Yahiya 7:33 - Sabahagiꞌ Kitab Tawrat: Panagnaan ni Awwal Jaman maka Kitab Injil

³³ Pag-anu, yuk si Isa ni baanan jama ndooy, “Aku tu, yaꞌ na ku humallom ntuu mman bi. Song pabeleng na situ ku pa mman ilooy ma bay mapitu aku.

Yahiya 7:33 ပူးပေါင်းရင်းမြစ်များ

Malkus 16:19

Paddus Papuꞌ Isa bay mitsala ninsila, ilooy ma lay na ya inangkat pa sulgaꞌ. Pag-anu, boꞌ na ningkōꞌ ni bihing Tuhan huwin pa kawnan.

Yahiya 13:1

Na tapit jaꞌ siꞌ paballangan Ngalingkaꞌ, ndang katoonan si Isa na tapit na waktu man na ngambanan junyaꞌ sampay pabeleng pa mman Mmaꞌ na. Na iya siꞌ tu, labba man sibuwa ngabut sampay pa katapusan, ndang maaseꞌ ya ni siga mulit na ntuu ni junyaꞌ.

Yahiya 13:3

Pus da siꞌ mangan, lay doꞌ si Isa nangge boꞌ na ngurusan juba na. Pag-anu, boꞌ na basahan ka tuwala. Na iya siꞌ tu, katoonan na du lay na dean Mmaꞌ na niiya kawasa-kapatut njataꞌ mimon-mimon. Maka katoonan na du iya lakka man Tuhan, damikiyan, Tuhan du polean na. Sugaꞌ san meꞌ looy, lay gi ya magpadiyoꞌ ni siga mulit na.

Yahiya 13:33

Maka yuk si Isa lagi, “Siga anak, dangkitiꞌ sa situ waktu ku kapagdambuwaꞌ ka kaam. Pag yaꞌ jaꞌ ku ina mintu luu, piha bi du sina ku, sugaꞌ meꞌ bay halling sambat ku na siꞌ ni siga pagkahi tabi Yahudi, bong inawnan lahat ma tiluꞌ ku, yaꞌ kam kapilay.

Yahiya 14:12

“Baan ta kam banahan, soysoy ina pitsayaꞌ niyaku, kapabuwat jaꞌ sina ya mintu pakaradjaan meꞌ ilooy ma bay pabuwat ku sampay labi gi. Batan aku tu moleꞌ na pa mman Mmaꞌ ku.

Yahiya 14:19

Yaꞌ na situ hallom, yaꞌ na ku takita leꞌ sagannap ma saꞌ sukuꞌ ku. Sugaꞌ bong baw kaam, sikita gi du sina mintu kitabi. Maka pagka ku itu mintu pinakallum du pabalik, mastiꞌ koleꞌ jaꞌ kam kaallum bahau.

Yahiya 14:28

“Na meꞌ halling sambat ku na nsiniꞌ, palakka na doꞌ ku boꞌ bi sa beleng ku. Na bong ina kam maaseꞌ du niyaku, mastiꞌ gāk jaꞌ sina kam song pilay na ku pa mman Mmaꞌ ku batan patingkat ya man aku.

Yahiya 16:10

Ni kapasal kaintongan, iya na sina gantiꞌ ku malahil lān intong ni manusiyaꞌ. Batan aku itu pabeleng na pa mman Mmaꞌ ku, boꞌ yaꞌ na ku takita bi.

Yahiya 16:28

Boꞌ bana du aku bay pitu pa junyaꞌ lakka man Mmaꞌ ku. Pag batnaa, lakka na baw ku man junyaꞌ beleng pa mman na.”

Yahiya 16:5

“Yaꞌ hallom, pabeleng na ku pa mman ilooy ma bay mapitu aku. Sugaꞌ ndaꞌ ku, yaꞌ na kam luu nilaw bong paninggai ku.

Yahiya 17:11

Batnaa tu, yaꞌ na ku hallom taꞌ junyaꞌ tuu batan song pilu na ku pa mman nu. Sugaꞌ siga mulit ku, tamban na jaꞌ ntuu. Sangkon Maꞌ, kau Mahasutsiꞌ, tabangan nu sa sila supaya sila kanaalla ni awon nu yana awon ma bay dean nu aku. Meꞌ naa ina, meꞌ kita na du sila dambuwaꞌ atay.

Yahiya 17:13

“Batnaa tu Maꞌ, song moleꞌ na ku pa mman nu. Sugaꞌ pakalehan ku doꞌ siga mulit ku bitsala ku meꞌ tuu padpad ku masi ni junyaꞌ tuu. Kon meꞌ looy supaya meꞌ aku na du sila pannoꞌ na atay da leꞌ kagakan.

Yahiya 20:17

Yuk si Isa niiya, “Daa ku kuwangkutan nu. Pawus gi situ ku pa jataꞌ pa mman Mmaꞌ ku. Sugaꞌ tugun ku ningkau, pilay na ko pa mman siga danganakan ta. Baan nu sila pilay na ku pa jataꞌ pa mman Mmaꞌ ku, yana Mmaꞌ bi, pa mman Tuhan ku, yana Tuhan bi.”

Yahiya 9:4

Batnaa tu, padpad luu gi dapat tabi, subay pabuwat tabi na pabuwatan ma bay sohoꞌ ilooy ma bay mapitu aku. Bong nnaꞌ ta pa disu llaw, huwas-huwasan tabi na buwat padpad masi ninag mataallaw, batan pag taabut sangom na, yaꞌ na luu tapabuwat tabi.