Yahiya 6:38 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁸ Aku itu bay duwai man sulgaꞌ luꞌ pitu, saꞌ du man ku nulut kahandak ku, arapun bong pin taduwan ku jaꞌ kahandak Mmaꞌ ku ma bay mapitu aku.

Yahiya 6:38 ပူးပေါင်းရင်းမြစ်များ

Matiyu 20:28

Minsan aku, Anak Manusiyaꞌ, yaꞌ du ga kon ku bay pitu muhung inintu. Arapun kon ku itu bay pitu mari ku kaintu manusiyaꞌ sampay nongan umu ku mari meka na jama pinaddusan man hukuman ni dusa da.”

Yahiya 3:13

Boꞌ ni hāl sulgaꞌ ilay, yaꞌ luu toon sabap yaꞌ luu bay dutai pilay. Ilooy du toon aku, yana Anak Manusiyaꞌ, batan aku bay duwai lakka mandooy.”

Yahiya 3:17

Tuhan ilay bay mapitu Anak na pa junyaꞌ, maksud na nalamat manusiyaꞌ, saꞌ ga ngalabuan sila hukuman.

Yahiya 3:31

“Na Almasi ilay lakka man sulgaꞌ. Sangkon patingkat ya man sikamimon. Boꞌ kitabi itu manusiyaꞌ ma ndang ni junyaꞌ sadjaꞌ, ngkod pakaradjaan ni junyaꞌ jaꞌ du katoonan tabi. Sangkon meꞌ iya lakka man sulgaꞌ, mastiꞌ patingkat jaꞌ ya man sikamimon.

Yahiya 4:34

Sugaꞌ yuk si Isa ninsila, “Kinakan ku bitu yana mean kahandak ilooy ma bay nohoꞌ aku pitu maka mupus pabuwatan ma bay sinukuꞌ meꞌ na niyaku.

Yahiya 5:19

Dari yuk si Isa lagi ninsila, “Baan ta kam banahan, bong itu dangan-dangan ku sadjaꞌ, yaꞌ situ luu tapabuwat ku, batan ilooy du pabuwat ku ma takita ku pinabuwat meꞌ Mmaꞌ ku. Dari oy-oy pinabuwat meꞌ Mmaꞌ ku, damikiyan meꞌ aku Anak na, inaa du pabuwat ku.

Yahiya 5:30

Maka yuk si Isa, “Bong dangan-dangan ku sadjaꞌ, yaꞌ situ luu tapabuwat ku ni kapatut ku dī ku. Sangkon mimon bandingan ku lakka man bitsala Mmaꞌ ku niyaku. Dari mastiꞌ tuwaꞌ jaꞌ situ bandingan ku, batan saꞌ du kahandak ku bean ku, arapun iya bean ku yana kahandak Mmaꞌ ku ma bay mapitu aku.

Yahiya 6:29

Pag tampung si Isa, “Pabuwatan ma numan ni kahandak Tuhan yana pitsayaꞌ ni ilooy ma bay papitu na, yana aku.”

Yahiya 6:33

yana ituu na batnaa ma bay duwai mandooy, yana poonan kasampulnaan nyawa ni mimon manusiyaꞌ. Ituu ya situ makanan sabanna man Tuhan.”

Yahiya 6:42

yuk dangan pa dangan, “Saꞌ kina inaa si Isa, anak si Yusup? Nneꞌ-mmaꞌ na bilay la takila tabi. Pooy baw lay la meꞌ na sikatuwaꞌ halling na siꞌ, lay ya duwai man sulgaꞌ?”

Yahiya 6:57

Aku tu, luu kaallum ku sabapan Mmaꞌ ku ma bay mapitu aku, batan iya poonan kaallum. Damikiyan, soysoy mangan aku, koleꞌ du kaallum bahau sabapan ku.

Suwat si Pol pa mman Baanan Sukuꞌ si Isa ndooy ni Rom 15:3

Minsan Almasi mismu, yaꞌ du bay magpasannang nganduwan dī na, gam pin kalnaꞌ kitabi, lay gi ya bay natasan jinisan kabinsanaan. Boꞌ sikatuwaꞌ du ka suwat njawom kitab, ilooy ma yuk Almasi, “Ū Tuhan, bitsala pangka man jama madiyoꞌ kau, lay na labuꞌ pa jataꞌ ku.”

Epesus 4:9

Na pagka yuk njawom kitab, “Lay na Almasi pabeleng pa sulgaꞌ,” mastiꞌ tabista tabi na lay doꞌ ya duhuꞌ bay lakka man sulgaꞌ duwai pitu pa junyaꞌ.

Hibrani 5:8

Iya ilay, san ya Anak Tuhan, lay du ya lumingkaꞌ njawom jinisan kabinsanaan supaya takissa na parasahan manusiyaꞌ mean kahandak Tuhan tanne-pasuꞌ.