Yahiya 7:13 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹³ Na ndooy siꞌ, yaꞌ luu bay nawakka nanggehan si Isa njawom jama batan tawu na baw sila ni siga pa-mmean Yahudi.

Yahiya 7:13 ပူးပေါင်းရင်းမြစ်များ

Yahiya 19:38

Pag-anu, luu disu lalla man Aramatiya inawnan si Yusup lay pa mman Gubnul Pilatu muhun bong dari kaddoꞌ na mayat si Isa kinubu. Si Yusup ilay siꞌ, mulit si Isa du, sugaꞌ yaꞌ baw bay magpasayu sabap tawu ya ni siga pa-mmean Yahudi. Dari lay du ya pinadari meꞌ Gubnul Pilatu, sampay lay na ya pilay maduwai mayat si Isa.

Yahiya 20:19

Na pag tapit saddop llaw ni llaw looy du siꞌ, bbuwatan siga mulit si Isa, lay tapuk sabap tawu sila ni siga pa-mmean Yahudi. Sugaꞌ minsan lay kunsiꞌ da lawang lumaꞌ mman da, sakayi da kasayu, luu na si Isa nangge ni tangngaan da. Yuk na ninsila, “Kasannangan ningkaam.”

Yahiya 3:2

Disu sangom, lay ya pilay pa mman si Isa. Takka ndooy yuk na, “Tuwan, katoonan kami kau guru lakka man Tuhan. Yaꞌ sina ko kapōꞌ siga pakaradjaan kahaylan-haylan meꞌ ilooy ma bay pabuwat nu bong yaꞌ luu kawasa Tuhan njataꞌ nu.”

Yahiya 7:1

Paddus meꞌ looy siꞌ, ndooy sa ni kakawum-kawman Jalil bay palanan si Isa. Yaꞌ na ya bay pilay pa Yahudiya sabap siga pa-mmean Yahudi ndooy doman na jaꞌ mapatoy iya.

Yahiya 7:11

Na ni paballangan looy siꞌ, kuwan siga pa-mmean Yahudi ndooy, miha si Isa na pin sampay tilaw da, “Yaꞌ siꞌ kam bay ngita si Isa ntuu?”

Yahiya 7:15

Kuwan kasohean pa-mmean Yahudi siꞌ tu, tud bay inu-inu ni bitsala na sampay kapanilaw na ga, yuk da, “Pooy doꞌ ina la meꞌ lalla naa alistu nōꞌ niyaꞌ san bay pingkaꞌ baguru?”

Yahiya 9:22

Na kon da siꞌ bay mitsala meꞌ looy sabap tawu sila ni siga pa-mmean Yahudi. Batan katoonan da pag-isunan siga pa-mmean ndooy yaꞌ pinadari paasok pa jawom langga soysoy bay mangaku si Isa yana Almasi.

Yahiya 9:34

Pag tampung ga pa-mmean looy, “Kalalaan nu! Man jawom kūn induꞌ nu lagi, ndang baldusa na ko. Tatammu nu na baw ga magpandoy-pandoyan kami.” Dari siꞌ, lay na ga ya binandaan yaꞌ na nohoꞌ paasok balik pa jawom langga.

Siga Pakaradjaan bay Pinalahil 2:13

“Kaam ina, katoonan ku du maglahat kam ni lahat ma pinagbayaan meꞌ Ibilis. Sugaꞌ tumatandaꞌ masi gi du baw kam tattap mmeꞌ niyaku. Yaꞌ du bay labbahan bi pangando bi niyaku san lay na tasakup bi si Antipas, yana sosohoan ku ma kanaalla, bay pinapatoy nnaa ni daira bi ma kinomkoman meꞌ Ibilis.