Yahiya 9:22 - Sabahagiꞌ Kitab Tawrat: Panagnaan ni Awwal Jaman maka Kitab Injil

²² Na kon da siꞌ bay mitsala meꞌ looy sabap tawu sila ni siga pa-mmean Yahudi. Batan katoonan da pag-isunan siga pa-mmean ndooy yaꞌ pinadari paasok pa jawom langga soysoy bay mangaku si Isa yana Almasi.

Yahiya 9:22 ပူးပေါင်းရင်းမြစ်များ

Lukas 6:22

“Bong ina kam kinalammisan, tinuwak, pinadiyoꞌ sampay pinitnahan sabap meꞌ bi mmeꞌ niyaku, yana Anak Manusiyaꞌ, njawom supaat du sina kam.

Yahiya 1:19

Na hallom maka hallom na, lay taaka meꞌ siga pa-mmean Yahudi ndooy ni Jerusalem pasal pabuwatan si Yahiya mandi jama. Dari lay sila nawag siga imam ka ga panubuꞌ si Libay kasohean, boꞌ da sinohoꞌ pilay nilaw bong iya na Almasi atawa ssaꞌ gi.

Yahiya 16:2

Batan luu sina mintu masa bi yaꞌ pinadari nindak langga sabap meꞌ bi mmeꞌ niyaku. Boꞌ kasohean kam ina sampay pinapatoy lagi. Sila ilay ma doman mapatoy kaam, kanna da katabang pa Tuhan bong sila buwat kaam meꞌ looy.

Yahiya 19:38

Pag-anu, luu disu lalla man Aramatiya inawnan si Yusup lay pa mman Gubnul Pilatu muhun bong dari kaddoꞌ na mayat si Isa kinubu. Si Yusup ilay siꞌ, mulit si Isa du, sugaꞌ yaꞌ baw bay magpasayu sabap tawu ya ni siga pa-mmean Yahudi. Dari lay du ya pinadari meꞌ Gubnul Pilatu, sampay lay na ya pilay maduwai mayat si Isa.

Yahiya 20:19

Na pag tapit saddop llaw ni llaw looy du siꞌ, bbuwatan siga mulit si Isa, lay tapuk sabap tawu sila ni siga pa-mmean Yahudi. Sugaꞌ minsan lay kunsiꞌ da lawang lumaꞌ mman da, sakayi da kasayu, luu na si Isa nangge ni tangngaan da. Yuk na ninsila, “Kasannangan ningkaam.”

Yahiya 7:13

Na ndooy siꞌ, yaꞌ luu bay nawakka nanggehan si Isa njawom jama batan tawu na baw sila ni siga pa-mmean Yahudi.

Yahiya 9:18

Sugaꞌ siga Yahudi looy siꞌ tu, yaꞌ kuhi pitsayaꞌ lalla looy bay pingkaꞌ buta. Dari lay doꞌ tawag da induꞌ-mmaꞌ na.

Yahiya 9:21

Sugaꞌ pasal meꞌ na ngita batnaa, yaꞌ baw katoonan kami bong pooy atawa pun bong soy bay ngulian mata na. Tilawun bi na ya. Toa na du bina ya. Pandoy na du sina mitsalahan dī na.”

Yahiya 9:34

Pag tampung ga pa-mmean looy, “Kalalaan nu! Man jawom kūn induꞌ nu lagi, ndang baldusa na ko. Tatammu nu na baw ga magpandoy-pandoyan kami.” Dari siꞌ, lay na ga ya binandaan yaꞌ na nohoꞌ paasok balik pa jawom langga.

Yahiya 9:35

Na si Isa baw siꞌ tu, pag taaka na lay pinōꞌ lalla looy man langga, ilooy ma lay du piniha meꞌ na. Pag tatammu na, tilaw na niiya, “Pitsayaꞌ ko ni Anak Manusiyaꞌ?”

Salsila siga Rasul 4:18

Pag lupus da isun, lay na llinganan si Pitel ka si Yahiya, boꞌ da binandaan yaꞌ na dari mitsala atawa nōꞌ pasal si Isa pabalik.

Salsila siga Rasul 5:13

Kuwan sagannap jama Jerusalem baw ma yaꞌ pitsayaꞌ ni si Isa, yaꞌ sila nawakka palamud ni baanan sukuꞌ si Isa minsan mehe maltabat da ninsila.

Salsila siga Rasul 5:40

Sugaꞌ lay doꞌ duhuꞌ ga rasul looy nohoꞌ binoo pa jawom, boꞌ nohoꞌ llagpiꞌ. Maka lay gi sila binandaan yaꞌ na nohoꞌ noan jama pasal si Isa. Pag-anu siꞌ, lay na sila pinōꞌ.

Siga Pakaradjaan bay Pinalahil 21:8

Sugaꞌ kuwan sagannap ma nuwak aku sabap tawu sila bininsanaꞌ sampay sagannap ma yaꞌ kuhi pitsayaꞌ niyaku, saꞌ sila sukuꞌ ku. Sila ina ka sagannap ma buwat kasabuhan, ma mapatoy jama, ma magjina, ma makoy ilmuꞌ seytan, ma numba siga tuhan-tuhan, sampay mimon ma ngandustaꞌ, ilooy du sukuꞌ da yana danaw looy ma pannoꞌ leꞌ api ka manilang ngereꞌ. Boꞌ ilooy na silay inawnan kapatoy ni kaduwa na.”