Yahiya 7:32 - Sabahagiꞌ Kitab Tawrat: Panagnaan ni Awwal Jaman maka Kitab Injil

³² Pag lay tasayu meꞌ siga Parisi ga jama ndooy maghigung-higungan si Isa meꞌ looy, bbuwatan da ka ga imam langkaw ndooy lay nohoꞌ siga tukang jaga langga nungkuban si Isa.

Yahiya 7:32 ပူးပေါင်းရင်းမြစ်များ

Matiyu 12:14

Pag ndaꞌ siga Parisi meꞌ looy, lay sila lakka man langga, boꞌ da isun bong pooy meꞌ da mapatoy si Isa.

Matiyu 23:13

Maka yuk si Isa, “Siya-siya kam la, siga guru saraꞌ agama ka ga Parisi! Magbawuꞌ-bawuꞌ jaꞌ kam sutsiꞌ. Bong luu na jama doman paasok pa jawom pamarinta Tuhan, bbuwatan bi pagapa ninsila ka tōꞌ bi bingkok. Yaꞌ gi kam kuhi nūs lān pa jawom pamarinta Tuhan, gam pin sinaggaꞌ gi meꞌ bi jama ma doman.

Matiyu 26:58

Kuwan si Pitel siꞌ tu, luu na pin patuhut man katāhan sampay lay na du ya nakka bihing haman lumaꞌ Imam Kayapas. Pag-anu, lay ya paasok pa jawom haman ningkōꞌ ni bihing ga tukang jaga supaya katoonan na bong oy katuwaꞌ si Isa.

Yahiya 11:46

Sugaꞌ kasohean baw siꞌ tu, gam pin lay pilay pa mman ga Parisi boꞌ da maan sila bay pabuwatan si Isa.

Yahiya 12:19

Na pag ndaꞌ siga Parisi meꞌ looy na, yuk da padisu-padisu, “Tud yaꞌ na bitu luu sōng bay sangsāꞌ tabi noan ga jama looy. Ndaun bi doꞌ ba pilay! Katis na jama junyaꞌ mmeꞌ niiya.”

Yahiya 18:3

Dari lay du si Judas luꞌ pilay moo baanan sundalu ka ga tukang jaga langga ma bay sinohoꞌ meꞌ siga imam langkaw ka ga Parisi. Sila siꞌ bay pilay ddas ka paliyatut da ka siga pakakas da.

Yahiya 7:30

Pus si Isa halling meꞌ looy, magdaruhun na dawom siga pa-mmean ndooy nungkuban iya, sugaꞌ yaꞌ luu tapabuwat da sabap yaꞌ gi bay ngabut waktu bay ginantaꞌ niiya.

Salsila siga Rasul 5:26

Dari siꞌ, lay du pilay kapitan looy ka ga pagkahi na tukang jaga langga nungkuban siga rasul looy pabalik. Sugaꞌ yaꞌ sila bay mapaddihan ga rasul looy batan hanggaw sila taggahaꞌ hiniyak na baw sila ka batu meꞌ baanan jama ndooy.