Yahiya 9:16 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁶ Yuk kasohean Parisi baw siꞌ tu, “Lalla ma bay buwat meꞌ looy ilay, saꞌ silay lakka man Tuhan batan llangga meꞌ na saraꞌ pasal Llaw Pahali.” Sugaꞌ yuk kasohean baw, “Bong baw bilay ya baldusa, pooy baw meꞌ na nduwan buwat kahaylan-haylan meꞌ tuu?” Dari ilooy ma magsulemaꞌ na pamiki da.

Yahiya 9:16 ပူးပေါင်းရင်းမြစ်များ

Matiyu 12:10

Ndooy siꞌ, luu disu lalla kimoy tangan na. Dari bbuwatan siga Parisi ndooy maimanan si Isa. Doman sila kasakup bong ya nguliꞌ ni Llaw Pahali mari luu sangdanan man da malkalaꞌ iya. Sangkon tilaw da ni si Isa, “Tuwan, bong kau, dari kitu kitabi ngulian jama sasang Llaw Pahali?”

Matiyu 12:2

Pag takita meꞌ siga Parisi ndooy, yuk da ni si Isa, “Ndaun doꞌ ba ga mulit nu. Llaw Pahali bitu batnaa. Yaꞌ dari ngattuꞌ ni llaw tuu.”

Lukas 13:14

Sugaꞌ kuwan pa-mmean langga looy baw siꞌ tu, lasu sabap si Isa bay nguliꞌ ni Llaw Pahali. Dari yuk pa-mmean looy ni siga jamaa ndooy, “Njawom sakayi pituꞌ luu nnom ngallaw halliꞌ man buwat. Maka njawom nnom ngallaw looy dari na san jama pitu nohoꞌ inulian. Daa jaꞌ sasang Llaw Pahali!”

Yahiya 10:19

Na sabapan bay bitsala si Isa siꞌ, magsulemaꞌ na baw pamiki ga jama ndooy pasal iya.

Yahiya 14:11

Pitsayaꞌ na kam ba ni bitsala ku. Kami bitu ka Mmaꞌ ku tibuuk. Bong sawpama masi gi kam kaawran pitsayaꞌ ni bitsala ku, subay siꞌ pitsayaꞌ na kam sabapan siga pabuwatan kahaylan-haylan bay pōꞌ ku.

Yahiya 2:11

Na ilooy siꞌ ma bay pabuwat si Isa ndooy ni kawum Kana ni Jalil, yana pabuwatan sibuwa kahaylan-haylan man na bay makita ehe kawasa Tuhan njataꞌ na. Dari sabap meꞌ looy, magsasōng na meꞌ siga mulit na pitsayaꞌ niiya.

Yahiya 3:2

Disu sangom, lay ya pilay pa mman si Isa. Takka ndooy yuk na, “Tuwan, katoonan kami kau guru lakka man Tuhan. Yaꞌ sina ko kapōꞌ siga pakaradjaan kahaylan-haylan meꞌ ilooy ma bay pabuwat nu bong yaꞌ luu kawasa Tuhan njataꞌ nu.”

Yahiya 5:10

Dari yuk siga pa-mmean Yahudi ni lalla looy ma bay kaulian, “Uy, ongoy doꞌ ko ina moo tipo nu? Tagga bina ni saraꞌ bong sasang meꞌ tuu ni Llaw Pahali.”

Yahiya 5:36

Sugaꞌ luu gi silay man jama mindoga bong soy ku labi gi man bay bitsala si Yahiya, yana siga pabuwatan kahaylan-haylan bay pōꞌ ku man panohoan Mmaꞌ ku. Siga pabuwatan looy ilay, ilooy na buktiꞌ Mmaꞌ ku bay nohoꞌ aku pitu. Boꞌ tud subay pupus ku mimon ma bay sohoꞌ Mmaꞌ ku.

Yahiya 6:52

Pag takale meꞌ siga Yahudi halling si Isa meꞌ looy, mangkin magsasōng na meꞌ da hipos sampay magjaw-jawap na ga, yuk da, “Uy la, pooy doꞌ na meꞌ lalla naa kabuwan isi na ningkitabi nohoꞌ kinakan?”

Yahiya 7:12

Na kuwan siga baanan jama ndooy baw siꞌ tu, meka na maghigung-higungan si Isa. Yuk kasohean, “Jama mahap silay ya.” Sugaꞌ kasohean baw siꞌ tu halling, “Daa kam ba hidjab. Magsian jama jaꞌ bilay ya.”

Yahiya 7:43

Dari magsulemaꞌ na jaꞌ pamiki da pasal si Isa.

Yahiya 9:24

Pag-anu siꞌ, lay na baw linganan da pabalik lalla looy ma bay buta. Maka yuk da niiya, “Magsabanna na ko ba ni awpan Tuhan. Katoonan kami du saꞌ lalla looy bay ngulian kau batan baldusa ya.”

Salsila siga Rasul 14:4

Sugaꞌ ga jama ndooy ni Ikoniyum magsulemaꞌ pamiki. Kasohean mmeꞌ ni siga Yahudi ma yaꞌ pitsayaꞌ, kuwan kasohean, mmeꞌ ni ga si Pol.