Yahiya 8:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ Ngkon da ilay siꞌ bay nilaw meꞌ looy man da jaꞌ nallok-nallok iya kawu-kawu luu na danan man da malkalaꞌ iya. Sugaꞌ si Isa siꞌ tu, yaꞌ bay nampung, gam pin lay jaꞌ ya pakokoꞌ boꞌ na nuwat ka timbōꞌ na taꞌ tanaꞌ.

Yahiya 8:6 ပူးပေါင်းရင်းမြစ်များ

Panagnaan 49:9

Kau ina Juda tadalil pa halimaw bohoꞌ lupus bay mangan sabbatan na boꞌ na pabeleng pa pahaliyan na pahangkop-hangkop. Boꞌ yaꞌ san luu katawakka ngusik-ngusik iya.

Matiyu 10:16

“Paayad-ayad kam batan sohoꞌ ta na kam patabbaꞌ pa jawom jama jahat. Sibuꞌ du sina mintu karuha bi ka siga bili-bili njawom baanan idoꞌ tawun ma doman jaꞌ nokob. Sangkon pakoyun bi honaꞌ-honaꞌ bi meꞌ ndang tabiat jama halul-akka maka subay lammaꞌ jaꞌ pangatayan bi ni jama.

Matiyu 15:23

Sugaꞌ yaꞌ san nampung si Isa. Dari pagka amu-amu danda looy patuhut boꞌ hibuk lagi ngalingan, yuk siga mulit si Isa, “Tuwan, danda naa la nasat jaꞌ. Daa busung, sohoun na ba ya lakka.”

Matiyu 16:1

Na disu llaw, luu na baw siga Parisi ka Saddusi pilay pa mman si Isa nuway-nuwayan iya. Yuk da niiya, “Pakitahan teꞌ kami sipat kawasa mari luu buktiꞌ kau bay pinapitu meꞌ Tuhan.”

Matiyu 19:3

Ndooy siꞌ, luu na baw takka siga Parisi pa mman na nual man da niit iya. Tilaw da niiya, “Bong ni saraꞌ agama tabi, dari kilay lalla napean nda na san gi oy sabapan na?”

Matiyu 22:18

Na si Isa baw siꞌ tu tasayu na du maksud da niit bitsala na. Dari yuk na, “Kaam tu, magbawuꞌ-bawuꞌ jaꞌ bina kam hilas nilaw. Ongoy kam nallok-nallok aku?

Matiyu 22:35

Dari siꞌ, ilooy ma bay nual iya yana disu guru lahal ni saraꞌ agama da. Maksud na niit bitsala si Isa.

Matiyu 26:63

Pag yaꞌ jaꞌ siꞌ nampung si Isa, mitsala na baw bbalik panghuluꞌ imam, yuk na, “Sapahan nu teꞌ ba batnaa ni awpan Tuhan sabanna ma llum saumu-umu bong bana kau na Almasi, yana Anak Tuhan.”

Malkus 10:2

Kuwan siga Parisi, luu du bay pilay nual si Isa man da niit iya. Dari tilaw da, “Tuwan, bong ni saraꞌ agama tabi, dari kilay lalla napean nda na?”

Malkus 12:15

Na si Isa baw siꞌ tu, tasayu na du maksud da. Dari yuk na, “Kaam tu, magbawuꞌ-bawuꞌ jaꞌ bina kam hilas nilaw. Ongoy kam nallok-nallok aku? Boonan bi teꞌ ku pitu disu pilak mari ta-ndaꞌ ku.”

Malkus 3:2

Maka luu du ndooy siga Parisi maimanan si Isa. Kainagon da malkalaꞌ iya bong ya bay nguliꞌ ni Llaw Pahali.

Malkus 8:11

Takka da ndooy, luu na baw pasōng siga Parisi nual si Isa. Maksud da nuway-nuwayan iya. Dari lay sila nohoꞌ pinakitahan sipat kawasa bong bana-bana du ya bay lakka man Tuhan.

Lukas 10:25

Pag-anu siꞌ, luu na baw disu guru lahal ni saraꞌ agama pasōng nuway-nuwayan si Isa, yuk na, “Tuwan Guru, oy tu la subay pabuwat ku mari sampulnaꞌ nyawa ku saumu-umu?”

Lukas 11:16

Na ndooy siꞌ, luu du kasohean ma doman nuway-nuwayan si Isa. Dari lay sila nohoꞌ pinakitahan sipat kawasa sarī bong bana-bana du ya bay lakka man Tuhan.

Yahiya 8:2

Pag deꞌ sayu, lay na baw ya pabeleng pa langga mehe. Yaꞌ hallom, liput na baw ya meꞌ jama ndooy sampay lay na ya ningkōꞌ nganasihatan sila.

1 Korin 10:9

Maka daa na kitabi hangat maruga Papuꞌ yaꞌ ngasip niiya. Ilooy na silay kon kabboꞌ-bboan kami kasohean lay matoy tininduk meꞌ siga sō.