Yahiya 6:27 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁷ Sugaꞌ tinapay meꞌ looy ilay yaꞌ natas. Gam na balanjaꞌ ma natas saumu pagtuyuan bi, ma kasampulnaꞌ ni nyawa bi labba man junyaꞌ sampay pa ahirat. Balanjaꞌ looy ilay dari ndean meꞌ ku, yana Anak Manusiyaꞌ, ningkaam batan aku bay binuwanan kapatut meꞌ Mmaꞌ ku Tuhan.”

Yahiya 6:27 ပူးပေါင်းရင်းမြစ်များ

Matiyu 17:5

Pag-anu, sasang si Pitel siꞌ mitsala, liput na sila meꞌ tayiꞌ baliyu poteꞌ malaas, ninag na. Maka luu gi suwara pōꞌ man jawom tayiꞌ baliyu looy, yuk na, “Inaa ina Anak ku, kakasi ku. Kasulutan ku banahan niiya. Indanan bi bitsala na.”

Matiyu 25:46

Pag-anu, yuk si Isa, “Na siga jama meꞌ looy ilay ma bay sabbut ku siꞌ dambuli, llakkahan na silay mintu sampay minulkaan saumu-umu. Boꞌ siga jama looy ma intong, binuwanan na kasampulnaan nyawa njawom okoman Tuhan saumu-umu.”

Matiyu 3:17

Maka luu suwara man sulgaꞌ, yuk na, “Ituu tu Anak ku, kakasi ku. Kasulutan ku banahan niiya.”

Matiyu 6:19

Pag-anu, yuk si Isa lagi, “Daa kam ngumpohan dī bi altaꞌ ntuu ni junyaꞌ, batan altaꞌ ni junyaꞌ ina tapakaat lagi meꞌ mananap maka ginahaꞌ, boꞌ tatangkaw lagi.

Matiyu 8:20

Tampung si Isa, “Mamiki doꞌ ko ba paayad. Gam gi ina ga sattuwa tawun, luu gi katattogan man da patannaꞌ sangom-sangom. Minsan ga manuk-manuk, luu du ka sāng da. Boꞌ aku, Anak Manusiyaꞌ, yaꞌ san luu patulihan ku.”

Malkus 1:11

Maka luu suwara man sulgaꞌ, yuk na, “Kau ina Anak ku, kakasi ku. Kasulutan ku banahan ningkau.”

Malkus 9:7

Mindangoy ko, luu na baw duwai tayiꞌ baliyu ngaliput sila. Maka luu gi suwara pōꞌ man jawom tayiꞌ baliyu looy, yuk na, “Inaa ina Anak ku, kakasi ku. Indanan bi bitsala na.”

Lukas 3:22

maka luu na Rū Sutsiꞌ duwai meꞌ dagbos atsang boꞌ na nampi taꞌ baran na. Boꞌ luu gi suwara man sulgaꞌ, yuk na, “Kau ina Anak ku, kakasi ku. Kasulutan ku banahan ningkau.”

Lukas 9:35

Boꞌ lay gi sila kale suwara pōꞌ man jawom tayiꞌ baliyu looy, yuk na, “Inaa ina Anak ku bay peneꞌ ku majatu garaꞌ ku. Indanan bi bitsala na.”

Yahiya 10:28

Buwanan ku sila kasampulnaan nyawa ma yaꞌ luu katapusan na. Yaꞌ na sila sakkat ka Tuhan saumu maka yaꞌ luu kaagaw sila man jawom komkoman ku.

Yahiya 11:42

Ndang katoonan ku du wā ko pakale niyaku. Sugaꞌ lay jaꞌ ku halling meꞌ tuu kalnaꞌ baanan jama ntuu supaya sila pitsayaꞌ tud bana kau bay mapitu aku.”

Yahiya 14:6

Tampung si Isa, “Aku na bitu lān na. Damikiyan, aku du kabanahan sampay poonan kaallum. Yaꞌ sina luu takka pa mman Mmaꞌ ku bong saꞌ aku lān tinūs.

Yahiya 17:2

Lay na ku buwanan nu kapatut ni jataꞌ mimon manusiyaꞌ supaya ku kabuwan kasampulnaan nyawa ma yaꞌ luu katapusan na ni sagannap ma bay hinalap meꞌ nu niyaku.

Yahiya 3:15

supaya soysoy pitsayaꞌ niiya koleꞌ kasampulnaan nyawa saumu-umu.”

Yahiya 3:33

Sugaꞌ soysoy baw ina pitsayaꞌ ni umanat na, malaingkan sibuꞌ du ya ka bay mangaku bana palman Tuhan.

Yahiya 6:47

“Baan ta kam banahan, soysoy pitsayaꞌ niyaku, luu na kasampulnaan nyawa na saumu-umu.

