Yahiya 6:30 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁰ Dari tilaw da, “Bong meꞌ naa, oy baw tu sipat kawasa Tuhan tapōꞌ nu? Noy mintu kami lay na ngita, boꞌ kami pitsayaꞌ kau bay pinapitu meꞌ Tuhan. Luu kina tapōꞌ nu sipat kawasa

Yahiya 6:30 ပူးပေါင်းရင်းမြစ်များ

Malkus 15:32

Bong siꞌ ina mattan iya Almasi, Sultan bangsa Israil, subay siꞌ duwai na ya man taꞌ tehang naa mari takita tabi kawasa na, boꞌ tabi pitsayaꞌ niiya.” Kuwan ga mundu looy baw siꞌ tu ma bay du llansang haboy ka si Isa, lay du mmeꞌ-mmeꞌ ngaludjum iya.

Malkus 8:11

Takka da ndooy, luu na baw pasōng siga Parisi nual si Isa. Maksud da nuway-nuwayan iya. Dari lay sila nohoꞌ pinakitahan sipat kawasa bong bana-bana du ya bay lakka man Tuhan.

Yahiya 10:38

Sugaꞌ pagka lai, minsan kam yaꞌ doman pitsayaꞌ ni bitsala ku, subay siꞌ pitsayaꞌ na kam niyaku sabapan siga pabuwatan meꞌ looy. Bong siꞌ ilay kam bay mindoga ni siga pabuwatan looy, tahati bi jaꞌ sampay tatantu bi na tibuuk kami ka Mmaꞌ ku.”

Yahiya 12:37

Na minsan siꞌ meka na kahaylan-haylan bay pabuwat si Isa ni pag-awpan ga jama ndooy, amu-amu sila yaꞌ kuhi pitsayaꞌ niiya.

Yahiya 2:18

Pus meꞌ looy, yuk kasohean Yahudi, “Ntan oy doꞌ tu meꞌ kau taggahaꞌ ilu na ga ko buwat meꞌ naa? Bong bana-bana luu kapatut nu man Tuhan, pakitahan teꞌ kami sipat kawasa na.”

Yahiya 6:14

Lay jaꞌ siꞌ takita ga baanan jama ndooy pabuwatan kahaylan-haylan bay pabuwat si Isa, ilooy ma lay sila kapahalling, “Mattan du la lalla tuu nabi looy ma bay tinunaꞌ maruhuꞌ-ruhuꞌ pitu pa junyaꞌ.”

Yahiya 6:2

Pag-anu siꞌ, yaꞌ na taambat manusiyaꞌ nusu bihing patuhut niiya. Kon meꞌ looy sabap bay na sila pingkaꞌ ngita iya mōꞌ pabuwatan kahaylan-haylan waktu na bay ngulian siga jama saki.

Yahiya 6:36

Sugaꞌ meꞌ halling sambat ku na siꞌ, san tu kam bay na ngita siga pabuwatan kahaylan-haylan, masi du kam yaꞌ pitsayaꞌ niyaku.

Salsila siga Rasul 4:30

Maka nnaun na njataꞌ kami kawasa nu supaya taulian kami jama saki sampay man kami mōꞌ siga sipat kawasa nu ni awon ilooy ma sutsiꞌ, yana sosohoan nu si Isa.”

1 Korin 1:22

Kuwan siga Yahudi, yaꞌ kuhi pitsayaꞌ bong sila yaꞌ bay ngita sipat kawasa Tuhan. Kuwan bangsa Greek baw, ilooy du piha da ilmuꞌ lawom.

Hibrani 2:4

Batan lay sila binuwanan meꞌ Tuhan kawasa mōꞌ jinisan pabuwatan kahaylan-haylan tandaꞌ mawjud umanat da pasal Almasi. Sampay lay gi sila binuwanan ladjikiꞌ man Tuhan, yana jinisan kapandoyan man Rū Sutsiꞌ gantaꞌ ma numan ni kahandak Tuhan.