HINI UWASI-BIADRCIMOWA ya-sfadoci MAFIYO 12:14 - Hini Uwasi-u-Biadrcimowa 1929

¹⁴ Pvyaqv nihki Palaseki luhfaki, macimi u tapuwrlrwrli nili wvhsi nihki manvwvhi mvci-lutvwrwrci nili.

HINI UWASI-BIADRCIMOWA ya-sfadoci MAFIYO 12:14 ပူးပေါင်းရင်းမြစ်များ

HINI UWASI-BIADRCIMOWA ya-sfadoci MAFIYO 26:4

chena nihki tapatwi tapuwaki wvhsi manvwvhga masanr-wrci Jesiseli gemi-nhafewa uci, macimi nfr-wrci.

HINI UWASI-BIADRCIMOWA ya-sfadoci MAFIYO 27:1

Huwa, iah whrpvgi, jrivhki nihi ugimrwi mkvtaukul-viahi chena nihi u gigi-lane-mwvhi nihki lanvwaki u tapuwr-lakuhi Jesise wvhsi nabowa-nagi si bona-kuci :

YA-SFADOCI MRKV 14:1

Huwa yasi mahci nesuku-nvgiki vhdawi ini pamfrsiwawi lamvfkuh-qawa macimi ini buryr unadagi tvkuwhv : chena nihki ugi-mrwi mkvtaukulvyaki macimi nihki yr-ivwi-gacki u nvtunahr-nrwv wvhsi manvwvhga masanr-wrci nili nhi-lvwewa uci, macimi nfr-wrci nili :

YA-SFADOCI MRKV 3:6

Chena nihki Palaseki luhfaki, macimi walanv weci nihki Halade-fvki u tapu-wrlr-wrli, wvhsi ma-nvwvhi mvci-lutvwr-wrci.

YASFADOCI LOKU 22:2

Chena nihki ugimrwi mkvtaukulvyaki macimi nihki yrivwigacki u nvtunahr-nrwv wvhsi manvwvhi nfrwrci nili; u kufrwvhi xvga nihi lanv-wahi.

YASFADOCI LOKU 6:11

Pvyaqv nihki uqihfa-nili wivkuwawa; macimi ge-kvlo-ladeki manvwvhi wv ipanvlr-wrci Jesiseli.

YA-SFADOCI JRNE 10:31

Nihki Josvki u mvmrwvhi sekunhi nuhgi wvhsi seku nwhrwrci nili.

YA-SFADOCI JRNE 10:39

Nihki nuhgi nvtunahigaki wvhsi nfrwrci nili : macimi nili wapfali u susqvtanrwrli.

YA-SFADOCI JRNE 11:53

Waciganvhi ina grsagigi uci nihki u mvmanrwv tapuwawa wvhsi manvwvhi iqin-vmowa-nagi si bonrwrci nili.

YA-SFADOCI JRNE 11:57

Huwa nihki ugimrwi mkvtaukulvyaki chena nihki Palaseki mahci meliwaki tapigamowa, wvhsi wiyafv ilani wrkutvga tv hvpilici nili, wi hini wrkutasiwa inv, wvhsi nihki manvwvhi masanrwrci nili.

YA-SFADOCI JRNE 5:18

Yomv uci waciganvhi nihki Josvki ini vlikv u tasi nvtunahr-nrwv wvhsi nfrwrci nili, xvga inv mvtv ini vlwrkvhsiwewa pahi u puskunv, wakv nahfrpi n’ Uhfv u ta sinrli Mvnadoli, u jajasdo weiv Mvnadoli.

YA-SFADOCI JRNE 7:30

Nihki u nvtunahrnrwv waciganvhi wvhsi masanrwrci nili : macimi mvtv ilani u lacigi u masanrli nili; xvga ud rtafvmowa mvtv gawvgi biaiv.

YA-SFADOCI JRNE 7:32

Nihki Palaseki u notvwrwvhi nihi mahsalalici bami pagihkvmalici yomv wiahi nili si; chena nihki ugimrwi mkvtaukulvyaki macimi nihki Palaseki u ta laskvwrwvhi wiahsi-makufewanhi wvhsi masanrwrci nili.

YA-SFADOCI JRNE 7:44

Macimi nrlatv nihki wih mahci masanrwrli nili; pvyaqv mvtv ilani u masanrli.

YA-SFADOCI JRNE 8:59

Nihki u mvmrwvhi sekunhi waciganvhi wvhsi pgitawhrwrci nili; pvyaqv Jesise u gigido weiv, macimi luhfa ini mvmrtumawi-kvmiqi.