Yahiya 6:44 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴⁴ Ndang yaꞌ du sina luu kapa-mmeꞌ niyaku bong sila yaꞌ bay lliyun meꞌ Mmaꞌ ku ma bay mapitu aku. Boꞌ sagannap ma mmeꞌ niyaku, meꞌ bay halling sambat ku na siꞌ, pakallum ku du pabalik pag taabut llaw dambuli.

Yahiya 6:44 ပူးပေါင်းရင်းမြစ်များ

Matiyu 12:34

“Kaam tu siga Parisi, subay ga baanan sō latsunan. Yaꞌ kam kabitsala mahap sabap maat jaꞌ pangatayan bi. Batan oy-oy ina njawom atay manusiyaꞌ, inaa du sina pōꞌ man jawom behe da.

Matiyu 16:17

Yuk si Isa niiya, “Saymon, anak si Yahiya, sinupaatan ko batan pangahati nu pasal aku lay na pinalahil ningkau meꞌ Mmaꞌ ku ni sulgaꞌ, saꞌ man kapandoyan manusiyaꞌ.

Yahiya 12:32

Batan pag taabut ku ina mintu inangkat taꞌ tehang, inaa na lān man ku ngaliyun jama man mimon kabangsa-bangsahan pa mman ku.”

Yahiya 5:44

“Kaam ina, inaa katigian bi meꞌ bi sibuwan-buwan sanglit. Sugaꞌ bong sanglit man Tuhan, yaꞌ luu hagaꞌ na ningkaam. Sangkon tunmanūn sina meꞌ bi pitsayaꞌ niyaku.

Yahiya 6:43

Yuk si Isa ninsila, “Ddong na teꞌ kam ba hangat magdubdub.

Yahiya 6:45

Ndang luu bay sinuwatan njawom kitab kanabi-nabihan, ilooy ma yuk na, ‘Mimon sila tinoan meꞌ Tuhan bbos-bbos.’ Intong na, sagannap ma pakale ni Mmaꞌ ku maka nganna tōꞌ na, mastiꞌ mmeꞌ niyaku.

Yahiya 6:65

Ilooy silay siꞌ man na bay māꞌ yaꞌ luu kapa-mmeꞌ niiya bong sila yaꞌ bay lliyun meꞌ Mmaꞌ na.

Yahiya 8:43

Tud yaꞌ bitu tahati bi bitsala ku batan yaꞌ tatimaꞌ bi tōꞌ ku.

Pilipi 1:29

Daa kam tawu batan lay na sina kam sinupaatan meꞌ Tuhan. Boꞌ supaat ma awnan ku ina saꞌ sat pangando bi ni Almasi, arapun sampay hāl meꞌ bi bay pineneꞌ meꞌ Tuhan natasan kabinsanaan kalnaꞌ Almasi.

Kolossa 2:12

Batan takdang bi ilay bay llobloban pinandi, meꞌ bi ngingat, lay na kam tabeꞌ ni Almasi kinubu. Pag tunga bi man jawom boheꞌ, damikiyan, meꞌ bi ngingat, lay na du kam tabeꞌ ni Almasi pinakallum pabalik. Dari sabap meꞌ bi pitsayaꞌ Tuhan bay makallum Almasi pabalik, kaam pun ina lay na du bay binuwanan kaallum bahau.