Yahiya 5:39 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁹ Magtuyuꞌ baw kam maliksaꞌ njawom kitab sabap manganna kam ndooy na man bi koleꞌ kasampulnaan nyawa saumu. Boꞌ ko, poonan kasampulnaan nyawa ma sinabbut ndooy yana aku na mismu.

Yahiya 5:39 ပူးပေါင်းရင်းမြစ်များ

Matiyu 22:29

Dari yuk si Isa ninsila, “Tud magsāꞌ kam sabap yaꞌ san tahati bi suwat njawom kitab maka yaꞌ du katoonan bi ehe kawasa Tuhan.

Malkus 10:3

Yuk si Isa ninsila, “Na oy baw ilay bay panohoan Nabi Musa ni kabboꞌ-bboan tabi sampay na ningkaam?”

Malkus 12:10

Yuk si Isa lagi, “Kahalan anak dapu kabbun looy ilay siꞌ magtuntun du ka suwat njawom kitab ma pinagbatsa meꞌ bi, ilooy ma yuk na, ‘Batu ma bay tinimanan meꞌ siga tukang buwat lumaꞌ batu, ilooy ya bay dari patingkat kapansahaliyan na man sikamimon.

Lukas 16:29

“Tampung Nabi Ibrahim, ‘Luu du bilay ndooy mman da saraꞌ Nabi Musa sampay mimon suwat kanabi-nabihan. Ilooy na jaꞌ subay bean da.’

Lukas 16:31

“Yuk Nabi Ibrahim, ‘Bong sila yaꞌ maruli saraꞌ Nabi Musa ka tōꞌ kanabi-nabihan, san silay bay luu jama matoy ma llum pabalik pilay maintoman sila, masi du silay sila yaꞌ takoleꞌ binitsalahan.’ ”

Lukas 24:25

Dari yuk si Isa ninsila, “Uy kaam tu, ongoy kam yaꞌ kahati? Ongoy kam kaawran pitsayaꞌ ni siga tunaꞌ kanabi-nabihan pasal Almasi?

Lukas 24:27

Pag-anu, lay gi pinassaꞌ meꞌ si Isa ninsila hatiyan siga suwat njawom kitab ma tuwaꞌ pa iya, labba man suwat Nabi Musa sampay mimon suwat kanabi-nabihan kasohean.

Lukas 24:44

Pag lupus, yuk na, “Bay waktu tabi dambuwaꞌ, ndang bay kam baan ku meꞌ tuu: Saꞌ ba, yuk ku, mimon ma bay sinuwatan meꞌ Nabi Musa ka ga kanabi-nabihan ilooy kasohean sampay na njawom Kitab Jabul pasal aku talpaksaꞌ binakbul jaꞌ?”

Yahiya 1:45

Na yaꞌ gi siꞌ sila bay lakka mandooy, lay doꞌ si Pilip miha bagay na si Natanyel. Pag tatammu na, yuk na, “Lay kami la sitammu ka lalla looy ma bay tinunaꞌ meꞌ Nabi Musa ka ga kanabi-nabihan njawom kitab. Awon na hati si Isa, lalla man Nasaret, anak si Yusup.”

Yahiya 5:32

Sugaꞌ luu gi baw tu disu mōꞌ kabanahan bong soy ku. Boꞌ katoonan ku bana bitsala na.

Yahiya 5:36

Sugaꞌ luu gi silay man jama mindoga bong soy ku labi gi man bay bitsala si Yahiya, yana siga pabuwatan kahaylan-haylan bay pōꞌ ku man panohoan Mmaꞌ ku. Siga pabuwatan looy ilay, ilooy na buktiꞌ Mmaꞌ ku bay nohoꞌ aku pitu. Boꞌ tud subay pupus ku mimon ma bay sohoꞌ Mmaꞌ ku.

Yahiya 5:40

Sugaꞌ kaam tu, amu-amu kam yaꞌ kuhi mmeꞌ niyaku. Bong siꞌ ina kam bay kuhi, mastiꞌ lay na kam koleꞌ kasampulnaan nyawa meꞌ looy.

Yahiya 5:46

Bong siꞌ ina kam bana-bana pitsayaꞌ ni bitsala Nabi Musa, mastiꞌ pitsayaꞌ jaꞌ kam niyaku sabap meka bay sinuwatan meꞌ na pasal aku.

Yahiya 7:52

Yuk da baw siꞌ tu, “Uy, batiꞌ ta bitu jama Jalil du ko. Maliksaꞌ teꞌ ko njawom kitab. Yaꞌ silay luu tatammu nu nabi bay tinunaꞌ pōꞌ man Jalil.”