Yahiya 6:51

Boꞌ aku na situ makanan looy ma luu na bay duwai man sulgaꞌ. Aku itu makanan llum. Bong jama bay kakakan, malaingkan llum sila saumu-umu ni okoman Tuhan. Makanan ma awnan ku tu yana isi baran ku ma pinaglillaꞌ meꞌ ku kalnaꞌ mimon manusiyaꞌ supaya sila koleꞌ kasampulnaan nyawa saumu-umu.”

Yahiya 6:53

Mangkin yuk si Isa ninsila, “Baan ta kam banahan, yaꞌ sina kam koleꞌ kasampulnaan nyawa bong kam yaꞌ bay mangan isi Anak Manusiyaꞌ ka nginum lahaꞌ na.

Yahiya 6:54

Batan sagannap ma mangan isi ku sampay nginum lahaꞌ ku, luu na kasampulnaan nyawa da ma yaꞌ luu katapusan na. Maka pag taabut llaw dambuli, pakallum ku du sila pabalik.

Yahiya 6:58

Batan aku na situ makanan sabanna man sulgaꞌ. Makanan tuu tu yaꞌ sibuꞌ ka ilooy ma bay kakan kabboꞌ-bboan tabi. Makanan looy ilay, san sila bay mangan, masi du sila bay matoy. Sugaꞌ soysoy mangan makanan tuu, llum saumu-umu.”

Yahiya 6:62

Marean ta pitsayaꞌ du kam ni bitsala ku bong mintu takita bi na Anak Manusiyaꞌ, yana aku, nuwi-nuwi pa jataꞌ pa bay limpaꞌ man ku maruhuꞌ.

Yahiya 6:68

Pag tampung si Saymon Pitel, “Uy Papuꞌ, soy lagi tiluꞌ kami? Isu-isu kau du bina poonan bitsala ma kasampulnaꞌ ni nyawa saumu-umu.

Yahiya 8:18

Pagka meꞌ looy, mastiꞌ subay binana meꞌ bi bitsala ku pasal dī ku, batan duwa naksian aku; disu, yana aku, kaduwa na, yana Mmaꞌ ku ma bay mapitu aku.”

Salsila siga Rasul 2:22

Na lupus jaꞌ siꞌ si Pitel bay maintoman sila palman looy siꞌ, yuk na, “Kaam, siga pagkahi ku bangsa Israil, pakalehun bi doꞌ bitsala ku. Paintoman ta doꞌ kam pasal si Isa, lalla looy man Nasaret ma bay pinapitu meꞌ Tuhan. Tuhan ilay bay mōꞌ buktiꞌ si Isa lakka man iya batan luu na pin ya nganggaosan iya buwat jinisan pabuwatan kahaylan-haylan ka sipat kawasa. Kaam pun ina, katoonan bi na du bana bitsala ku batan meka sipat kawasa bay pabuwat si Isa ni pag-awpan bi.

Suwat si Pol pa mman Baanan Sukuꞌ si Isa ndooy ni Rom 4:11

Na danan na ilay bay sinohoꞌ ngislam mari luu sipat ni baran na ndang lai na ya initung intong sabap meꞌ na bay pitsayaꞌ ni palman Tuhan. Dari poonan man salsila Nabi Ibrahim, tahati tabi na kon jama initung intong, sabap meꞌ da pitsayaꞌ, saꞌ ga sabap meꞌ da bay inislam. Sangkon binilang na Nabi Ibrahim mmaꞌ mimon ma pitsayaꞌ ni Almasi, bay inislam atawa niyaꞌ. Batan saliꞌ-saliꞌ na du sila ngikut Nabi Ibrahim pitsayaꞌ.

Suwat si Pol pa mman Baanan Sukuꞌ si Isa ndooy ni Rom 6:23

Dan jinis meꞌ halling, bong ina jama buwat dusa, mastiꞌ luu jaꞌ ka hisab na, yana katiksaan nyawa labba man junyaꞌ sampay pa ahirat. Boꞌ sagannap ma tibuuk ka Papuꞌ tabi si Isa Almasi, mastiꞌ binuwanan jaꞌ sina meꞌ Tuhan ladjikiꞌ, yana kasampulnaan nyawa saumu-umu.

1 Korin 6:13

Luu gi sina kasohean halling, “Kinakan halliꞌ man ngisihan battong, kuwan battong, halliꞌ man ngisi kinakan. Maka hinansu jaꞌ du sina mintu sikaduwa meꞌ Tuhan bbos-bbos.” Na hantak bitsala da ilay siꞌ, dari san lalla ka danda magjina, batan inawnan baran da, mahap-maat bay pakoy da, mastiꞌ hansu jaꞌ du pag patoy da maka yaꞌ du konoꞌ nakka ahirat. Sugaꞌ yaꞌ san tabista da kon ta magbaran, saꞌ ga man ta magjina, arapun man ta moo kabantugan ni Papuꞌ Isa. Papuꞌ Isa pun ina moo kabantugan du ni baran ta.

