Yahiya 6:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² Pag-anu siꞌ, yaꞌ na taambat manusiyaꞌ nusu bihing patuhut niiya. Kon meꞌ looy sabap bay na sila pingkaꞌ ngita iya mōꞌ pabuwatan kahaylan-haylan waktu na bay ngulian siga jama saki.

Yahiya 6:2 ပူးပေါင်းရင်းမြစ်များ

Matiyu 12:15

Pagka katoonan si Isa niyat siga Parisi looy, lay ya lakka man lahat looy. Jama siꞌ tu sakiyan patuhut niiya. Boꞌ lay gi ya ngulian mimon ma sakihan.

Matiyu 13:2

Na ndooy siꞌ, pagka sakiyan na jama kumpo ni bihing na, lay ya dutai sampay ningkōꞌ taꞌ bagung ma tapit ni bihing. Kuwan baanan ga jama looy siꞌ tu, lay na jaꞌ ndooy ni tapiyan pakale niiya.

Matiyu 14:14

Pag dungguꞌ ga si Isa, ngita na ya sakiyan jama ngagad iya. Dari siꞌ, kapaluuy ya ninsila sampay lay na ulian na sagannap ma sakihan.

Matiyu 8:1

Pag lūd si Isa man taꞌ buntuꞌ looy, sakiyan jama patuhut niiya.

Malkus 1:45

Sugaꞌ pag lakka lalla looy baw siꞌ tu, gam pin nuntut na ya ni jama mimon bong pooy meꞌ na bay kaulian. Pag toklas na, yaꞌ na si Isa sumunsayaꞌ paasok pa jawom siga daira sabap liput na ya meꞌ siga baanan manusiyaꞌ magdogsog-dogsog na. Dari lay na ya kataddasan ndooy ni poan siga daira lawak man kalumaan. Sugaꞌ san meꞌ looy, song paeka na pin manusiyaꞌ lakka man sikaliput lahat looy pilay pa mman na.

Malkus 6:33

Sugaꞌ meka du bay ngita sila lakka sampay taatag da du bong song paninggai tiluꞌ da. Dari sakiyan du jama man siga kawum lahat looy bay sonse nusu bihing sampay duhuꞌ gi bay takka pilay man sila.

Yahiya 11:47

Dari bbuwatan siga Parisi ka ga imam langkaw, magti bay nawag baanan Sanhidrin binoo isun. Kumpo jaꞌ siꞌ sila sikamimon, yuk da, “Pooy tu pamiki tabi? Lalla looy ilay, meka na pabuwatan kahaylan-haylan bay pinōꞌ meꞌ na.

Yahiya 12:37

Na minsan siꞌ meka na kahaylan-haylan bay pabuwat si Isa ni pag-awpan ga jama ndooy, amu-amu sila yaꞌ kuhi pitsayaꞌ niiya.

Yahiya 2:11

Na ilooy siꞌ ma bay pabuwat si Isa ndooy ni kawum Kana ni Jalil, yana pabuwatan sibuwa kahaylan-haylan man na bay makita ehe kawasa Tuhan njataꞌ na. Dari sabap meꞌ looy, magsasōng na meꞌ siga mulit na pitsayaꞌ niiya.

Yahiya 2:23

Na sasang ga si Isa ndooy ni Jerusalem mmeꞌ ni paballangan Ngalingkaꞌ, luu siga pabuwatan kahaylan-haylan bay pabuwat na. Dari meka na bay pitsayaꞌ iya na Almasi.

Yahiya 20:30

Na ni hāl pabuwatan kahaylan-haylan bay pōꞌ si Isa ni pag-awpan ga mulit na, meka silay yaꞌ na bay sinuwatan ni kitab tuu.

Yahiya 3:2

Disu sangom, lay ya pilay pa mman si Isa. Takka ndooy yuk na, “Tuwan, katoonan kami kau guru lakka man Tuhan. Yaꞌ sina ko kapōꞌ siga pakaradjaan kahaylan-haylan meꞌ ilooy ma bay pabuwat nu bong yaꞌ luu kawasa Tuhan njataꞌ nu.”

Yahiya 6:14

Lay jaꞌ siꞌ takita ga baanan jama ndooy pabuwatan kahaylan-haylan bay pabuwat si Isa, ilooy ma lay sila kapahalling, “Mattan du la lalla tuu nabi looy ma bay tinunaꞌ maruhuꞌ-ruhuꞌ pitu pa junyaꞌ.”

Yahiya 6:22

Na kuwan siga baanan jama ma bay tamban ni dambilaꞌ danaw, ngabut sampay llaw disu, luu na pin ngagad si Isa. Sangka da masi ya lundooy sabap disu du kumpit bay takita da patuwak, boꞌ yaꞌ bay takita da si Isa bay dutai. Ilooy du bay takita da siga mulit na.

Yahiya 6:26

Pag tampung si Isa, “Sabana na, saꞌ na maksud bi miha aku sabap meꞌ bi bay ngita siga pabuwatan kahaylan-haylan. Ilooy du maksud bi pitu sabap meꞌ bi bay paasso ku ka tinapay looy.

Yahiya 6:30

Dari tilaw da, “Bong meꞌ naa, oy baw tu sipat kawasa Tuhan tapōꞌ nu? Noy mintu kami lay na ngita, boꞌ kami pitsayaꞌ kau bay pinapitu meꞌ Tuhan. Luu kina tapōꞌ nu sipat kawasa