Yahiya 5:45 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴⁵ Sugaꞌ daa kam mista ga aku nusunan kaam ni awpan Mmaꞌ ku bbos-bbos. Arapun iya ilay mintu nusunan kaam yana Nabi Musa ma asahan bi nanggehan kaam.

Yahiya 5:45 ပူးပေါင်းရင်းမြစ်များ

Lukas 16:29

“Tampung Nabi Ibrahim, ‘Luu du bilay ndooy mman da saraꞌ Nabi Musa sampay mimon suwat kanabi-nabihan. Ilooy na jaꞌ subay bean da.’

Yahiya 12:48

Sugaꞌ pag taabut llaw dambuli, mastiꞌ kalabuan jaꞌ sina hukuman sagannap ma bay nuwak aku ka tōꞌ ku. Boꞌ pindoga man da kalabuan hukuman, yana tōꞌ ku.

Yahiya 7:19

Boꞌ kaam ina sarī. Mangaku baw kam mulit Nabi Musa ma bay ngandean saraꞌ ni kabboꞌ-bboan tabi, boꞌ ko, yaꞌ du kam luu san disu ngikut saraꞌ na. Bong siꞌ ilay bana-bana meꞌ bi ngikut, ongoy baw taggahaꞌ ngulihal gi kam meꞌ bi mapatoy aku?”

Yahiya 8:9

Pag takale siga Parisi ka ga guru looy siꞌ bay tampung si Isa, lay na sila magsunuꞌ-sunuꞌ palakka. Duhuꞌ, siga matatoa, boꞌ pauru ilooy kasohean ngabut sampay si Isa sa tamban ka danda looy ni tangngaan ga jama ndooy.

Suwat si Pol pa mman Baanan Sukuꞌ si Isa ndooy ni Rom 2:12

Mimon manusiyaꞌ ma buwat maat mastiꞌ kalabuan jaꞌ sina hukuman nalkaꞌ. Kuwan siga Yahudi ina, ngkon da kalabuan hukuman batan san katoonan da na saraꞌ Tuhan, amu-amu llangga meꞌ da. Boꞌ ndang katoonan tabi na du, bong jama doman initung meꞌ Tuhan intong, yaꞌ sukup sat sila toon saraꞌ, mastiꞌ subay du bogbogan da labbasakayi. Kuwan siga bangsa sarī ma awam ni saraꞌ Tuhan, kon da ina mintu kalabuan hukuman sabap yaꞌ sila mmeꞌ ni honaꞌ-honaꞌ da buwat mahap. Dari ilooy na man da koleꞌ dusa.

Galatiya 3:10

Boꞌ sagannap ma mangasa ni hulas-sangsāꞌ da mogbogan saraꞌ man da initung intong, yaꞌ sina sila koleꞌ supaat. Ilooy du takoleꞌ da mulkaꞌ batan yaꞌ tabogbog da labbasakayi. Boꞌ magbēꞌ du bana ka suwat njawom kitab, ilooy ma yuk na, “Njawom mulkaꞌ soysoy yaꞌ mogbogan mimon saraꞌ njawom kitab.”