Yaꞌkub 5:19 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁹ Siga danganakan ku, bong luu ni baanan bi bay magsiꞌ man kabanahan, boꞌ luu kam disu bay moo iya mmeꞌ ni kabanahan pabalik, tud mahap sina.

Yaꞌkub 5:19 ပူးပေါင်းရင်းမြစ်များ

Matiyu 18:15

Pag-anu, yuk si Isa lagi, “Bong luu disu jama ma pitsayaꞌ niyaku bay buwat maat ningkau, pilay ko pa mman na. Baan nu ya bong oy kasaan na. Sugaꞌ subay duwang-duwangan jaꞌ kam. Bong ina ya pakale sampay mangaku sāꞌ na, malaingkan sikahāp na sina kam pabalik.

Lukas 22:32

Boꞌ kau na sina Saymon tiniluꞌ banahan meꞌ na. Kamasaꞌ lay na du silay siꞌ ko pakuhan ku duwaa supaya yaꞌ lungay pangando nu niyaku. Sugaꞌ san meꞌ looy, masi du sina ku tikutan nu samantalaꞌ. Sugaꞌ pag lay jaꞌ ko ina mintu nawbat sampay pabeleng pa mman ku, paintoman nu sa siga danganakan nu mari pataggu iman da.”

Galatiya 6:1

Siga danganakan, bong luu nnaa disu pagkahi bi sukuꞌ si Isa bay taboo-boo buwat dusa, kuwan kaam ma tattap mean Rū Sutsiꞌ, subay kam maintoman iya kawu-kawu ya takoleꞌ bi pinaintong. Sugaꞌ subay hanunut-hanunut meꞌ bi mitsalahan iya. Maka ilagan bi dī bi, taggahaꞌ kaam na baw mintu takoleꞌ sinasat.

1 Timuti 6:10

Batan napsu mulakab ina ni sīn yana poonan jinisan pabuwatan maat. Kasohean jama, sabap ehe napsu da ni sīn, lay na sila magsiꞌ man tōꞌ si Isa ma kinapitsayaan meꞌ tabi. Sampay meka na kasusahan bay uwan da njataꞌ da.

1 Timuti 6:21

Man sabapan ilmuꞌ meꞌ looy ilay, luu na sina jama lay magsiꞌ man kabanahan ma kinapitsayaan meꞌ ta. Dambuli man inaa, kamura-murahan binuwanan na pin kam barakat meꞌ Tuhan. Wassalam

2 Timuti 2:18

Tud lay na silay sila magsiꞌ man kabanahan. Baꞌ-bāꞌ da, lai na bay pingkaꞌ masa jama matoy pinakallum pabalik. Dari sabapan tōꞌ da, lay na ga jadjuꞌ pangando kasohean sukuꞌ si Isa.

Hibrani 5:2

Maka panghuluꞌ imam ina, takissa na parasahan siga raayat na bong luu bay magsiꞌ ni kaawam da, batan iya pun luu du salla na.

Yaꞌkub 1:16

Sangkon siga danganakan, kakasi ku, tud magsāꞌ sina kam bong kam mista luu lamud Tuhan ni siga sasat njataꞌ bi.

Yaꞌkub 1:19

Na siga danganakan, kakasi ku, indanan bi. Kitabi itu subay badja pakale. Daa hangat kitabi na jaꞌ mitsala. Maka daa kitabi os-os lasu.

Yaꞌkub 3:14

Sugaꞌ bong ina luu dangkiꞌ atawa gigit njawom atay bi atawa pun isu-isu parasahan bi du pinaruli meꞌ bi, daa na kam ngabbu saula-ula luu pangahati bi lawom. Yaꞌ du sina luu kabanahan ni bitsala bi.

Yaꞌkub 5:20

Batan subay katoonan bi, bong ina luu jama bay takoleꞌ bi nohoꞌ ngalabbahan siga dusa na, lay na ya paddusan bi man jawom katiksaan nyawa. Dari san bay meka dusa na, lay na puwas. Ngkod tuu jaꞌ bitsala ku. Wassalam

2 Pitel 3:17

Sangkon, siga kakasi ku, pagka katoonan bi na mimon bay sabbut ku siꞌ, iyakinan bi tōꞌ jama ma yaꞌ ngisbat Tuhan, taggahaꞌ lay na baw kam mintu takoleꞌ da binoo magsiꞌ sampay man bi na ngalabbahan ntan bi.

Suwat Lakka man si Jūd 1:11

Tud siya-siya silay sila bbos-bbos batan iya inikut meꞌ da arat-tabiat si Kayin ni awwal jaman. Maka iya inakig meꞌ da arat-tabiat bay jaman si Balaam ma bay nulang kahandak Tuhan ni kamulakab napsu na ni sīn. Maka sibuꞌ du akka da ka Imam Kora ma bay nulang kapatut Nabi Musa mattoꞌ. Sugaꞌ ngagad na sila, meꞌ Imam Kora du sina mintu sila binasa.