Yahiya 9:24 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁴ Pag-anu siꞌ, lay na baw linganan da pabalik lalla looy ma bay buta. Maka yuk da niiya, “Magsabanna na ko ba ni awpan Tuhan. Katoonan kami du saꞌ lalla looy bay ngulian kau batan baldusa ya.”

Yahiya 9:24 ပူးပေါင်းရင်းမြစ်များ

Malkus 15:27

Na sarī man si Isa, luu gi duwa mundu bay du llansang taꞌ tehang ndooy, disu huwin pa kawnan man si Isa, kuwan ilooy disu, huwin pa kayli.

Lukas 15:2

Pag ndaꞌ siga Parisi ka ga guru saraꞌ agama meꞌ looy, buwatan da magdubdub, yuk da, “Uy, lalla naa, guru oy doꞌ na meꞌ naa? Buwatan na ngahasi siga baldusa sampay mmeꞌ lagi pahaboy mangan ninsila!”

Lukas 19:7

Sugaꞌ pag ndaꞌ baanan ga jama ndooy meꞌ looy, buwatan da magdubdub, yuk da, “Uy la, iya lluruk meꞌ na induꞌ-induꞌ baldusa!”

Lukas 7:39

Pag takita jaꞌ meꞌ Parisi looy ma bay ngaddoꞌ si Isa meꞌ looy, njawom atay na, “Bong siꞌ bina mawjud lalla naa disu nabi, yaꞌ ya kuhi sinagid leꞌ danda naa, batan mastiꞌ tasayu na jaꞌ danda naa baldusa.”

Yahiya 14:30

Yaꞌ na patahaꞌ ku bitsala ku sabap song takka na Ibilis ngalān aku. Iya ilay magbayaan manusiyaꞌ ma yaꞌ pitsayaꞌ niyaku. Sugaꞌ bong baw aku, basta yaꞌ baw tu luu kawasa-kapatut na njataꞌ ku.

Yahiya 16:2

Batan luu sina mintu masa bi yaꞌ pinadari nindak langga sabap meꞌ bi mmeꞌ niyaku. Boꞌ kasohean kam ina sampay pinapatoy lagi. Sila ilay ma doman mapatoy kaam, kanna da katabang pa Tuhan bong sila buwat kaam meꞌ looy.

Yahiya 18:30

Pag tampung da siꞌ, “Lalla tuu bitu, bong siꞌ saꞌ bay dusa mehe pabuwat na, yaꞌ situ ya bay boo kami pa mman nu.”

Yahiya 19:6

Takita jaꞌ siꞌ si Isa meꞌ siga imam langkaw ka ga tukang jaga, ilooy ma maghowapan na baw sila, yuk da, “Lansangun na ba! Lansangun na taꞌ tehang!” Sugaꞌ yuk Gubnul Pilatu, “Boonun bi na ba bbeleng. Kaam sa ngalansang. Boꞌ aku itu, basta yaꞌ luu tatammu ku kasaan na.”

Yahiya 5:23

Batan kahandak Mmaꞌ ku subay Anak na inisbat meꞌ mimon manusiyaꞌ meꞌ kadari iya du. Meꞌ aku Anak na, soysoy yaꞌ ngisbat aku, sibuꞌ du ya ka yaꞌ ngisbat Mmaꞌ ku ma bay mapitu aku.

Yahiya 8:46

“Doꞌ kam la. Luu kina kam nnaa san lasa disu kapōꞌ buktiꞌ bay ku buwat dusa? Pagka kabanahan jaꞌ bitsala ku, ongoy baw taggahaꞌ yaꞌ kam kuhi pitsayaꞌ niyaku?

Yahiya 8:49

Pag halling si Isa, “Yaꞌ bitu ku sineytan. Itu na ku maehe Mmaꞌ ku, tatammu bi na baw madiyoꞌ aku lagi.

Yahiya 9:16

Yuk kasohean Parisi baw siꞌ tu, “Lalla ma bay buwat meꞌ looy ilay, saꞌ silay lakka man Tuhan batan llangga meꞌ na saraꞌ pasal Llaw Pahali.” Sugaꞌ yuk kasohean baw, “Bong baw bilay ya baldusa, pooy baw meꞌ na nduwan buwat kahaylan-haylan meꞌ tuu?” Dari ilooy ma magsulemaꞌ na pamiki da.

Yahiya 9:25

Pag tampung na, “Baldusa ya atawa niyaꞌ, yaꞌ baw katoonan ku. Ilooy du katoonan ku, sibuwa bay ku buta, pag batnaa ngita na ku.”

Suwat si Pol pa mman Baanan Sukuꞌ si Isa ndooy ni Rom 8:3

Maruhuꞌ, holat tabi saraꞌ Tuhan katabang ningkitabi buwat kaintongan mari kitabi salamat. Salla na, yaꞌ luu manusiyaꞌ kabogbog batan landuꞌ basag napsu da moo-moo sila buwat dusa. Kahapan, magsuku pa Tuhan, luu na bay sohoꞌ na pitu Anak na pa junyaꞌ nalamat kitabi. Iya ilay bay dari manusiyaꞌ meꞌ kitabi du. Pagbiddaan na, kuwan iya, yaꞌ luu dusa na samasakali. Kon na bay dari manusiyaꞌ meꞌ kitabi supaya tasongan na umu na man nanggung mulkaꞌ ni mimon dusa tabi. Dari njataꞌ kapatoy na, lay na llangkat meꞌ Tuhan kawasa napsu tabi ma bay moo-moo kitabi buwat dusa.

2 Korin 5:21

Bistahun bi doꞌ, san yaꞌ luu dusa Almasi samasakali, lay na ga ya binuwat meꞌ Tuhan subay ga baldusa batan mimon dusa tabi lay na tinanggung meꞌ na. Kon na bay buwat meꞌ looy supaya dari jama intong na kitabi meꞌ karuha kaintongan Tuhan man sabapan pagkatibuuk tabi ka Almasi.”

Siga Pakaradjaan bay Pinalahil 11:13

Lay jaꞌ ilay mintu sila dutai, luu du linug mehe sampay binasa na daira looy sabahagiꞌ sapū. Maka luu sina mintu pituꞌ libu manusiyaꞌ matoy meꞌ linug looy. Kuwan sagannap ma masi llum, tud tawu na sina mintu sampay mudji na sila Tuhan sabanna ma magbayaꞌ ni sulgaꞌ.