Yahiya 7:39 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁹ Na boheꞌ llum ilay ma bay inawnan meꞌ si Isa, yana Rū Sutsiꞌ ma song pinaasok ni soysoy pitsayaꞌ niiya. Sugaꞌ hallang-hallangan looy, yaꞌ gi bay pinaasok Rū Sutsiꞌ pa jawom atay jama sabap yaꞌ gi si Isa bay pabeleng pa sulgaꞌ.

Yahiya 7:39 ပူးပေါင်းရင်းမြစ်များ

Matiyu 16:14

Tampung da, “Pamāꞌ kasohean, kau na konoꞌ si Yahiya ma Tukang Mandi lay na llum pabalik. Yuk kasohean baw, kau na konoꞌ Nabi Eliyas. Boꞌ yuk kasohean baw, kau na konoꞌ Nabi Jeremaya atawa disu nabi sarī man maruhuꞌ-ruhuꞌ bay pinakallum pabalik.”

Matiyu 21:11

Pag tampung baanan jama ma ngahaboyan si Isa, “Iya na sina si Isa, nabi looy man Nasaret ndooy ni Jalil.”

Lukas 24:49

Yaꞌ na du sina hallom, papitu ku sa Rū Sutsiꞌ ma bay njanjiꞌ meꞌ Mmaꞌ ku pa mman bi. Ngagad jaꞌ kam ni daira tuu ngkod-ngkoran yaꞌ gi kam bay pinatannaan kawasa man sulgaꞌ meꞌ Rū Sutsiꞌ.”

Lukas 3:16

Sugaꞌ yuk si Yahiya, “Luu gi sina mintu pasunuꞌ niyaku tā biddaꞌ na langkaw kawasa-kapatut na man niyaku. Yaꞌ san ku tawop makkasan ingkot tumpaꞌ na. Aku tu mandi kaam ka boheꞌ jaꞌ. Boꞌ iya ina mintu, man na mandi kaam, Rū Sutsiꞌ ka api.

Lukas 7:16

Pag takita leꞌ baanan jama ndooy, takkahan tawu na sila labbasakayi sampay mudji na ga sila Tuhan, yuk da, “Luu na bitu Tuhan pitu nabang kitabi sukuꞌ na. Batan luu na bay papitu na disu nabi biddaꞌ na ehe kawasa na pa mman tabi.”

Yahiya 1:21

Yuk da na baw, “Bong ko saꞌ Almasi, soy baw ina ko? Kau na kina Nabi Eliyas?” Iya tampung na, “Ssaꞌ du ba.” Tilaw da, “Bong meꞌ naa, soy tu ko la? Kau na kina nabi looy ma pinag-agad meꞌ bangsa tabi?” Iya tampung si Yahiya, “Ssaꞌ du ba.”

Yahiya 1:25

Dari yuk da, “Bong ko saꞌ Almasi atawa Nabi Eliyas atawa nabi looy ma pinag-agad, ongoy baw ko taggahaꞌ mandi jama?”

Yahiya 12:16

Na kuwan siga mulit si Isa baw, yaꞌ lagi bay tabista da lay na binakbul tunaꞌ looy. Noy bay na si Isa pinakallum pabalik sampay inangkat pa sulgaꞌ boꞌ taintom da na ndang luu tunaꞌ njawom kitab hāl meꞌ looy. Boꞌ ndooy na bohoꞌ tabista da na tunaꞌ looy bay sinuwatan pasal si Isa.

Yahiya 12:23

Yuk si Isa ninsila, “Tapit banahan na situ waktu ehe kabantugan Anak Manusiyaꞌ pinalahil.

Yahiya 14:13

Maka oy-oy paku bi ni awon ku, duwan ta jaꞌ sina kam supaya Mmaꞌ ku koleꞌ kabantugan mehe ni jataꞌ ku.

Yahiya 14:26

Kamasaꞌ, pag taabut ku yaꞌ na luntuu, pinapitu du sina meꞌ Mmaꞌ ku gantiꞌ ku, yana Tukang Nabang, hati na, Rū Sutsiꞌ. Iya sa mintu noan kaam mimon ma pataꞌ kinatoonan meꞌ bi sampay maintoman kaam mimon ma bay bāꞌ ku ningkaam.

Yahiya 16:14

Moo gi sina ya mintu kabantugan mehe niyaku sabap malahil ya ningkaam kabanahan lakka man aku.

Yahiya 16:7

Sugaꞌ baan ta kam banahan, aku tu palakka, pa kaayaran du sina ningkaam. Batan pag lakka ku mantuu, sohoꞌ ku sa Tukang Nabang pa mman bi. Sugaꞌ bong itu ku yaꞌ lakka, yaꞌ du ya pitu.

Yahiya 17:1

Lupus si Isa siꞌ bay mitsala meꞌ looy, lay na ya pahangad pa taꞌ langit sambayan na halling, “Maꞌ, taabut na waktu bay gantaꞌ nu niyaku. Mōꞌ na ko kabantugan ni Anak nu mari ku kaboo kabantugan ningkau.

Yahiya 17:5

Sangkon batnaa Maꞌ, bong anu, pabalikun na niyaku kabantugan ma ndang bay luu na mman ku bay jaman ku nnaa mman nu yaꞌ gi luu junyaꞌ.

Yahiya 20:22

Pus na halling meꞌ looy, lay na ya mahuwa napas na ninsila, boꞌ na halling, “Timaun bi na Rū Sutsiꞌ.

