Yahiya 5:35 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁵ “Si Yahiya ilay, sibuꞌ karuha na ka disu sūꞌ dantaꞌ banahan ninag ni jawom lindom. Sampay bay du kam pingkaꞌ gāk samantalaꞌ meꞌ dantaꞌ na.

Yahiya 5:35 ပူးပေါင်းရင်းမြစ်များ

Matiyu 11:11

Maka yuk si Isa, “Bong kam pitsayaꞌ ni bitsala ku, tahati bi jaꞌ silay si Yahiya ma Tukang Mandi yana Nabi Eliyas ma bay tinunaꞌ pabeleng pitu duhuꞌ man katakka Almasi. Baan ta kam banahan, bong inawnan manusiyaꞌ, yaꞌ luu bay pinamaddihan patingkat labi man si Yahiya. Sugaꞌ ni batnaa, soysoy ina tumabeꞌ na ni pamarinta Tuhan, san du pooy diyoꞌ na ni bandingan manusiyaꞌ, malaingkan patingkat gi ya man si Yahiya. “Na katakka pamarinta Tuhan ina, ndang bay na tinunaꞌ meꞌ mimon kanabi-nabihan sampay bay gi sinabbut ni saraꞌ Nabi Musa. Dari labba man waktu si Yahiya bay nagnaꞌ masaplag ngabut sampay batnaa, bohoꞌ binakbul na katakka pamarinta Tuhan. Salla na, luu na pin baw jama jahat naggaꞌ sagannap ma doman tabeꞌ ni pamarinta Tuhan.

Matiyu 21:26

Bong baw itu yuk tabi, ‘Kapatut na lakka man manusiyaꞌ sadjaꞌ,’ piligru ningkitabi sabap mimon jama ntuu pitsayaꞌ si Yahiya bay disu nabi.”

Malkus 1:5

Dari siꞌ, yaꞌ na taambat jama bahuklud pilay pa mman na lakka man Jerusalem sampay man sikaliput Yahudiya. Pag takale da umanat si Yahiya, lay na tawbatan da dusa da ni pag-awpan mimon ndooy. Sampay lay na sila pinandi meꞌ si Yahiya ni Sōng Juldan.

Malkus 6:20

sabap lay sohoꞌ Gubnul Herod si Yahiya njagahan mari yaꞌ kongoy-kongoy. Mehe maltabat Gubnul Herod ni si Yahiya batan katoonan na si Yahiya jama intong sampay sutsiꞌ pa Tuhan. Sarī gi, tigiꞌ ya pakale ni tōꞌ si Yahiya. Sat na jaꞌ, daran na baw ya takkahan hanggaw bila ya pakale.

Lukas 7:28

Yuk si Isa lagi, “Baan ta kam banahan, bong inawnan manusiyaꞌ, yaꞌ luu bay pinamaddihan patingkat labi man si Yahiya. Sugaꞌ ni batnaa, soysoy ina tumabeꞌ na ni pamarinta Tuhan, san du pooy diyoꞌ na ni bandingan manusiyaꞌ, malaingkan patingkat gi ya man si Yahiya.”

Yahiya 6:66

Dari sabapan bitsala si Isa llaw looy, meka na soheꞌ na lay nikutan iya sampay patatak.

2 Pitel 1:19

Dari pagka lay takita kami sampay lay na takale kami ilooy siꞌ sikamimon, magdaruhun na meꞌ kami kasiguru tud bana du siga tunaꞌ kanabi-nabihan pasal Almasi. Suwat da ilay njawom kitab meꞌ sapantun sūꞌ ninag njawom lindom. Sangkon subay indanan bi bitsala da ngabut sampay ninag na Kababbasan njawom atay bi sampay pakallat na mataallaw. Hati na, ngabut sampay takka na Almasi marantaan mimon pamiki bi.