Yahiya 8:56 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵⁶ Balik ta pa Nabi Ibrahim, tud bay gāk silay ya batan holat na ngita katakka ku pitu. Boꞌ lai du takita na, sampay biddaꞌ na ehe kagakan na.”

Yahiya 8:56 ပူးပေါင်းရင်းမြစ်များ

Panagnaan 22:18

Maka bbos-bbos ina mimon kabangsa-bangsahan sinupaatan man sabapan panubuꞌ nu sabap meꞌ nu bay ngasip niyaku.’ ”

Matiyu 13:17

Baan ta kam banahan, meka silay nabi ka ga jama intong mattoꞌ tud bay doman ngita ituu ma takita bi batnaa, sugaꞌ yaꞌ gi bay luu dapat da. Tud bay sila doman kale ituu ma takale bi batnaa sugaꞌ yaꞌ gi du bay luu dapat da.”

Lukas 10:24

Baan ta kam banahan, meka silay nabi ka ga sultan mattoꞌ tud bay doman ngita siga pakaradjaan ma takita bi batnaa. Maka tud mehe kainagon da kale ituu ma takale bi batnaa, sugaꞌ yaꞌ du bay luu dapat da.”

Yahiya 10:25

Pag tampung si Isa siꞌ, “Bay na kam bilay baan ku, sugaꞌ yaꞌ du kam bay pitsayaꞌ. Sarī gi, siga pabuwatan kahaylan-haylan bay pabuwat ku ni awon Mmaꞌ ku, lay na du mōꞌ buktiꞌ bong soy ku.

Yahiya 8:37

“Pasal kaam, ndang tasayu ku du sina panubuꞌ Nabi Ibrahim kam. Salla na, yaꞌ kam nutu arat-tabiat na. Batan kaam, doman kam mapatoy aku sabap meꞌ bi dugahan ni tōꞌ ku.

Yahiya 8:39

Tampung da baw siꞌ tu, “Nabi Ibrahim baw bilay Mmaꞌ kami.” Pag halling si Isa, “Bong siꞌ kam bay mattan anak Nabi Ibrahim, mastiꞌ akig bi jaꞌ kawul-piil na.

Hibrani 11:13

Na ga Nabi Ibrahim ilay ka ga anak-mpu na mangando na pin pa Tuhan ngabut sampay da bay matoy san yaꞌ gi bay takoleꞌ da ilooy ma bay njanjiꞌ meꞌ Tuhan ninsila. Sugaꞌ gāk baw sila batan tabista da bbos-bbos takoleꞌ da ilooy ma bay agad da. Sangkon meꞌ da ngingat, jama sampi sadjaꞌ sila pahās jaꞌ ni junyaꞌ tuu.

Hibrani 11:39

Ga jama looy ilay labbasakayi, pagka basag pangando da, kasulutan banahan Tuhan ninsila. Sugaꞌ san meꞌ looy, halloman da llum, yaꞌ gi bay takoleꞌ da supaat ma bay janjiꞌ Tuhan ninsila.