Yahiya 6:14

Lay jaꞌ siꞌ takita ga baanan jama ndooy pabuwatan kahaylan-haylan bay pabuwat si Isa, ilooy ma lay sila kapahalling, “Mattan du la lalla tuu nabi looy ma bay tinunaꞌ maruhuꞌ-ruhuꞌ pitu pa junyaꞌ.”

Yahiya 7:12

Na kuwan siga baanan jama ndooy baw siꞌ tu, meka na maghigung-higungan si Isa. Yuk kasohean, “Jama mahap silay ya.” Sugaꞌ kasohean baw siꞌ tu halling, “Daa kam ba hidjab. Magsian jama jaꞌ bilay ya.”

Yahiya 8:54

Pag tampung si Isa, “Bong aku mantug dī ku, yaꞌ du luu pūs na. Sugaꞌ luu muwanan aku kabantugan, yana Mmaꞌ ku ma inaku meꞌ bi Tuhan bi.

Salsila siga Rasul 19:2

Tilaw na ninsila, “Waktuhan bi bohoꞌ pitsayaꞌ ni si Isa, luu kilay Rū Sutsiꞌ bay pinatannaꞌ njawom atay bi?” Tampung da, “Yaꞌ san bilay bay taaka kami ga luu inawnan Rū Sutsiꞌ.”

Salsila siga Rasul 2:17

Yuk Tuhan, ‘Ni ahil jaman, patannaꞌ ku Rū ku njataꞌ bangsa sikamimon. Kuwan siga anak bi, danda-lalla, masampay na siga umanat ma pinalahil meꞌ Rū ku ninsila. Kuwan kalallahan bi ma anak-anak bahau, pinakitahan na siga pandapat. Kuwan ga kalallahan bi pun ma toa na, luu du palahil Rū ku ninsila njawom siga upihan da.

Salsila siga Rasul 2:33

Boꞌ lay gi ya inangkat pa sulgaꞌ sampay lay na pinatingkōꞌ ni bihing Mmaꞌ na Tuhan huwin pa kawnan njawom kabantugan mehe. Boꞌ lay gi ya binuwanan kapatut matannaan siga sukuꞌ na Rū Sutsiꞌ meꞌ ndang bay njanjiꞌ meꞌ Mmaꞌ na. Dari ituu tu siꞌ ma bahau jaꞌ bay takita bi sampay takale bi ni baanan kami poonan man Rū Sutsiꞌ ma bay pinatannaꞌ ningkami.

Salsila siga Rasul 2:38

Pag tampung si Pitel, “Subay kam nawbat saliꞌ-saliꞌ, boꞌ bi nohoꞌ pinandi ni awon si Isa Almasi. Meꞌ looy ilay, puwas na mimon dusa bi pa Tuhan boꞌ bi buwanan na ladjikiꞌ, yana Rū Sutsiꞌ.

Salsila siga Rasul 2:4

Pag-anu, ilooy ma inassob na sila sikamimon meꞌ Rū Sutsiꞌ. Maka man kawasa na, mitsala na ga sila ni jinisan pallun ma yaꞌ san bay pingkaꞌ kapandoyan da.

Salsila siga Rasul 3:13

Saꞌ situ man kami, arapun man kawasa Tuhan ma bay inisbat meꞌ Nabi Ibrahim, Nabi Isahak, Nabi Yaꞌkub sampay na kabboꞌ-bboan tabi kasohean. Tuhan ilay siꞌ bay ngulian lalla tuu man na muwan kabantugan mehe ni si Isa, lalla ma wā ngasip ni kahandak Tuhan. Ilooy na silay Isa ma bay pa-ntan bi pa mman Gubnul Pilatu sinohoꞌ pinapatoy. San ya adak na bay paddusan Gubnul Pilatu, lay gi sinaggaꞌ meꞌ bi.

Salsila siga Rasul 4:31

Na paddus da siꞌ maku duwaa, sarunduun du jogjog lumaꞌ man da kumpo sampay ssob na ga sila sikamimon meꞌ Rū Sutsiꞌ. Dari hallot na tawakka da masaplag umanat Tuhan.

Suwat si Pol pa mman Baanan Sukuꞌ si Isa ndooy ni Rom 8:9

Boꞌ kaam ina, yaꞌ na kam pinagbayaan meꞌ napsu bi. Ilooy sa bean bi kahandak Rū Tuhan pagka luu na ya patannaꞌ njawom atay bi. Sugaꞌ bong baw ina luu gi kam nnaa yaꞌ gi luu Rū Tuhan bay pinaasok pa jawom atay bi, malaingkan saꞌ du sina kam sukuꞌ Almasi.

2 Korin 3:8

labi na saꞌ kainu-inu katakka Rū Sutsiꞌ ma poonan kaallum bahau maka kasampulnaan nyawa. Boꞌ na, njataꞌ pagsulutan bahau ina, inaa na man manusiyaꞌ initung intong. Boꞌ njataꞌ pagsulutan sibuwa, inaa na sabapan man manusiyaꞌ kalabuan hukuman.

Epesus 4:30

Maka daa pasusahun bi Rū Sutsiꞌ ka kawul-piil ma naggaꞌ ni kahandak na. Iya ina yana katakkoan man tabi katantu sukuꞌ Tuhan na kitabi. Maka iya du sina katakkoan man tabi katantu mastiꞌ pinaddusan jaꞌ kitabi man mimon kalaatan junyaꞌ bbos-bbos.