Yahiya 9:29 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁹ Kami tu, katoonan kami Tuhan bay magpalman ni Nabi Musa. Boꞌ lalla looy, yaꞌ san katoonan kami bong lakka man ninggai ya.”

Yahiya 9:29 ပူးပေါင်းရင်းမြစ်များ

Matiyu 12:24

Pag takale siga Parisi bitsala ga jama looy, yuk da, “Ē, kon na bina kapōꞌ seytan man jawom baran jama batan bay ya binuwanan kawasa meꞌ Belsibul, panghuluꞌ siga seytan.”

Matiyu 26:61

yuk da, “Lalla tuu tu, lay takale kami bitsala na. Baꞌ-bāꞌ na, luu kawasa na ngahansu langga mehe, sugaꞌ njawom tallu ngallaw, patangge na du konoꞌ pabalik.”

Lukas 23:2

Takka ndooy siꞌ, pinalkalaꞌ na si Isa meꞌ da, yuk da, “Lalla tuu tu, kon na bay boo kami pitu sabap lay taabut kami moo-moo pagkahi kami Yahudi migta man saraꞌ parinta Rom. Bbuwatan na moo-moo kami yaꞌ mayaran sukay parinta pa mman Sultan Sisal. Maka baꞌ-bāꞌ na, iya na Almasi, sultan ma bay njanjiꞌ meꞌ Tuhan nalamat bangsa kami.”

Yahiya 1:17

Maruhuꞌ, bay pamuwan Tuhan yana saraꞌ ma bay pinasampay meꞌ Nabi Musa. Pag batnaa, ilooy na baw pamuwan na yana aseꞌ ka kabanahan pinasampay meꞌ si Isa Almasi.

Yahiya 7:27

Sugaꞌ pooy meꞌ na sikatuwaꞌ? Almasi baw bilay konoꞌ la, pag takka na, yaꞌ kinatoonan bong pōꞌ man ninggai. Boꞌ lalla naa, basta katoonan tabi baw bong lakka man ninggai ya.”

Yahiya 7:28

Na si Isa siꞌ tu, masi gi lundooy nōꞌ ni langga mehe. Pag takale na bitsala da, mangkin lay gi haddowan na halling na, yuk na, “Katoonan bi hati ku sampay lakka man ninggai ku, hāꞌ? Sugaꞌ baan ta kam, aku bilay bay pitu, saꞌ man garaꞌ ku dī ku. Arapun luu bay mapitu aku ma yaꞌ san katoonan bi, yana ilooy ma bonto gi man bonto.

Yahiya 8:14

Pag tampung si Isa, “San bitu dangan-dangan ku jaꞌ mahati pasal dī ku, basta bana jaꞌ mimon bitsala ku. Batan luu katoonan ku pasal dī ku ma yaꞌ katoonan bi. Katoonan ku bong lakka maninggai ku maka paninggai tiluꞌ ku.

Yahiya 9:16

Yuk kasohean Parisi baw siꞌ tu, “Lalla ma bay buwat meꞌ looy ilay, saꞌ silay lakka man Tuhan batan llangga meꞌ na saraꞌ pasal Llaw Pahali.” Sugaꞌ yuk kasohean baw, “Bong baw bilay ya baldusa, pooy baw meꞌ na nduwan buwat kahaylan-haylan meꞌ tuu?” Dari ilooy ma magsulemaꞌ na pamiki da.

Yahiya 9:24

Pag-anu siꞌ, lay na baw linganan da pabalik lalla looy ma bay buta. Maka yuk da niiya, “Magsabanna na ko ba ni awpan Tuhan. Katoonan kami du saꞌ lalla looy bay ngulian kau batan baldusa ya.”

Yahiya 9:30

Pag tampung lalla looy siꞌ ma bay buta, “Kainu-inu baw bilay la. Lay na takoleꞌ na mata ku inulian, masi yaꞌ katoonan bi bong lakka man ninggai ya!

Salsila siga Rasul 22:22

Na kuwan baanan ga Yahudi baw siꞌ tu ma pakale ndooy, pag taabut sinabbut meꞌ si Pol pasal iya sinohoꞌ meꞌ Papuꞌ masaplag ni kabangsa-bangsahan saꞌ Yahudi, tud bay dugahan sila. Dari bbuwatan da maghowapan, yuk da, “Jama meꞌ tuu bitu subay kinaddoan na man taꞌ babaw junyaꞌ! Yaꞌ na pataꞌ pinakallum!”

Salsila siga Rasul 26:22

Lipara, luu na pin tabang Tuhan niyaku labba man sibuwa ngabut sampay batnaa. Sangkon itu na ga ku nangge ni awpan bi masaplag ningkaam, balkanan atawa ssaꞌ. Boꞌ ituu tu siꞌ sikamimon ma bay tuntut ku ningkaam, yaꞌ luu saꞌ yaꞌ bay tinunaꞌ njawom kitab meꞌ kanabi-nabihan sampay na Nabi Musa.

Salsila siga Rasul 7:35

“Na Boꞌ Musa ilay,” yuk si Esteben lagi, “iya na silay ndang bay pingkaꞌ tinuwak meꞌ siga pagkahi na bangsa Israil, ilooy ma yuk da, ‘Soy doꞌ ina ko? Tatammu nu ga buwat dī nu panghuluꞌ subay ga ko huwis magpandoy-pandoyan kami!’ Maka Boꞌ Musa ilay, iya na du silay bay pinabeleng meꞌ Tuhan pa mman bangsa tabi Israil. Boꞌ bay gi ya dari panghuluꞌ da sampay tukang nalamat sila man tabang malaikat looy ni poon kayu-kayu looy siꞌ.”

Hibrani 1:1

Maruhuꞌ, njataꞌ kanabi-nabihan man Tuhan bay masampay siga umanat na ni kabboꞌ-bboan tabi. Boꞌ kajinisan na jalan man Tuhan bay masampay siga umanat na ninsila kaniya-kaniya ka masa da.

Hibrani 1:2

Sugaꞌ ni masa batnaa, yana ni ahil jaman, Anak na na mismu man Tuhan bay masampay umanat na ningkitabi. Anak na ilay, ilooy na man Tuhan bay mapayak alam sikamimon. Damikiyan man gantaan Tuhan, Anak na du dapu mimon-mimon.