Yahiya 7:28 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁸ Na si Isa siꞌ tu, masi gi lundooy nōꞌ ni langga mehe. Pag takale na bitsala da, mangkin lay gi haddowan na halling na, yuk na, “Katoonan bi hati ku sampay lakka man ninggai ku, hāꞌ? Sugaꞌ baan ta kam, aku bilay bay pitu, saꞌ man garaꞌ ku dī ku. Arapun luu bay mapitu aku ma yaꞌ san katoonan bi, yana ilooy ma bonto gi man bonto.

Yahiya 7:28 ပူးပေါင်းရင်းမြစ်များ

Matiyu 11:27

Pag-anu, yuk si Isa na baw ni baanan jama ndooy, “Mimon-mimon lay na hinalap meꞌ Mmaꞌ ku niyaku. Yaꞌ luu toon njawom atay ku sarī man Mmaꞌ ku. Damikiyan, yaꞌ du luu toon njawom atay Mmaꞌ ku sarī man aku ka sagannap ma karomanan ku baan ku.

Matiyu 2:23

Pag takka da ndooy, lay sila maglahat ni disu kawum inawnan Nasaret. Na sabap meꞌ looy, lay na binakbul bay tunaꞌ kanabi-nabihan pasal Almasi, ilooy ma yuk da, “Iya inawnan jama man Nasaret.”

Matiyu 26:55

Maka yuk si Isa ni siga jama looy, “Ongoy doꞌ kam ina pitu na ka ga kataliꞌ sampay ga takaka? Ongoy kanna bi, mundu kitu ku? Aku bitu, llaw pa dangallaw na ku bay magpanoan kaam ni langga mehe. Ongoy taggahaꞌ yaꞌ gi ku bay sungkuban bi ndooy?

Lukas 10:22

Pag-anu, yuk si Isa na baw ni baanan ga jama ndooy, “Mimon-mimon lay na hinalap meꞌ Mmaꞌ ku niyaku. Yaꞌ luu toon njawom atay ku sarī man Mmaꞌ ku. Damikiyan, yaꞌ du luu toon njawom atay Mmaꞌ ku sarī man aku ka sagannap ma peneꞌ ku pinakitau.”

Lukas 2:11

Sangom tuu du siꞌ, luu na tukang nalamat bahau jaꞌ bay pinamaddihan ndooy ni bay daira Sultan Daud. Anak-anak looy ilay yana Almasi, Papuꞌ ma bay njanjiꞌ meꞌ Tuhan.

Lukas 2:39

Pag lupus si Yusup ka si Mariyam bay magtaat mean saraꞌ Tuhan, lay na sila moleꞌ pa Nasaret ndooy ni Jalil.

Lukas 2:4

Si Yusup pun ka tunang na si Mariyam, lai na du lakka man Nasaret ndooy ni Jalil magrejistel pilay pa Betlehem ndooy ni Yahudiya. Waktu looy ilay siꞌ ndang battong na si Mariyam. Ngkon da bay magrejistel pilay batan si Yusup disu panubuꞌ Sultan Daud. Boꞌ ndooy na silay man Sultan Daud bay pinamaddihan.

Lukas 2:51

Pag-anu siꞌ, lay na ya mmeꞌ ni induꞌ-mmaꞌ na moleꞌ pa Nasaret. Halloman na njawman da, mmeꞌ jaꞌ ya ni kahandak da. Na mimon bay kadarihan na siꞌ yaꞌ na lakka-lakka man jawom atay nneꞌ na.

Yahiya 1:46

Yuk si Natanyel baw siꞌ tu, “Hidjab na ko ba. Yaꞌ baw bilay la luu oy maka oy na mahap pōꞌ man Nasaret!” Yuk si Pilip siꞌ tu, “Ē, sūng ta na doꞌ ba. Pakitahan ta na doꞌ ko.”

Yahiya 10:36

ongoy taggahaꞌ bāꞌ bi pangka pa Tuhan sukat ku bay mangaku Anak na? Padahal, aku na situ ilooy ma bay inuwakilan sampay pinapitu leꞌ Mmaꞌ ku Tuhan pa junyaꞌ majatu garaꞌ na.

