Yahiya 8:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² Pag deꞌ sayu, lay na baw ya pabeleng pa langga mehe. Yaꞌ hallom, liput na baw ya meꞌ jama ndooy sampay lay na ya ningkōꞌ nganasihatan sila.

Yahiya 8:2 ပူးပေါင်းရင်းမြစ်များ

Matiyu 26:55

Maka yuk si Isa ni siga jama looy, “Ongoy doꞌ kam ina pitu na ka ga kataliꞌ sampay ga takaka? Ongoy kanna bi, mundu kitu ku? Aku bitu, llaw pa dangallaw na ku bay magpanoan kaam ni langga mehe. Ongoy taggahaꞌ yaꞌ gi ku bay sungkuban bi ndooy?

Lukas 21:37

Na si Isa siꞌ tu, llaw-llaw pilay pa langga mehe magnasihat. Pag sangom-pag sangom, pilay ya pa Punu Jaytun batan ndooy man mman na tuli.

Lukas 21:38

Dari siꞌ, llaw-llaw, sayu alab lagi, meka jama pilay pa langga mehe pakale niiya.

Lukas 4:20

Pag lupus si Isa matsa, lay na logoran na balik kitab looy, boꞌ lay na papoleꞌ na pa mman jama ma tukang ngintu ni langga, boꞌ na ningkōꞌ. Na mimon siꞌ tu jamaa ndooy, bbuwatan da maimanan iya na sadjaꞌ.

Lukas 5:3

Disu bagung, si Saymon dapu. Dari lay dutai si Isa taꞌ bagung looy boꞌ sohoꞌ na sinugan ni si Saymon dangkitiꞌ man bihing. Pag-anu, lay na ya ningkōꞌ ndooy magnasihat ni baanan jama ni tapiyan.

Yahiya 4:34

Sugaꞌ yuk si Isa ninsila, “Kinakan ku bitu yana mean kahandak ilooy ma bay nohoꞌ aku pitu maka mupus pabuwatan ma bay sinukuꞌ meꞌ na niyaku.

Yahiya 8:20

Si Isa siꞌ bay mitsala meꞌ looy sasang na ndooy ni langga mehe nōꞌ ni tagan pangannaan man ngalabuꞌ saraka. Kasohean baw siꞌ tu, san sila doman nungkuban iya, yaꞌ gi du bay luu dapat da sabap yaꞌ gi bay taabut waktu bay ginantaꞌ niiya.

Yahiya 8:3

Yaꞌ hallom, takka na baw baanan Parisi ka ga guru saraꞌ agama moo disu danda bay taabut magjina. Ndooy siꞌ, lay ya pinatangge ni awpan sikamimon.

Salsila siga Rasul 5:21

Dari siꞌ, pag kallat llaw, lay na du sila pilay pa langga mehe sampay lay na sila noan jama ndooy. Kuwan panghuluꞌ imam baw siꞌ tu ka ga soheꞌ na, kanna da masi na pin luu siga rasul looy njawom jīl. Dari bbuwatan da lay nawag baanan kapakihan inawnan Sanhidrin ka ga matatoa ni agama bangsa Israil. Luu jaꞌ siꞌ kumpo labbasakayi, lay na sohoꞌ da kinaddoꞌ siga rasul looy siꞌ man jawom jīl binoo pa mman da sinumariya.