Yahiya 5:23 - Sabahagiꞌ Kitab Tawrat: Panagnaan ni Awwal Jaman maka Kitab Injil

²³ Batan kahandak Mmaꞌ ku subay Anak na inisbat meꞌ mimon manusiyaꞌ meꞌ kadari iya du. Meꞌ aku Anak na, soysoy yaꞌ ngisbat aku, sibuꞌ du ya ka yaꞌ ngisbat Mmaꞌ ku ma bay mapitu aku.

Yahiya 5:23 ပူးပေါင်းရင်းမြစ်များ

Matiyu 10:37

“Soysoy maaseꞌ ni induꞌ mmaꞌ na labi man aku, yaꞌ ya tawop inawnan sukuꞌ ku. Damikiyan, soysoy maaseꞌ ni ga anak na labi man aku, yaꞌ du ya tawop inawnan sukuꞌ ku.

Matiyu 11:27

Pag-anu, yuk si Isa na baw ni baanan jama ndooy, “Mimon-mimon lay na hinalap meꞌ Mmaꞌ ku niyaku. Yaꞌ luu toon njawom atay ku sarī man Mmaꞌ ku. Damikiyan, yaꞌ du luu toon njawom atay Mmaꞌ ku sarī man aku ka sagannap ma karomanan ku baan ku.

Matiyu 12:21

Iya na sina mintu inasahan meꞌ jama ni mimon bangsa.”

Matiyu 15:8

‘Ga jama tuu maehe aku ni behe da sadjaꞌ. Sugaꞌ njawom atay da, yaꞌ luu aseꞌ da niyaku.

Matiyu 28:19

Sangkon, lataan bi na junyaꞌ boꞌ toan bi na sikamimon bangsa pasal aku supaya sila mmeꞌ niyaku. Maka pandihun bi na sila ni awon Mmaꞌ ku, Anak na, ka Rū Sutsiꞌ.

Lukas 10:16

“Na kuwan kaam siga mulit ku, soysoy ina mintu ngahasi bitsala bi, saliꞌ du sila ka bay ngahasi bitsala ku. Soysoy nuwak kaam, saliꞌ du ka aku bay tuwak da. Maka soysoy nuwak aku, saliꞌ du sila ka nuwak ilooy ma bay mapitu aku.”

Yahiya 14:1

Pag-anu, yuk si Isa ni siga mulit na, “Daa gundalaꞌ atay bi. Mangando jaꞌ kam pa Tuhan. Damikiyan, mangando du kam niyaku.

Yahiya 16:14

Moo gi sina ya mintu kabantugan mehe niyaku sabap malahil ya ningkaam kabanahan lakka man aku.

Yahiya 17:10

Ndang-ndang, mimon ma niyaku ningkau du. Damikiyan, mimon ma ningkau niyaku du. Sabapan ga jama tuu ma bay halap nu niyaku, lay na ku koleꞌ kabantugan.

Suwat si Pol pa mman Baanan Sukuꞌ si Isa ndooy ni Rom 1:7

Meꞌ kaam siga kakasi Tuhan nnaa ni Rom ma bay lliyun binuwat sukuꞌ na, kamura-murahan binuwanan na pin kam kasannangan ka barakat meꞌ Mmaꞌ tabi Tuhan ka Papuꞌ tabi si Isa Almasi.

Suwat si Pol pa mman Baanan Sukuꞌ si Isa ndooy ni Rom 15:12

Maka luu gi tunaꞌ bay sinuwatan meꞌ Nabi Isaya, yuk na, “Bbos-bbos luu du sina pōꞌ panubuꞌ si Jesse. Inuwakilan ya nohoꞌ magbayaꞌ ni mimon kabangsa-bangsahan. Sampay iya na sina mintu asahan da man da koleꞌ mimon ma bay janjiꞌ Tuhan ni sukuꞌ na.”

Suwat si Pol pa mman Baanan Sukuꞌ si Isa ndooy ni Rom 6:22

Kahapan, lay na kitabi pinaddusan man kawasa napsu tabi ma bay kaboo-boo ningkitabi buwat dusa. Pag batnaa, lay na kitabi dari ata Tuhan. Dari sutsiꞌ na arat-tabiat tabi maka luu na kasampulnaan nyawa tabi saumu-umu.

Suwat si Pol pa mman Baanan Sukuꞌ si Isa ndooy ni Rom 8:9

Boꞌ kaam ina, yaꞌ na kam pinagbayaan meꞌ napsu bi. Ilooy sa bean bi kahandak Rū Tuhan pagka luu na ya patannaꞌ njawom atay bi. Sugaꞌ bong baw ina luu gi kam nnaa yaꞌ gi luu Rū Tuhan bay pinaasok pa jawom atay bi, malaingkan saꞌ du sina kam sukuꞌ Almasi.

