkuwihi yomv Gabrnivme si brlvcisinwv, inv, macimi u gali, chena u janinvhi, chena u kvgahgimrf hi; chena n’tvsi vbeki mvtv maci tfuku.

YA-SFADOCI JRNE 2:5

Goqa-nahi-grci inv ga hikuwv, ini si Ivweku, u talvhi inv u gali nihi vlolrgrfhi.

YA-SFADOCI JRNE 7:10

Pvyaqv ina u janinvhi ini wihfancigawa-nagi si kuqic-sinuhi, huwa nahfrpi kuqicsinwv, mvtv tvwrci, wakv brsi ini gemafi.

YA-SFADOCI JRNE 7:3

U janinvhi waciganvhi, Yoci wapfalu, macimi Cudiagi hrlu, wvhsi gi kvgahgimrfvki nahfrpi manvwv’ hilrpvtvmu-wrci gi pakvtafewanv yrsi lvweivni, u takuhi.

YA-SFADOCI JRNE 7:5

Xvga weginrqi u janinvhi mvtv u dapwahdrkuhi.