Yahiya 6:14 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁴ Lay jaꞌ siꞌ takita ga baanan jama ndooy pabuwatan kahaylan-haylan bay pabuwat si Isa, ilooy ma lay sila kapahalling, “Mattan du la lalla tuu nabi looy ma bay tinunaꞌ maruhuꞌ-ruhuꞌ pitu pa junyaꞌ.”

Yahiya 6:14 ပူးပေါင်းရင်းမြစ်များ

Panagnaan 49:10

Maka Juda, luu sina mintu siga panubuꞌ nu magsunuꞌ-sunuꞌ magsultan ni lahat tabi. Boꞌ luu gi sina mintu lahil panubuꞌ nu ilooy ma yaꞌ na kuhi labbos pagkasultan na saumu. Iya ina mintu yana sultan ma inasip meꞌ mimon kabangsa-bangsahan.

Matiyu 11:3

Pag takka da pilay, yuk da ni si Isa, “Tuwan, lay ko la sohoꞌ Tuwan Yahiya tinilaw. Kau na kina tukang nalamat ma bay tinunaꞌ pinatakka meꞌ Tuhan, atawa luu gi kilay subay agad kami sarī?”

Matiyu 21:11

Pag tampung baanan jama ma ngahaboyan si Isa, “Iya na sina si Isa, nabi looy man Nasaret ndooy ni Jalil.”

Lukas 24:19

Yuk si Isa, “Na oy baw lay siꞌ?” Yuk da, “Pasal si Isa bilay, lalla man Nasaret. Iya ilay nabi mehe ni mata Tuhan sampay na ni manusiyaꞌ, tumatandaꞌ ni tōꞌ na ka ni kawasa na mōꞌ jinisan pabuwatan kahaylan-haylan.

Lukas 7:16

Pag takita leꞌ baanan jama ndooy, takkahan tawu na sila labbasakayi sampay mudji na ga sila Tuhan, yuk da, “Luu na bitu Tuhan pitu nabang kitabi sukuꞌ na. Batan luu na bay papitu na disu nabi biddaꞌ na ehe kawasa na pa mman tabi.”

Yahiya 1:21

Yuk da na baw, “Bong ko saꞌ Almasi, soy baw ina ko? Kau na kina Nabi Eliyas?” Iya tampung na, “Ssaꞌ du ba.” Tilaw da, “Bong meꞌ naa, soy tu ko la? Kau na kina nabi looy ma pinag-agad meꞌ bangsa tabi?” Iya tampung si Yahiya, “Ssaꞌ du ba.”

Yahiya 11:27

Pag tampung si Malta, “Ohoꞌ Papuꞌ, pitsayaꞌ ku kau na Almasi, yana Anak Tuhan ma bay tinunaꞌ pitu pa junyaꞌ.”

Yahiya 2:11

Na ilooy siꞌ ma bay pabuwat si Isa ndooy ni kawum Kana ni Jalil, yana pabuwatan sibuwa kahaylan-haylan man na bay makita ehe kawasa Tuhan njataꞌ na. Dari sabap meꞌ looy, magsasōng na meꞌ siga mulit na pitsayaꞌ niiya.

Yahiya 4:19

Yuk danda looy, “Tuwan, bohoꞌ la tabista ku kau disu nabi.

Yahiya 4:25

Yuk danda looy baw siꞌ tu, “Katoonan ku luu du pōꞌ ni sinōng lalla ma bay inuwakilan meꞌ Tuhan magsultan saumu, yana Almasi. Pag luu jaꞌ ina ya mintu, iya sa mahatiyan kitabi mimon-mimon.”

Yahiya 4:42

Dari halling da siꞌ man danda looy, “Saꞌ na situ sat ni bay tuntut nu man kami pitsayaꞌ niiya, batan kami na mismu lay na du kale bitsala na. Maka tabista kami na basta tud iya na tukang nalamat manusiyaꞌ.”

Yahiya 6:2

Pag-anu siꞌ, yaꞌ na taambat manusiyaꞌ nusu bihing patuhut niiya. Kon meꞌ looy sabap bay na sila pingkaꞌ ngita iya mōꞌ pabuwatan kahaylan-haylan waktu na bay ngulian siga jama saki.

Yahiya 6:26

Pag tampung si Isa, “Sabana na, saꞌ na maksud bi miha aku sabap meꞌ bi bay ngita siga pabuwatan kahaylan-haylan. Ilooy du maksud bi pitu sabap meꞌ bi bay paasso ku ka tinapay looy.

Yahiya 6:30

Dari tilaw da, “Bong meꞌ naa, oy baw tu sipat kawasa Tuhan tapōꞌ nu? Noy mintu kami lay na ngita, boꞌ kami pitsayaꞌ kau bay pinapitu meꞌ Tuhan. Luu kina tapōꞌ nu sipat kawasa

Yahiya 7:40

Pag lay jaꞌ siꞌ takale bay bitsala na meꞌ ga jama ndooy, yuk kasohean, “Basta ituu na bitu nabi looy ma bay tinunaꞌ meꞌ Nabi Musa.”

Salsila siga Rasul 7:37

Maka Boꞌ Musa na silay bay nunaꞌ ni bangsa tabi Israil, ilooy ma yuk na, ‘Ni sinōng, luu sina disu nabi meꞌ aku du pinatakka meꞌ Tuhan pa mman bi. Iya ilay mintu meꞌ aku du turunan bangsa tabi Israil.’ ”