Yahiya 8:21 - Sabahagiꞌ Kitab Tawrat: Panagnaan ni Awwal Jaman maka Kitab Injil

²¹ Pag-anu siꞌ, lay na baw si Isa mitsala balik ninsila, yuk na, “Yaꞌ hallom, palakka na ku. Boꞌ lahat ma tiluꞌ ku, basta yaꞌ kam kapilay. Piha bi du sina ku mintu, sugaꞌ matoy jaꞌ sina kam sampay taboo bi jaꞌ sina dusa bi pa ahirat. Basta yaꞌ du ku tatammu bi.”

Yahiya 8:21 ပူးပေါင်းရင်းမြစ်များ

Matiyu 23:39

Maka yaꞌ na sina ku takita bi pabalik ngkod-ngkoran bi yaꞌ gi kapahalling, ‘Bana-bana du sinupaatan ilooy ma bay pitu ni kapatut Tuhan!’ ”

Matiyu 25:41

“Pag-lupus, halling na baw Sultan ni sagannap ma huwin pa kayli na, ‘Kaam ina, basta pinagmulkaan sina kam. Lakka na kam man bihing ku. Pilay na kam pa jawom api ma yaꞌ kuhi pawom saumu-umu, ma hinallian Ibilis ka ga sosohoan na.

Matiyu 25:46

Pag-anu, yuk si Isa, “Na siga jama meꞌ looy ilay ma bay sabbut ku siꞌ dambuli, llakkahan na silay mintu sampay minulkaan saumu-umu. Boꞌ siga jama looy ma intong, binuwanan na kasampulnaan nyawa njawom okoman Tuhan saumu-umu.”

Yahiya 12:33

Na ngkon ilay si Isa bay halling pasal meꞌ na inangkat taꞌ tehang, man na mahati sila bong pooy meꞌ na mintu matoy.

Yahiya 12:35

Pag tampung si Isa, lay jaꞌ ya ngandalil dī na pa sūꞌ, yuk na, “Dangkitiꞌ lasa situ waktu sūꞌ ninag. Sangkon, padpad masi ninag, tusun bi na lān ma sinūꞌ meꞌ dantaꞌ na, taggahaꞌ lay na baw kam mintu kalindoman. Batan jama ina ma lumān njawom lindom, yaꞌ katoonan da bong luꞌ paninggai sila.

Yahiya 13:33

Maka yuk si Isa lagi, “Siga anak, dangkitiꞌ sa situ waktu ku kapagdambuwaꞌ ka kaam. Pag yaꞌ jaꞌ ku ina mintu luu, piha bi du sina ku, sugaꞌ meꞌ bay halling sambat ku na siꞌ ni siga pagkahi tabi Yahudi, bong inawnan lahat ma tiluꞌ ku, yaꞌ kam kapilay.

Yahiya 7:34

Taabut waktu looy ilay mintu, piha bi du sina ku, sugaꞌ yaꞌ na ku tatammu bi. Boꞌ na, yaꞌ kam kapilay pa lahat ma tiluꞌ ku.”

Yahiya 7:36

Oy lay la hantak bitsala na? Halling na siꞌ piha tabi du ya konoꞌ bbos-bbos, sugaꞌ yaꞌ na ya tatammu tabi. Boꞌ yaꞌ san konoꞌ kitabi kapilay pa lahat ma tiluꞌ na.”

Yahiya 8:24

Sangkon meꞌ halling sambat ku na siꞌ, taboo bi jaꞌ sina dusa bi matoy. Batan bong kam yaꞌ pitsayaꞌ aku na Almasi, basta yaꞌ sina kuhi puwas dusa bi.”

Epesus 2:1

Na maruhuꞌ, kaam ina, bong pa Tuhan, matoy jaꞌ kam sabapan dusa bi hangat ngalangga kahandak na. Yaꞌ gi luu kaallum bi bahau.