Yahiya 12:49

Batan tōꞌ ku tu, yaꞌ lakka man pamiki ku dī ku, arapun lakka man Mmaꞌ ku ma bay mapitu aku. Iya nohoꞌ aku bong oy subay tinōꞌ meꞌ ku.

Yahiya 14:10

Marean ta yaꞌ lagi ko pitsayaꞌ kami ka Mmaꞌ ku tibuuk. Ndang bay na kam baan ku, mimon bay bitsala ku ningkaam saꞌ lakka man dī ku, arapun lakka man Mmaꞌ ku. Damikiyan, mimon pabuwatan kahaylan-haylan bay pōꞌ ku, lakka man kawasa Mmaꞌ ku du ma tibuuk ka aku.

Yahiya 14:31

Ilooy ya asip ku, mimon ma sohoꞌ Mmaꞌ ku pinabuwat niyaku mari katoonan mimon manusiyaꞌ bong pooy basag aseꞌ ku ni Mmaꞌ ku. Sūng bi na, pilay na kitabi.”

Yahiya 16:3

Kon da ilay buwat meꞌ looy sabap yaꞌ katoonan da Mmaꞌ ku atawa pun aku.

Yahiya 17:25

“Maꞌ, kau ma intong gi man intong, minsan ko yaꞌ kinatoonan meꞌ sagannap ma yaꞌ pitsayaꞌ niyaku, bong aku, mastiꞌ katoonan ta jaꞌ ko. Maka siga mulit ku pun itu, katoonan da na du kau bay mapitu aku.

Yahiya 17:3

Katoonan ku du bong sila lungbid ka kau, yana isu-isu Tuhan sabanna, sampay si Isa Almasi, yana aku ma bay papitu nu, inaa na hatiyan kasampulnaan nyawa ma yaꞌ luu katapusan na.

Yahiya 3:2

Disu sangom, lay ya pilay pa mman si Isa. Takka ndooy yuk na, “Tuwan, katoonan kami kau guru lakka man Tuhan. Yaꞌ sina ko kapōꞌ siga pakaradjaan kahaylan-haylan meꞌ ilooy ma bay pabuwat nu bong yaꞌ luu kawasa Tuhan njataꞌ nu.”

Yahiya 3:33

Sugaꞌ soysoy baw ina pitsayaꞌ ni umanat na, malaingkan sibuꞌ du ya ka bay mangaku bana palman Tuhan.

Yahiya 5:32

Sugaꞌ luu gi baw tu disu mōꞌ kabanahan bong soy ku. Boꞌ katoonan ku bana bitsala na.

Yahiya 5:43

San ku bay pitu ni kapatut Mmaꞌ ku, yaꞌ du ku bay hinasi meꞌ bi. Sugaꞌ bong baw luu jama pitu noan kaam ni kapatut na dī na, iya ya hinasi meꞌ bi.

Yahiya 6:42

yuk dangan pa dangan, “Saꞌ kina inaa si Isa, anak si Yusup? Nneꞌ-mmaꞌ na bilay la takila tabi. Pooy baw lay la meꞌ na sikatuwaꞌ halling na siꞌ, lay ya duwai man sulgaꞌ?”

Yahiya 7:14

Na gantaꞌ ga tongaꞌ jaꞌ siꞌ paballangan looy, yana ni ka-mpat ngallaw na, lay du si Isa pa langga mehe, boꞌ na nōꞌ ndooy.

Yahiya 8:14

Pag tampung si Isa, “San bitu dangan-dangan ku jaꞌ mahati pasal dī ku, basta bana jaꞌ mimon bitsala ku. Batan luu katoonan ku pasal dī ku ma yaꞌ katoonan bi. Katoonan ku bong lakka maninggai ku maka paninggai tiluꞌ ku.

Yahiya 8:16

San sabagay ku manding, mastiꞌ intong jaꞌ bandingan ku, batan saꞌ sat aku manding, luu gi limbang ku, yana Mmaꞌ ku ma bay mapitu aku.

