Yahiya 8:11 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹¹ Pag tampung danda looy siꞌ, “Yaꞌ na la luu, Tuwan.” Dari yuk si Isa, “Aku pun, yaꞌ du ku malkalaꞌ kau. San ko moleꞌ na. Daa jaꞌ ko balik buwat dusa.”

Yahiya 8:11 ပူးပေါင်းရင်းမြစ်များ

Lukas 13:3

Pamiki meꞌ looy ilay magsāꞌ. Sugaꞌ baan ta kam banahan, bong baw ina yaꞌ tawbatan bi mimon dusa bi, binasa du kam bbos-bbos.

Lukas 13:5

Sugaꞌ meꞌ halling sambat ku na du siꞌ, magsāꞌ du jama bong sila mista meꞌ looy. Sugaꞌ baan ta kam banahan, bong baw ina yaꞌ tawbatan bi dusa bi, binasa du sina kam meꞌ karuha sila.”

Lukas 15:10

Na baan ta kam, meꞌ naa du sina kagakan siga malaikat Tuhan pag takita da disu baldusa nawbat.”

Lukas 15:32

Pasal ariꞌ nu ina, pataꞌ subay paglami-lamihan ta ka ballang mehe sabap iya ina, sibuꞌ du kadari na ka jama bay na matoy llum na pabalik. Bay na ya lungay, pag batnaa luu na tatammu.’ ”

Lukas 15:7

Na baan ta kam, meꞌ naa du sina kagakan ni sulgaꞌ luu-luu disu baldusa ntuu ni junyaꞌ nawbat. Mas mehe kagakan ndooy ni disu jama meꞌ looy man siyampuꞌ-siyam jama intong ma yaꞌ gunahan ninsila nawbat.”

Lukas 5:32

Intong na, aku itu bay pitu, saꞌ ga maksud ku ngaliyun jama ma mista dī da intong. Arapun aku itu bay pitu ngaliyun sagannap ma mangaku baldusa supaya nawbat na sila.”

Lukas 9:56

Dari lay na jaꞌ sila papagsiꞌ pa kawum sarī.

Yahiya 18:36

Pag tampung si Isa, “Pagkasultan ku bitu yaꞌ sibuꞌ ka pagkasultan ni junyaꞌ tuu. Bong siꞌ ilay bay sibuꞌ, mastiꞌ ngatu na siga raayat ku supaya ku yaꞌ na tasungkub meꞌ siga pa-mmean Yahudi. Sugaꞌ niyaꞌ sibuꞌ, batan pagkasultan ku tu saꞌ lakka man junyaꞌ tuu.”

Yahiya 3:17

Tuhan ilay bay mapitu Anak na pa junyaꞌ, maksud na nalamat manusiyaꞌ, saꞌ ga ngalabuan sila hukuman.

Yahiya 5:14

Yaꞌ gi san bay hallom, lay na baw takita si Isa lalla looy siꞌ ni langga mehe. Dari yuk si Isa niiya, “Ū Paꞌ, kasay na ko la! Sugaꞌ ilagan nu na dusa taggahaꞌ luu na baw mintu katuwaꞌ kau kamalasahiyan maat gi man maruhuꞌ.”

Yahiya 8:15

Boꞌ kaam ina manding aku, mindoga jaꞌ kam ka pamiki manusiyaꞌ ma mandang hāl junyaꞌ. Boꞌ aku baw tu, yaꞌ situ kon ku bay pitu manding jama.

Suwat si Pol pa mman Baanan Sukuꞌ si Isa ndooy ni Rom 2:4

Sangka bi mareꞌ sukat mehe aseꞌ Tuhan maka tahaꞌ pasensiya na ningkaam, ga yaꞌ dari oy na niiya san kam amu-amu buwat kalaatan. Maka yaꞌ gi mareꞌ tabista bi ngkon na amu-amu manimbang ningkaam, kawu-kawu tawbatan bi na dusa bi.

1 Korin 5:12

Kuwan sagannap ma yaꞌ mmeꞌ ni si Isa, yaꞌ sina luu kapatut tabi ngalabuan sila hukuman. Tuhan sa motangan sila hukuman. Ilooy du pataꞌ subay kalabuan hukuman meꞌ tabi, yana siga pagkahi tabi sukuꞌ si Isa bong luu buwat maat. Minsan njawom Kitab Tawrat yuk na, “Poun bi na pagkahi bi ma maat man jawom baanan bi.”

2 Pitel 3:15

Ingatun bi, tud tahaꞌ pasensiya Papuꞌ tabi. Llantan meꞌ na katakka na sabap muwanan na pin ya manusiyaꞌ dapat man da nawbat, boꞌ da salamat. Na siga pakaradjaan tuu itu siꞌ, lay na du bay sinabbut meꞌ danganakan tabi si Pol njawom suwat na ningkaam. Iya bay nuwatan kam man sabapan pangahati bay dean Tuhan niiya.