1 Korin 9:2

Na san kasohean yaꞌ mangaku aku disu rasul si Isa, bong baw ina kaam nnaa ni Korin, basta yaꞌ baw sina luu dapat bi maylu. Njataꞌ bi na sina buktiꞌ mehe aku rasul Papuꞌ Isa batan yaꞌ kam bay dari sukuꞌ na bong saꞌ bay man sabapan ku.

2 Korin 4:18

Dari kitabi itu, kon tabi natas batan ilooy pinandang meꞌ tabi ma yaꞌ takita, yana hāl Tuhan. Batan siga pakaradjaan ma takita ina ntuu ni junyaꞌ, sandaꞌ-sandaꞌ jaꞌ. Boꞌ siga ilooy ma yaꞌ takita natas saumu-umu.

Galatiya 5:6

Dari meꞌ kitabi itu tibuuk na ka si Isa Almasi, katoonan tabi na yaꞌ luu pagbiddaan pa Tuhan bong jama bay inislam atawa niyaꞌ. Ilooy du puntukan banahan yana pangando tabi niiya ma takita ni aseꞌ tabi ni pagkahi tabi manusiyaꞌ.

Pilipi 2:13

Yaꞌ sina luu danan na saꞌ takaya bi batan luu na pin Tuhan muwanan kaam dawom ka gaos buwat mimon ma kasulut niiya.

Kolossa 1:29

Sangkon man kawasa Almasi nganggaosan aku, magtuyuꞌ-tuyuꞌ ku majatu pabuwatan ma bay sinukuꞌ niyaku.

Kolossa 2:22

Siga aturan meꞌ looy ilay yana panohoan ka tōꞌ lakka man manusiyaꞌ sadjaꞌ, saꞌ ga man Tuhan. Sarī gi, lawuk ina ka inuman ma tinagga meꞌ da, sandaꞌ-sandaꞌ jaꞌ, bosbos luu, bosbos katis. Hāl meꞌ naa ina, yaꞌ luu sukuꞌ na ni kasalamatan jama.

Kolossa 3:2

Pandangun bi na hāl ma hagaan pa Tuhan. Bong hāl junyaꞌ, san daa na.

2 Timuti 2:19

Sugaꞌ san du ina dangoy tōꞌ palsu pinaantup, bong inawnan kabanahan man Tuhan, mastiꞌ taasahan jaꞌ. Sibuꞌ du sina karuha na ka pananggehan lumaꞌ ma yaꞌ takoleꞌ inusik. Maka luu gi sina duwa kabanahan bay sinuwatan ma subay iningat meꞌ ta. Disu, “Kinatoonan du sina meꞌ Tuhan bong soy sukuꞌ na,” kaduwa na, “Soysoy mangaku sukuꞌ Tuhan, subay tagongan da na buwat dusa.”

Hibrani 12:16

Maka iyakin kam taggahaꞌ ubay na baw kam mintu ka jama ma saꞌ lla bi atawa nda bi. Maka daa pondok pamiki bi meꞌ kadari bay jaman si Esaw yaꞌ ngisbat Tuhan. Bistahun bi doꞌ, subay siꞌ pagka si Esaw anak siyaka, lay na labuꞌ pa iya siga supaat ma bay njanjiꞌ meꞌ Tuhan ni mmaꞌ na. Salla na, lay jaꞌ sambian na supaat pagkasiyaka na ka lawuk sakayi kakan du.

Hibrani 4:11

Sangkon, daa na kitabi paagak paasok pa jawom pahaliyan looy. Daa na kitabi ngakig kabboꞌ-bboan tabi ma yaꞌ bay pitsayaꞌ ka yaꞌ bay ngasip ni palman Tuhan taggahaꞌ sampay kitabi pun yaꞌ na du kapaasok.

Yaꞌkub 1:11

Boꞌ inawnan jambangan ina, bong kapasuan kalanduꞌ leꞌ mataallaw, mastiꞌ layu jaꞌ sina sampay maglatakan na sumping da. Maka mimon lingkat da lungay du. Siga sawraga pun ina, meꞌ naa du sina karuha da. Njawom da magtuyuꞌ ngusaha, song hallom mastiꞌ matoy du sila, boꞌ yaꞌ du taboo da altaꞌ da.

1 Pitel 1:24

Meꞌ bay sinuwatan njawom kitab, yuk na, “Kaallum manusiyaꞌ sandaꞌ-sandaꞌ jaꞌ meꞌ karuha parang jaꞌ ngalayu. Damikiyan, kabantugan manusiyaꞌ pun sandaꞌ-sandaꞌ jaꞌ du meꞌ karuha sumping ma ngalatak.

2 Pitel 1:17

Kami mismu bay soheꞌ na taꞌ punu jaman Mmaꞌ na Tuhan bay matannaan iya sahayaꞌ sampay muwanan iya kabantugan mehe. Bay gi takale kami suwara Tuhan Sangat Kawasa ndooy pōꞌ man taꞌ langit jaman na magpalman, ilooy ma yuk na, “Inaa ina Anak ku, kakasi ku. Kasulutan ku banahan niiya.”