Salsila siga Rasul 13:27

Sugaꞌ kuwan kaekahan jama ndooy ni Jerusalem ka ga pa-mmean da, yaꞌ bay tasayu da ga si Isa na yana Almasi, tukang nalamat bay pinapitu meꞌ Tuhan. Subay siꞌ katoonan da na batan sila ngantanan kitab man siga tunaꞌ pasal iya bay sinuwatan meꞌ kanabi-nabihan. Boꞌ ilooy na silay siꞌ pinagbatsa ni siga langga da tuktuk Llaw Pahali. Sangkon sapatut na, subay ya bay hinasi meꞌ da, sugaꞌ gam pin lay gi ya sohoꞌ da binotangan hukuman kapatoy. Dari sabapan pabuwatan da, lay na binakbul siga tunaꞌ njawom kitab.

Salsila siga Rasul 17:11

Na siga Yahudi ndooy ni Bereya, mas mahap baw arat-tabiat da man siga Yahudi ndooy ni Tesaloneka. Tinagi sila pakale ni umanat ga si Pol sampay lay du hinasi meꞌ da. Dari llaw pa dangallaw, wā sila maliksaꞌ njawom kitab man da masā bong tud mawjud du bitsala ga si Pol.

Salsila siga Rasul 26:27

Dari yuk si Pol ni Sultan Agripa, “Ampun Sultan, bistahan ku pitsayaꞌ du ko ni siga suwat kanabi-nabihan, saꞌ ba?”

Suwat si Pol pa mman Baanan Sukuꞌ si Isa ndooy ni Rom 1:2

Kasalamatan ina, ndang bay njanjiꞌ meꞌ Tuhan man maruhuꞌ-ruhuꞌ lagi. Boꞌ lay sohoꞌ Tuhan sinuwatan ni siga kanabi-nabihan njawom kitab.

Suwat si Pol pa mman Baanan Sukuꞌ si Isa ndooy ni Rom 3:2

Sugaꞌ daa kitabi mamiki meꞌ looy. Basta mehe baw sina kaayaran ningkitabi bong kitabi turunan bangsa Yahudi. Numbul satu, kitabi bangsa bay tahalapan leꞌ Tuhan ngantanan palman na njawom kitab.

Kolossa 3:16

Kannahun bi banahan mimon tōꞌ Almasi. Maka pakoyun bi na pangahati ma bay dean Tuhan ningkaam man bi sitoꞌ-tōꞌ atawa pun sipaintom-paintom. Maka ngalang kam siga kalangan pudji pa Tuhan meꞌ sapantun kalangan man jawom Kitab Jabul atawa kalangan sarī ma kasulut ni Tuhan tandaꞌ mehe meꞌ bi magsuku niiya.

Hibrani 11:16

Sugaꞌ iya bay agad da yana paglahat mahap gi man mimon paglahat ni junyaꞌ, yana paglahat man sulgaꞌ. Dari sabapan kainagon da magdautan daira ma ndang bay pinanyap meꞌ Tuhan ninsila, gāk sina Tuhan inawnan Tuhan da.

Hibrani 11:35

Maka luu gi karandahan bay kapatoyan, sugaꞌ sabapan pangando da, lay na llum pabalik kakasi da. Sugaꞌ luu du baw silay sukuꞌ Tuhan bay sigi-sigi pinakissahan paddi ngabut sampay man da matoy sabap meꞌ da yaꞌ kuhi ngalabbahan pangando da pa Tuhan. Bong siꞌ ilay sila bay kuhi ngalabba, mastiꞌ lay jaꞌ sila pinōꞌ. Sugaꞌ honaꞌ-honaꞌ da, gam na tatasan da supaya sila sannang pag mintu taabut pinakallum pabalik mimon manusiyaꞌ.

Siga Pakaradjaan bay Pinalahil 19:10

Pag takale ku meꞌ looy, ilooy ma lay na ku sujud ni battis na numba iya. Sugaꞌ yuk na, “Daa ko ba buwat meꞌ naa. Tuhan jaꞌ sumbahun. Aku bitu ata Tuhan sadjaꞌ meꞌ kaam du ka siga danganakan nu ma ngantanan umanat Papuꞌ Isa. Boꞌ umanat looy ilay ma bay pinasampay meꞌ Papuꞌ Isa yana kabanahan ma bay tinunaꞌ meꞌ kanabi-nabihan mattoꞌ.”