Yahiya 8:19

Tilaw da baw siꞌ tu niiya, “Ninggai man Mmaꞌ nu?” Pag tampung si Isa, “Kaam ina, yaꞌ ku katoonan bi maka yaꞌ du katoonan bi Mmaꞌ ku. Batan bong siꞌ ilay ndang bay ku katoonan bi, mastiꞌ katoonan bi jaꞌ du Mmaꞌ ku.”

Yahiya 8:26

Baan ta kam banahan, meka situ bitsala tapōꞌ ku man nusunan kaam, sugaꞌ daa na. Ituu jaꞌ pamāꞌ ku siga pakaradjaan ma bay takale ku man ilooy ma bay mapitu aku, ma sabana-bana bonto.”

Yahiya 8:42

Yuk si Isa baw siꞌ tu, “Bong siꞌ bay mattan Tuhan Mmaꞌ bi, mastiꞌ maaseꞌ jaꞌ kam niyaku batan aku tu bay pitu lakka mman na. Yaꞌ ku bay pitu ni pamiki ku dī ku, arapun iya mismu bay mapitu aku.

Yahiya 9:29

Kami tu, katoonan kami Tuhan bay magpalman ni Nabi Musa. Boꞌ lalla looy, yaꞌ san katoonan kami bong lakka man ninggai ya.”

Salsila siga Rasul 17:23

Batan sasang ku bay maglanan ni daira bi, lay ku ngita jinisan jama-jama ma sinumba meꞌ bi. Maka lay gi ku bay pingkaꞌ ngita disu batu mehe, yana pangulbanan. Njataꞌ na, luu kabtangan bay llukisan, yuk na, ‘Para Tuhan Ma Yaꞌ Kinatoonan.’ Na Tuhan looy ilay siꞌ ma sinumba meꞌ bi san yaꞌ katoonan bi, iya na situ pinasaplag meꞌ ku ningkaam.

Suwat si Pol pa mman Baanan Sukuꞌ si Isa ndooy ni Rom 1:28

Pagka bistahan da yaꞌ luu pūs na bong kita ngisbat Tuhan, pinabiya na sina sila meꞌ Tuhan pinagmundaan meꞌ pamiki bingkok buwat kajinisan ma yaꞌ pataꞌ pinabuwat.

Suwat si Pol pa mman Baanan Sukuꞌ si Isa ndooy ni Rom 3:4

Minsan mimon manusiyaꞌ ngandustaꞌ, bong Tuhan, mastiꞌ bonto jaꞌ. Meꞌ bay sinuwatan njawom kitab, yuk Nabi Daud, “Tuhan, bila kau magpalman, song hallom, tumatandaꞌ du bana sadjaꞌ bay palman nu. Bong sinahawi hukuman nu, song hallom, tumatandaꞌ du katuwaꞌ jaꞌ ko.”

2 Korin 1:18

Kami tu, akig kami jaꞌ Tuhan magkanaalla. Sangkon bitsala kami ningkaam mastiꞌ bana jaꞌ mimon.

2 Korin 4:6

Na jaman junyaꞌ ilay bay pinapayak, lay Tuhan nohoꞌ dantaꞌ ninag njawom lindom. Pag batnaa, sibuꞌ du ka lay balikan na batan lay na baw ya marantaan pamiki tabi. Dari tahati tabi na ehe kaayaran na man sabapan pabuwatan na bay mapitu si Isa Almasi pa junyaꞌ.

Hibrani 6:18

Dari luu duwa pakaradjaan ma yaꞌ tabaluba saumu, yana janjiꞌ Tuhan ka sapa na. Batan tunmanūn meꞌ Tuhan karapatan. Sangkon kitabi ma lay na paasok pa jawom okoman Tuhan, yaꞌ na maglumba meꞌ tabi ngaholat koleꞌ mimon ma bay janjiꞌ Tuhan ningkitabi.

1 Yahiya 5:10

Soysoy ina pitsayaꞌ ni Anak Tuhan, katoonan da njawom atay da tud bana du si Isa Anak Tuhan. Sugaꞌ sagannap ma yaꞌ pitsayaꞌ ni bay halling Tuhan pasal Anak na, malaingkan madustaꞌ sila Tuhan, batan yaꞌ sila kuhi pitsayaꞌ ni palman na.