Yahiya 5:4 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴ Bbuwatan da ngagad boheꞌ looy usik batan tamūd luu malaikat Tuhan duwai mungka boheꞌ looy. Boꞌ soysoy bay kaparuhuꞌ pilay paaggom taabut boheꞌ looy binungka, mastiꞌ kaulian jaꞌ san lagi oy saki na.

Yahiya 5:4 ပူးပေါင်းရင်းမြစ်များ

Matiyu 6:33

Sangkon pakutuun bi na meꞌ bi mmeꞌ ni pamarinta Tuhan maka akigun bi kaintongan Tuhan. Basta ina inaa numbul satu ningkaam, malaingkan Tuhan sa muwanan kaam mimon ma kagunahan ningkaam.

Lukas 13:24

“Pamarinta Tuhan ina tadalil pa disu lumaꞌ ma kiput lawang na. Subay pagbuli-bulihan bi na paasok man lawang looy. Meka na sina mintu jama miha lawang sarī, sugaꞌ yaꞌ luu dapat da paasok.

Lukas 16:16

Yuk si Isa lagi, “Na halloman yaꞌ gi bay pōꞌ si Yahiya ma Tukang Mandi, bohoꞌ saraꞌ Nabi Musa sampay na mimon suwat kanabi-nabihan bay pinasaplag. Sugaꞌ labba man jaman si Yahiya ngabut sampay batnaa, luu na umanat mahap pasal pamarinta Tuhan pinasaplag. Maka manusiyaꞌ sikamimon, pinagbuli-bulihan na binoo paasok pa jawom okoman pamarinta na.

Yahiya 5:3

Ndooy siꞌ, meka jama saki pabāk. Luu na buta, luu na tongkaꞌ maka luu du matoy baran da.

Yahiya 5:5

Na luu disu lalla ndooy, luu na tallumpuꞌ-wawun taun halloman na yaꞌ kapalān.

Yahiya 5:7

Pag tampung lalla looy, “Ohoꞌ la Tuwan, sugaꞌ yaꞌ baw luu jama ngangkat aku pa jawom boheꞌ looy bong mintu bay binungka. Ni kalawun ku, tuktuk ku pasōng pilay, wā jaꞌ ku kaduhuan meꞌ jama.”

1 Korin 6:11

Kaam pun ina maruhuꞌ, meꞌ naa du bay kadarihan bi kasohean. Lipara, lay na kam sinutsiꞌ, maka lay na kam binuwat sukuꞌ Tuhan sampay initung intong. Na mimon kaayaran looy siꞌ, yaꞌ silay bay takoleꞌ bi bong saꞌ sabapan pabuwatan Papuꞌ tabi si Isa Almasi ka Rū Tuhan.

1 Yahiya 1:7

Sugaꞌ bong itu kitabi tattog njawom dantaꞌ meꞌ karuha Tuhan, dambuwaꞌ atay na kitabi. Maka puwas na dusa tabi sabapan lahaꞌ Anak Tuhan, yana si Isa. Sangkon sutsiꞌ na kitabi.