Yahiya 6:69 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶⁹ Kami itu pitsayaꞌ jaꞌ ningkau maka katoonan kami kau na ilooy ma bay tinunaꞌ Mahasutsiꞌ lakka man Tuhan.”

Yahiya 6:69 ပူးပေါင်းရင်းမြစ်များ

Matiyu 16:16

Tampung si Saymon Pitel, “Kau na bina Almasi, tukang nalamat ma bay njanjiꞌ meꞌ Tuhan sabanna ma llum saumu-umu. Kau na Anak Tuhan.”

Malkus 1:1

Ituu tu umanat mahap pasal si Isa Almasi, yana Anak Tuhan. Duhuꞌ-duhuꞌ,

Malkus 1:24

“Aha! Kau na hati si Isa, lalla looy man Nasaret, hāꞌ? Manggoy ko pitu? Pakaat nu na baw kami? Katoonan ku du bina bong soy ko. Kau na sina ilooy ma Mahasutsiꞌ lakka man Tuhan.”

Malkus 8:29

“Na bong kaam,” yuk si Isa, “soy baw itu ku?” Tampung si Pitel, “Kau na bina Almasi, tukang nalamat ma bay njanjiꞌ meꞌ Tuhan.”

Lukas 9:20

“Na bong kaam,” yuk si Isa, “soy baw itu ku?” Tampung si Pitel, “Kau na bina Almasi, tukang nalamat ma bay njanjiꞌ meꞌ Tuhan.”

Yahiya 1:29

Pag meꞌ sumawung, takita si Yahiya na si Isa pasōng pa mman na. Dari yuk na ni baanan jama ndooy, “Alu na lalla ma ginalla Bili-bili Tuhan ma muwasan dusa manusiyaꞌ.

Yahiya 1:41

Dari pag poleꞌ si Andru, lay doꞌ piha na danganakan na si Saymon. Pag tatammu na, yuk na, “Luu na la takka Almasi! Boꞌ lay gi kami sitammu ka iya!” (Hatiyan Almasi, ilooy ma bay inuwakilan meꞌ Tuhan magsultan saumu-umu.)

Yahiya 10:36

ongoy taggahaꞌ bāꞌ bi pangka pa Tuhan sukat ku bay mangaku Anak na? Padahal, aku na situ ilooy ma bay inuwakilan sampay pinapitu leꞌ Mmaꞌ ku Tuhan pa junyaꞌ majatu garaꞌ na.

Yahiya 11:27

Pag tampung si Malta, “Ohoꞌ Papuꞌ, pitsayaꞌ ku kau na Almasi, yana Anak Tuhan ma bay tinunaꞌ pitu pa junyaꞌ.”

Yahiya 20:28

Yuk si Tomas niiya, “Papuꞌ ta ko! Tuhan ta ko!”

Yahiya 20:31

Sugaꞌ kasohean lay patabeꞌ ku ntuu supaya kam pitsayaꞌ si Isa yana Almasi, maka iya Anak Tuhan. Batan bong ina kam pitsayaꞌ na niiya, malaingkan koleꞌ kam kasampulnaan nyawa saumu-umu.

Salsila siga Rasul 8:36

Sasang da palanja, lay na sila nakka disu lugar bohean. Pag-anu, yuk manijel looy ni si Pilip, “Alay la boheꞌ. Bong siꞌ kadarihan ningkau, pandihun doꞌ ku.”

Suwat si Pol pa mman Baanan Sukuꞌ si Isa ndooy ni Rom 1:3

Umanat mahap ina yana pasal Anak Tuhan, Papuꞌ tabi si Isa Almasi. Ni kapasal pagkamanusiyaꞌ na, panubuꞌ Sultan Daud ya. Ni kapasal pagkaTuhan na, sutsiꞌ gi ya man sutsiꞌ, boꞌ tumatandaꞌ na Anak Tuhan ya Sangat Kawasa sabap meꞌ na bay llum pabalik.

Epesus 4:13

Pag toklas na, dambuwaꞌ atay na kitabi mmeꞌ ni umanat mahap. Maka pasōng na pin meꞌ tabi toon Almasi, yana Anak Tuhan. Dari song hallom, sukup iman na tabi ngabut sampay sumibuꞌ na du arat-tabiat tabi ka Almasi.

1 Yahiya 4:16

Kitabi itu, katoonan tabi maka manganna kitabi tud kinaasean kitabi meꞌ Tuhan. Na meꞌ halling sambat ku na siꞌ, tabiat Tuhan ina yana maaseꞌ. Sangkon soysoy ina tattap maaseꞌ, mastiꞌ tattog Tuhan niiya, maka iya pun tattog du ni Tuhan.

1 Yahiya 5:1

Na sagannap ma pitsayaꞌ si Isa yana Almasi, sila na bay dari anak Tuhan. Maka bong ina kitabi maasean Mmaꞌ tabi Tuhan, mastiꞌ maaseꞌ du kitabi ni siga pagkahi tabi anak Tuhan.

1 Yahiya 5:20

Damikiyan, katoonan tabi na du luu na bay pitu Anak Tuhan pa junyaꞌ. Maka lay na ya muwanan kitabi pangahati supaya dari na kitabi lungbid ka Tuhan sabanna. Pag batnaa tibuuk na kitabi ka Tuhan sabanna sabap meꞌ tabi tibuuk na ka Anak na si Isa Almasi. Iya ina Tuhan sabanna maka poonan kasampulnaan nyawa ma yaꞌ luu katapusan na.