HINI UWASI-BIADRCIMOWA ya-sfadoci MAFIYO 12:45 - Hini Uwasi-u-Biadrcimowa 1929

⁴⁵ Hina uwa nhawv, macimi u gilaginv weiv neswvhfwi kutvkhi lahfihi vliwi si mvjelafihi notv welv, chena nihki becfaki macimi ntvsi daki : macimi ini jaiahqi u ta lafewa inv ilani vliwi si mv-jrfi notv ini wasgi. Datapilvhi yone nahfrpi wa hisi nvmuci yrmv mvci sqewanv.

HINI UWASI-BIADRCIMOWA ya-sfadoci MAFIYO 12:45 ပူးပေါင်းရင်းမြစ်များ

HINI UWASI-BIADRCIMOWA ya-sfadoci MAFIYO 12:24

Pvyaqv ina nihki Palaseki iah notvmuwrci ini, Mvtv yrmv ilani u luhfa-pvgilvhi wvninahfihi, Pialsipvleli uci wakv nili ugimr-osrkvnwrli nihki wvninahfeki, iwvki.

HINI UWASI-BIADRCIMOWA ya-sfadoci MAFIYO 12:44

Hina uwa, Patagi nahv ya-driv wegiwv waci biaci luhfriv, hiwv; macimi ina iah birci, u mkv ini sasibriv, jekvthota, macimi wrwasih-kvta.

HINI UWASI-BIADRCIMOWA ya-sfadoci MAFIYO 23:15

Ki mvci-labwrwa-nipwv cahi gelvwv, yr-ivwigacki chena Palaseki, naluhci-lvwi-wahfeki ! xvga ki br-pamasido-nrwv grwvci msi-napi chena vsisgi wvhsi ushaqa nakuti qa-lapgo-futv; chena inv yone iah lafici, pihtvwi-nesana si vlikv vhqi-nvmowi uqihfimv ki drshrwv inv notv gelvwv.

HINI UWASI-BIADRCIMOWA ya-sfadoci MAFIYO 23:24

Gelvwv kvgabe-qawi nrgrnecki, fr-fihgr-nrcki nili brbrgah-fefvli, macimi qr-kunrcki nili gamvleli !

YA-SFADOCI MRKV 16:9

Huwa ia hunsgrci qalvh-whrpvgi ini wasgi grsagigi yasi mahci ini mvnadowi-gesagigi, u nvude-mrli Male Magitalenvli nhihtv, nileni uci mahci luhfa-pvgitvmv-wrli neswvhfwi wvninah-fihi.

YA-SFADOCI MRKV 5:9

Chena u nvtuhtv-wrli, Nahiwa gi tasifu? Mahsa-lakv ni tasifu; xvga maci nelvwa, u tagoli.

YASFADOCI LOKU 11:26

Hina uwa nhawv inv, macimi u mvmvhi weyrgi neswvhfwi kutvkhi ilafewanhi vlikv mvjelafihi notv welv; chena nihki becfaki macimi ’n’tvsi daki : chena ini jaiahqi u ta lafewa inv ilani vlikv mvjrfi notv ini wasgi.