Yahiya 7:4 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴ Bong ko bana-bana pandoy mōꞌ pabuwatan kahaylan-haylan, pakitahan nu na mimon manusiyaꞌ. Yaꞌ sina pōꞌ kabantugan nu bong tapuk nu kapandoyan nu.”

Yahiya 7:4 ပူးပေါင်းရင်းမြစ်များ

Matiyu 23:5

“Sikamimon tangge-tingkōꞌ da man magpakita-kita sadjaꞌ mari sila sinanglitan. Ndaun bi doꞌ ba pangannaan suwat man jawom kitab bay kinabit ni tundun da ka langngon da. Maka ndaun bi doꞌ ba tahaꞌ jambu ni battis juba da man da magpakita-kita.

Matiyu 4:6

Yuk Ibilis niiya, “Bong ko bana-bana Anak Tuhan, kupa teꞌ ko pa diyoꞌ. Ndang-ndang yaꞌ du sina ko kongoy-kongoy, batan saꞌ ba, luu du bay sinuwatan njawom kitab, ‘Sohoꞌ Tuhan sa siga malaikat na nayak kau supaya yaꞌ san sumantuk battis nu ni batu.’ ”

Matiyu 6:16

“Maka bila kam puwasa, daa na du kam ngakig jama ma magbawuꞌ-bawuꞌ jaꞌ sutsiꞌ. Jama meꞌ sila ilay, sigi-sigi ngaluraꞌ pilay-pitu man da magpasipat sila jama puwasa. Sugaꞌ baan ta kam banahan, pag taabut da takita meꞌ jama, ngkod looy du silay tungbas takoleꞌ da.

Matiyu 6:5

“Maka bila kam maku duwaa pa Tuhan, daa na du kam ngakig jama ma magbawuꞌ-bawuꞌ jaꞌ sutsiꞌ. Sila ina tigiꞌ maku duwaa bila meka na jama kumpo ni langga atawa ni mayran bong pin sila takita leꞌ manusiyaꞌ. Sugaꞌ baan ta kam banahan, pag taabut da takita meꞌ jama, ngkod looy du silay tungbas takoleꞌ da.

Lukas 6:45

Manusiyaꞌ pun ina meꞌ naa du. Bong jama mahap, mahap du kawul-piil na sabap kaayaran jaꞌ kinanna njawom atay na. Sugaꞌ bong jama maat, maat du kawul-piil na sabap kalaatan jaꞌ kinanna njawom atay na. Oy-oy ina kinanna njawom atay manusiyaꞌ, inaa du sina pōꞌ man jawom behe da.”

Yahiya 18:20

Pag tampung si Isa, “Aku ilay bay noan jama, wā ku mitsala njawom jama ni kalangga-langgahan sampay ni langga mehe, nnoy-nnoy man bangsa tabi kumpo-kumpo. Yaꞌ luu waktu ku bay noan jama sipuk-sipuk.

Yahiya 7:3

Dari kuwan siga danganakan si Isa, buwatan da nohoꞌ iya mmeꞌ, yuk da, “Daa doꞌ ko ba hangat ni lahat tuu na jaꞌ. Gam na ko pa Yahudiya supaya takita na du pabuwatan nu meꞌ siga mulit nu kasohean ndooy.

Yahiya 7:5

Na sila ilay siꞌ bay mitsala meꞌ looy man da bay madiyoꞌ iya batan yaꞌ sila pitsayaꞌ niiya san sila danganakan na.