Yahiya 8:39 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁹ Tampung da baw siꞌ tu, “Nabi Ibrahim baw bilay Mmaꞌ kami.” Pag halling si Isa, “Bong siꞌ kam bay mattan anak Nabi Ibrahim, mastiꞌ akig bi jaꞌ kawul-piil na.

Yahiya 8:39 ပူးပေါင်းရင်းမြစ်များ

Matiyu 3:9

Daa kam mista sukat kam panubuꞌ Nabi Ibrahim yaꞌ na kam tuwaꞌ mulkaꞌ Tuhan. Bong siꞌ ina tud panubuꞌ Nabi Ibrahim pagpiha Tuhan, san ga buran batu naa, tapadari du meꞌ Tuhan ga panubuꞌ na.

Matiyu 5:45

Bong siꞌ ina kam maaseꞌ jaꞌ meꞌ naa, tumatandaꞌ na nutu kam Mmaꞌ bi Tuhan ni sulgaꞌ. Batan tabiat Tuhan ina buwat mahap ni mimon manusiyaꞌ. Mindoga jaꞌ kam ni mataallaw. Saꞌ ba, bila pinasilak na meꞌ Tuhan, sibuꞌ du jama karantaan ma mahap ka jama maat? Damikiyan, hāl uwan, saꞌ sat jama mahap buwanan na uwan, arapun sampay jama maat, buwanan na du.

Yahiya 8:33

Pag-anu, yuk siga pa-mmean Yahudi ndooy siꞌ, “Kami bitu la panubuꞌ Nabi Ibrahim. Yaꞌ kami bay pingkaꞌ pinahata. Ongoy taggahaꞌ tatammu nu na baw ga māꞌ pinaddusan kami mari kami yaꞌ na pinahata?”

Yahiya 8:37

“Pasal kaam, ndang tasayu ku du sina panubuꞌ Nabi Ibrahim kam. Salla na, yaꞌ kam nutu arat-tabiat na. Batan kaam, doman kam mapatoy aku sabap meꞌ bi dugahan ni tōꞌ ku.

Yahiya 8:43

Tud yaꞌ bitu tahati bi bitsala ku batan yaꞌ tatimaꞌ bi tōꞌ ku.

Yahiya 8:56

Balik ta pa Nabi Ibrahim, tud bay gāk silay ya batan holat na ngita katakka ku pitu. Boꞌ lai du takita na, sampay biddaꞌ na ehe kagakan na.”

Suwat si Pol pa mman Baanan Sukuꞌ si Isa ndooy ni Rom 4:16

Sangkon, man gantaan Tuhan, isu-isu sila ma pitsayaꞌ niiya koleꞌ siga supaat ma bay njanjiꞌ meꞌ na. Siga supaat looy ilay ndean meꞌ Tuhan ni kaehe aseꞌ na ni sikamimon ma binilang meꞌ na siga anak Nabi Ibrahim. Na siga anak ma awnan ku ilay siꞌ, saꞌ silay sat siga Yahudi ma pitsayaꞌ, arapun sampay mimon bangsa ma pitsayaꞌ ni janjiꞌ Tuhan meꞌ bay jaman Nabi Ibrahim. Sangkon Nabi Ibrahim ilay binilang na mmaꞌ sikamimon manusiyaꞌ ma pitsayaꞌ.

Suwat si Pol pa mman Baanan Sukuꞌ si Isa ndooy ni Rom 9:7

Intong na, san mimon bangsa Israil panubuꞌ Nabi Ibrahim, yaꞌ baw sila sikamimon taawnan panubuꞌ na sabanna. Batan yuk Tuhan ni Nabi Ibrahim, “Si Isahak yana pindoga man siga panubuꞌ nu initung bbos-bbos.”

Galatiya 3:29

Maka pagka sukuꞌ Almasi na kam, malaingkan initung na sina kam anak Nabi Ibrahim. Boꞌ na, kapakaam na mimon ma bay njanjiꞌ meꞌ Tuhan.

Galatiya 3:7

Sangkon pahamun bi banahan, sagannap ma pitsayaꞌ ni janjiꞌ Tuhan meꞌ karuha Nabi Ibrahim, sila na sina initung meꞌ Tuhan siga anak Nabi Ibrahim.