Yahiya 6:5 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵ Pag ndaꞌ si Isa sakiyan na jama bahuklud pa mman na, yuk na ni si Pilip, “Nnoy tu la man tabi malli balanjaꞌ man makan ga jama naa?”

Yahiya 6:5 ပူးပေါင်းရင်းမြစ်များ

Matiyu 15:33

Yuk siga mulit na niiya, “Noy baw tu la man tabi ngaddoꞌ sukup man makan sila, meꞌ naa na eka da, boꞌ ni lahat yaꞌ maglumaꞌ lagi?”

Malkus 6:32

Dari siꞌ, sila-sila du bay dutai taꞌ kumpit pilay pa lugar yaꞌ magjama.

Lukas 9:10

Na balik ta pa siga rasul si Isa siꞌ, pag beleng da bay ngalataan lahat, lay na tuntutan da si Isa mimon bay pabuwat da. Pag lupus, lay na baw sila binoo meꞌ si Isa song pilay pa tagan daira inawnan Betsayda, sila-sila jaꞌ.

Yahiya 1:43

Pag meꞌ sumawung, doman na baw si Isa pilay pa Jalil. Takka ndooy siꞌ, lay ya sitammu ka disu lalla inawnan si Pilip, jama Betsayda, yana kawum mman ga si Andru ka si Pitel. Dari yuk si Isa niiya, “Tu ko, mmeꞌ na ko niyaku.” Dari lay du ya mmeꞌ.

Yahiya 1:45

Na yaꞌ gi siꞌ sila bay lakka mandooy, lay doꞌ si Pilip miha bagay na si Natanyel. Pag tatammu na, yuk na, “Lay kami la sitammu ka lalla looy ma bay tinunaꞌ meꞌ Nabi Musa ka ga kanabi-nabihan njawom kitab. Awon na hati si Isa, lalla man Nasaret, anak si Yusup.”

Yahiya 1:46

Yuk si Natanyel baw siꞌ tu, “Hidjab na ko ba. Yaꞌ baw bilay la luu oy maka oy na mahap pōꞌ man Nasaret!” Yuk si Pilip siꞌ tu, “Ē, sūng ta na doꞌ ba. Pakitahan ta na doꞌ ko.”

Yahiya 1:48

Yuk si Natanyel, “Uy la, pooy meꞌ nu kakila aku?” Pag tampung si Isa, “Niyaꞌ gi ko siꞌ bay linganan si Pilip, ndang bay na siꞌ ko takita ku pasindung ni poon igira.”

Yahiya 4:35

Sarī sambung, saꞌ ba, bong kam bay na tanom, yuk bi, ‘Pag taabut mpat buwan, ngattom na kitabi?’ Sugaꞌ baan ta kam, batnaa na situ timpu man ngattom. Ndaun bi, alu na baanan ga jama naa luꞌ pitu. Ibaratan buwaꞌ pawoy, tahak na maka tahan sa kinattom.