Yahiya 6:45 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴⁵ Ndang luu bay sinuwatan njawom kitab kanabi-nabihan, ilooy ma yuk na, ‘Mimon sila tinoan meꞌ Tuhan bbos-bbos.’ Intong na, sagannap ma pakale ni Mmaꞌ ku maka nganna tōꞌ na, mastiꞌ mmeꞌ niyaku.

Yahiya 6:45 ပူးပေါင်းရင်းမြစ်များ

Matiyu 11:27

Pag-anu, yuk si Isa na baw ni baanan jama ndooy, “Mimon-mimon lay na hinalap meꞌ Mmaꞌ ku niyaku. Yaꞌ luu toon njawom atay ku sarī man Mmaꞌ ku. Damikiyan, yaꞌ du luu toon njawom atay Mmaꞌ ku sarī man aku ka sagannap ma karomanan ku baan ku.

Matiyu 17:5

Pag-anu, sasang si Pitel siꞌ mitsala, liput na sila meꞌ tayiꞌ baliyu poteꞌ malaas, ninag na. Maka luu gi suwara pōꞌ man jawom tayiꞌ baliyu looy, yuk na, “Inaa ina Anak ku, kakasi ku. Kasulutan ku banahan niiya. Indanan bi bitsala na.”

Malkus 1:2

luu bay sinuwatan meꞌ Nabi Isaya njawom kitab, ilooy ma yuk Tuhan ni Almasi, “Bbos-bbos luu sina sohoꞌ ku duhuꞌ man kau disu sosohoan ku masaplag mari saddiya na jama ni katakka nu.

Lukas 18:31

Pag-anu, lay binoo meꞌ si Isa ga mulit na sikasapu-duwa palawak-lawak dangkitiꞌ man ga baanan jama ndooy, boꞌ da binaan, yuk na, “Pakale doꞌ kam. Batnaa pilay na tabi pa Jerusalem. Pag takka tabi ndooy ilay mintu, binakbul na mimon tunaꞌ njawom kitab kanabi-nabihan pasal aku, yana Anak Manusiyaꞌ.

Yahiya 10:27

Batan bong ina siga sukuꞌ ku, mastiꞌ pakale jaꞌ ni suwara ku. Lungbid kami ka sila maka mmeꞌ na jaꞌ sila niyaku.

Yahiya 6:37

Sugaꞌ sagannap ma bay sinukuꞌ leꞌ Mmaꞌ ku niyaku, mastiꞌ mmeꞌ jaꞌ sina niyaku. Boꞌ na, sagannap ma mmeꞌ niyaku, yaꞌ sina luu tuwak ku.

Yahiya 6:65

Ilooy silay siꞌ man na bay māꞌ yaꞌ luu kapa-mmeꞌ niiya bong sila yaꞌ bay lliyun meꞌ Mmaꞌ na.

Salsila siga Rasul 13:40

Iyakin kam taggahaꞌ tuwaꞌ pa kaam na baw mintu palman looy ma bay sinuwatan meꞌ kanabi-nabihan, ilooy ma yuk Tuhan,

Salsila siga Rasul 7:42

“Na sabapan bay kadarihan da, tinikutan na sila meꞌ Tuhan sampay lay na sila pinabiya magtuhan sampay ni ga potean taꞌ langit. Maka sabap yaꞌ sila kanaalla pa Tuhan, ilooy silay kon luu na palman bay sinuwatan meꞌ kanabi-nabihan njawom kitab, ilooy ma yuk Tuhan, ‘Kaam, bangsa Israil, jaman bi bay ni lahat lau-lau yaꞌ maglumaꞌ njawom mpatpūꞌ taun, bana na lay kam nongan siga kulban, sugaꞌ saꞌ para niyaku.

Epesus 1:17

Maku na pin situ ku duwaa pa Mmaꞌ tabi ma yaꞌ luu sibuꞌ sabanding na, yana Tuhan Papuꞌ tabi si Isa Almasi. Kamura-murahan binuwanan du kam pangahati lawom ni hāl Tuhan supaya magsasōng na pin meꞌ bi lungbid ka iya.

Pilipi 3:15

Sangkon kaam ma taggu na iman bi, sapatut na dambuwaꞌ pamiki na kam ka aku ni hāl angan-angan tabi. Sugaꞌ bong luu nnaa kasohean yaꞌ numan ni pamiki da bay bitsala ku siꞌ, bbos-bbos pinalahil du sina meꞌ Tuhan kabanahan ningkaam.

1 Tesaloneka 4:9

Na ni hāl meꞌ bi maasean siga danganakan bi sukuꞌ si Isa, san yaꞌ na patabeꞌ kami ni suwat tuu. Ndang-ndang lay na du kam tinoan meꞌ Tuhan sikaaseꞌ-kaaseꞌ.

Hibrani 10:16

“Ituu tu yana pagsulutan bahau pōꞌ ku ninsila bbos-bbos: Nnaꞌ ku na siga saraꞌ ku njawom atay da maka suwatan ku na du njawom pamiki da.”

1 Yahiya 2:27

Boꞌ ni sabana na, san sina kam yaꞌ na pinagpandoyan meꞌ soy maka soy na. Ndang-ndang lay na du kam bay pinaasokan Rū Sutsiꞌ meꞌ Almasi. Rū Sutsiꞌ ina tattog njawom atay bi. Maka iya magpandoyan kaam ni oy-oy ma talpaksaꞌ subay katoonan bi. Boꞌ na, oy-oy jaꞌ ina pamāꞌ na ningkaam bana jaꞌ, yaꞌ sina luu palsu. Sangkon bean bi jaꞌ suwara na mari yaꞌ maglumba meꞌ bi lungbid ka Almasi.