1 Korin 1:3

Kamura-murahan binuwanan na pin kam kasannangan ka barakat meꞌ Mmaꞌ tabi Tuhan ka Papuꞌ tabi si Isa Almasi.

1 Korin 10:31

Sugaꞌ ituu baw meꞌ ku ka jama ma mitsala meꞌ looy: Oy-oy kakan bi ka inum bi atawa oy-oy pabuwat bi, subay kaboo kabantugan pa Tuhan maksud bi.

1 Korin 16:22

Kamura-murahan soysoy yaꞌ luu aseꞌ na ni Papuꞌ Isa sinumpaan du meꞌ Tuhan. Kamura-murahan takka na Papuꞌ deꞌ-dēꞌ.

1 Korin 6:19

Bong yaꞌ katoonan bi, baran tabi itu lumaꞌ Rū Sutsiꞌ ma bay dean Tuhan kitabi. Saꞌ na sina kitabi dapu baran tabi, arapun Tuhan na dapu

2 Korin 1:9

Kanna kami ndooy na bay katobtoban umu kami. Sugaꞌ ilooy na man kami bay mamintang subay Tuhan jaꞌ asahan kami, saꞌ na dī kami. Batan iya Tuhan Sangat Kawasa ma tukang makallum jama matoy.

2 Korin 5:14

Ngkon kami itu magtuyuꞌ kalnaꞌ Almasi sabap tabista kami ehe aseꞌ na ni manusiyaꞌ. Inaa sina muwansangan kami masaplag. Tandaꞌ ehe aseꞌ Almasi, lay na ga ya nongan umu na gantiꞌ manusiyaꞌ sikamimon. Dari meꞌ tabi ngingat, mimon kitabi lay na du tabeꞌ matoy niiya.

2 Korin 5:19

Dari meꞌ tuu situ umanat bay sohoꞌ Tuhan pinasampay ningkitabi: Njataꞌ kapatoy Almasi, ilooy na man Tuhan muwanan sikamimon manusiyaꞌ lawang man da mahap na niiya sampay yaꞌ na initung meꞌ na dusa da.

Epesus 6:24

Maka kamura-murahan luu na pin barakat man Tuhan ni jataꞌ sagannap ma yaꞌ kuhi maglumba aseꞌ da saumu-umu ni Papuꞌ tabi si Isa Almasi. Wassalam

2 Timuti 1:12

Boꞌ ituu na situ kon ku tiksaꞌ ntuu njawom jīl. Kamasaꞌ, yaꞌ du tu ku iyaꞌ batan katoonan ku ilooy ma asahan ku, yana si Isa Almasi. Boꞌ na, tatantu ku du mastiꞌ takaya na jaꞌ ngayaran ma bay pa-ntan ku niiya ngabut sampay llaw katapusan.

Hibrani 1:6

Lagiꞌ na, taabut Tuhan bay mapitu Anak Tungga na pa junyaꞌ, yuk na, “Mimon malaikat ku subay numba iya.”

2 Pitel 1:1

Ituu itu aku, si Saymon Pitel, disu ata si Isa Almasi. Maka aku itu disu rasul na. Itu suwat ku pa mman bi ma pitsayaꞌ na du ni si Isa Almasi, yana Tuhan tabi ka tukang nalamat kitabi. Ni kaintong na, yaꞌ ya minig jama, batan kaam pun ina, meꞌ kami na du, bay kaladjikian saliꞌ-saliꞌ buwatan hagaan, yana pangando tabi niiya.

2 Pitel 3:18

Katapusan bitsala ku: Duhunan bi na pin meꞌ bi ngikut arat-tabiat Papuꞌ tabi si Isa Almasi, yana tukang nalamat kitabi. Maka mangasa na pin kam ni aseꞌ-tabang na ningkaam. Songan bi lagi meꞌ bi lungbid ka iya. Kamura-murahan pinudji na pin ya labba man batnaa sampay saumu-umu! Amin. Wassalam

1 Yahiya 2:23

Maka soysoy māꞌ yaꞌ ya pitsayaꞌ Almasi yana Anak Tuhan, lawak ya man Mmaꞌ Almasi. Sugaꞌ soysoy mangaku Almasi yana Anak Tuhan, mastiꞌ lungbid ya ka Mmaꞌ Almasi.

2 Yahiya 1:9

Batan soysoy yaꞌ tattap mmeꞌ ni tōꞌ Almasi, boꞌ magsiꞌ lagi, mastiꞌ yaꞌ ya tibuuk ka Tuhan. Sugaꞌ soysoy tattap mmeꞌ ni tōꞌ Almasi, malaingkan tibuuk ya ka Tuhan sampay Anak na.