HINI UWASI-BIADRCIMOWA ya-sfadoci MAFIYO 12:32 - Hini Uwasi-u-Biadrcimowa 1929

³² Chena goqa-nafv-grci wa pipahcimrli kvlvwewa nili u Qihfvli ilani, ini wah pvgfa-latvmrqi inv; wakv goqa-nafv-grci wa pipahcimrli nili Ufapi Ucvjrlvhqvli, mvtv ini ivh pvgfa-latvmrqi inv, nayeswalanv mvtv utvsi ya-lakuqvh-kvmigigi macimi ini betiga wrsv biayrgi.

HINI UWASI-BIADRCIMOWA ya-sfadoci MAFIYO 12:32 ပူးပေါင်းရင်းမြစ်များ

HINI UWASI-BIADRCIMOWA ya-sfadoci MAFIYO 11:19

Hinv u Qihfvli ilani biawv pami wihfani macimi pami manwv, macimi nihki, Wrpvmahku, pkvmafiwi ’lani chena mvci wa-nafu, wihgrnwrli daxewi-mrwvtunigah-feki chena majelaficki ! iwvki. Macimi laburwa u tapvsvuhakunv u pakvtafewanv.

HINI UWASI-BIADRCIMOWA ya-sfadoci MAFIYO 12:31

Waciganvhi gi talapwv nelv, Jrgi si mvjesilvwewa macimi pvhdrmowa wah pvgfa-latvmrqeki ilaneki; wakv ini u pvhdrmofowa inv Ucvjrlvhqv mvtv ivh pvgfa-ladota.

HINI UWASI-BIADRCIMOWA ya-sfadoci MAFIYO 12:8

Xvga inv u Qihfvli ilani Dabalatvkv ini vlwrkvhsi-grsagigi.

HINI UWASI-BIADRCIMOWA ya-sfadoci MAFIYO 13:22

Chena inv ya-vhcigagi alagenv nihi grwesahi, hinv yrmv na-notvkv ini kvlvwewa; macimi ini utvmafewa ini ya-lakuqvh-kvmigigi uci, chena ini pvwrwanv uci wvnimafewa napwvsqayrli ini kvlvwewa, macimi mvtv mvwifowa-niwi inv.

HINI UWASI-BIADRCIMOWA ya-sfadoci MAFIYO 13:39

chena inv mvda-ladewanv ya-vhdotv nili mvci-mvnatu inv : chena ini kvwvsqhrwa ini ya-qrgi ini ya-lakuqvh-kvmigigi; chena nihki ga-kvwvsqhr-wacki ancvleki nihki, iwv.

HINI UWASI-BIADRCIMOWA ya-sfadoci MAFIYO 13:40

Yasi waciganvhi mrwvtuno-daki nili myrsi-wvsku macimi fvgfo-daki skudagi; yone wa higi ina jaiahqvh-kvmigiga.

HINI UWASI-BIADRCIMOWA ya-sfadoci MAFIYO 13:55

Hv mvtv yrmv inv utqi-pakvtafewi-lani u qihfvli? hv mvtv u gali Male yrlofoli? chena u janinvhi, Jamseli, chena Joseli, chena Svimvneli, chena Jotvseli?

HINI UWASI-BIADRCIMOWA ya-sfadoci MAFIYO 8:20

Macimi Jesise, Nihki wrkucahfeki u bonrnrwv wrsrlvku, chena nihki ini manqvtwi uci wisgiluhfvki u bonrnrwv ufihfvnv; wakv inv u Qihfvli ilani mvtv u bonv wvhtvh sagfadoci wesi, u talrli.

YA-SFADOCI MRKV 10:30

wakv inv wa hutfaku tabawa-yatfwagifagi inugi uwa, wegiwr-pvli, chena ujaninrnhi, chena utqami-mvhi, chena vpalufhi, chena vsisgi-wvli, gilagi nochrladewa; macimi buryr jaiahqrgi lanvwawewa betiga ini waskvh-kvmigigi wrsv biayrgi.

YA-SFADOCI MRKV 3:28

Tapilo gi talapwv nelv, Jrivhki u mvjesilvwewanwv wah pvg-falatvmr-qihi nihi u qihfwvhi ilaneki, macimi u pvhdrmowa-nwv goqa-nahi grci nihki wah si pvhdr-moki :

YA-SFADOCI MRKV 3:29

wakv goqa-nafv-grci wah pvhdr-mrli nili Ufapi Ucvjrlvhqvli u bonv mvtv-lrqvsi pvgfa-latv-mvwo-fowa, wakv mvci-lvwi goqa-lrqvsi majrfigi :

YASFADOCI LOKU 12:10

Chena jrgi wiyafv wa pipahci-mrli kvlvwewa nili u Qihfvli ilani, ini wah pvgfalatv-mrqi inv : wakv inv ba-pipahci pvhdr-mrtv nili Ufapi Ucvjrlvhqvli mvtv ini ivh pvgfaladota.

YASFADOCI LOKU 16:8

Chena dabalamakuci u wivwrci-magoli inv buryr tapvsvwelafitv nosrfewanv xvga inv mahci laburwi lvwi : nihi xvga u qifhi yrmv yalakuqvh-kvmigigi vliwi laburwafihi nahvlwrkv u sqe-lanvwa-wewanwv si notv nihi u qifjii inv wvivhfayrgi.

YASFADOCI LOKU 18:30

wa hinv bur utfaku maci-tfwaginwi vliwi inugi yalrqawanigi, macimi goqalrqvsi lanvwawewa ini wvh biatvh-kvmigigi.

YASFADOCI LOKU 23:34

Macimi Jesise, Ufimv, pvgfalatv-mvwi; xvga nih-ki mvtv u wrkudr-nrwv yr-silvwewrci, iwv. Chena bami pvh-fanvmrtilici u betanikvnv alagenv nihi, gisginikvni-tvlwrdeki nih-ki.

YASFADOCI LOKU 7:34

Hinv u Qihfvli ilani biawv pami wihfani macimi pami manwv; macimi geivwv, Wrpvmahku, pkvmafiwi ’lani, chena mvci-wanafu, daxewi-mrwvtu-nigahfeki macimi ma-jelaficki wihgrn-wrli; ki taiu-pwv.

YA-SFADOCI JRNE 7:12

Macimi maci patfvkuwawa ntvsi alagenv nihki mahsalagiki nili uci : nrlatv, Uwasi ilani inv, iwvki; kutvkvki, Mvtv, wakv u wrniwalvhi nihi mahsalalici, iwvki.

YA-SFADOCI JRNE 7:39

Pvyaqv yomv nili Ucvjrlvhqvli inv ud rcimrli, nileni wa hutfakuwrli nihki da-dapwahtvwrcki nili : xvga inv Ucvjrlvhqv mvtv gawvgi meliwapi; xvga Jesise gawvgi mvtv wvhfrci-makufihofu.

YA-SFADOCI JRNE 7:52

Hrpvfsaki nihki macimi, Hv nahfrpi gelv Galale uci? Nvtunahigalu, macimi wrpvtvnu wvhsi mvtv Galale uci pvfaqeci mrmosigesqatv, u talrwrli.