Yahiya 5:19 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁹ Dari yuk si Isa lagi ninsila, “Baan ta kam banahan, bong itu dangan-dangan ku sadjaꞌ, yaꞌ situ luu tapabuwat ku, batan ilooy du pabuwat ku ma takita ku pinabuwat meꞌ Mmaꞌ ku. Dari oy-oy pinabuwat meꞌ Mmaꞌ ku, damikiyan meꞌ aku Anak na, inaa du pabuwat ku.

Yahiya 5:19 ပူးပေါင်းရင်းမြစ်များ

Panagnaan 1:1

Ni panagnaan, lay pinapayak meꞌ Tuhan junyaꞌ ka langit.

Panagnaan 1:26

Pag-anu, magpalman na baw Tuhan, yuk na, “Subay situ kitabi mapayak manusiyaꞌ meꞌ limbagan arat-tabiat tabi. Sila na magbayaan mimon hayop ka sattuwa taꞌ junyaꞌ sampay ga daying, ga manuk-manuk ka mimon balnyawa ma palele taꞌ gumi.”

Matiyu 26:39

Pag-anu siꞌ, lay na ya palawak-lawak dangkitiꞌ man bihing da boꞌ na pahangkop taꞌ tanaꞌ maku duwaa, yuk na, “Maꞌ, bong siꞌ luu dapat, hawasan nu na kabinsanaan ma bay gantaꞌ nu njataꞌ ku. Sugaꞌ subay kahandak nu binean, saꞌ ga niyaku.”

Lukas 21:15

Aku sa muwanan kaam kapandoyan ka bitsala ayad man bi nampung. Dari sagannap ma nulang kaam, yaꞌ na luu dapat da tumanjataꞌ atawa māꞌ magsāꞌ kam.

Yahiya 10:18

Yaꞌ luu kalakkahan umu ku, sugaꞌ aku ya sina mintu maggasad bayaꞌ nongan umu ku. Luu kapatut ku nongan umu ku maka luu du situ kapatut ku mawiꞌ. Batan ndang ituu bay sinohoꞌ meꞌ Mmaꞌ ku niyaku.”

Yahiya 12:49

Batan tōꞌ ku tu, yaꞌ lakka man pamiki ku dī ku, arapun lakka man Mmaꞌ ku ma bay mapitu aku. Iya nohoꞌ aku bong oy subay tinōꞌ meꞌ ku.

Yahiya 12:50

Boꞌ katoonan ku, bong inawnan siga tōꞌ ma bay sohoꞌ na pinasaplag niyaku, mastiꞌ inaa na poonan kasampulnaan nyawa ma yaꞌ luu katapusan na. Sangkon bila ku mitsala, ilooy du pōꞌ ku ma bay sinohoꞌ meꞌ Mmaꞌ ku niyaku.”

Yahiya 14:10

Marean ta yaꞌ lagi ko pitsayaꞌ kami ka Mmaꞌ ku tibuuk. Ndang bay na kam baan ku, mimon bay bitsala ku ningkaam saꞌ lakka man dī ku, arapun lakka man Mmaꞌ ku. Damikiyan, mimon pabuwatan kahaylan-haylan bay pōꞌ ku, lakka man kawasa Mmaꞌ ku du ma tibuuk ka aku.

Yahiya 2:19

Iya tampung si Isa, “Bong itu langkat bi langga tuu, pabalik ku du situ njawom tallu ngallaw.”

Yahiya 3:3

Pag halling si Isa, “Baan ta ko banahan, yaꞌ sina luu kapatabeꞌ ni pamarinta Tuhan bong yaꞌ doꞌ bay duhuꞌ pinamaddihan pabalik.”

Yahiya 5:21

Batan yana meꞌ Mmaꞌ ku makallum jama lay na matoy, damikiyan meꞌ aku pun Anak na, kapakallum du soysoy karomanan ku.

Yahiya 6:38

Aku itu bay duwai man sulgaꞌ luꞌ pitu, saꞌ du man ku nulut kahandak ku, arapun bong pin taduwan ku jaꞌ kahandak Mmaꞌ ku ma bay mapitu aku.

Yahiya 8:28

Dari yuk si Isa ninsila, “Pag ina mintu taabut na Anak Manusiyaꞌ inangkat meꞌ bi taꞌ tehang, ndooy na sina mintu bohoꞌ tasayu bi aku na Almasi. Maka ndooy na du bohoꞌ tabista bi yaꞌ ku buwat oy maka oy na lakka man pamiki ku dī ku, arapun bean ku jaꞌ sohoꞌ Mmaꞌ ku. Damikiyan, iya du maan aku bong oy bitsala subay pōꞌ ku.

Yahiya 9:4

Batnaa tu, padpad luu gi dapat tabi, subay pabuwat tabi na pabuwatan ma bay sohoꞌ ilooy ma bay mapitu aku. Bong nnaꞌ ta pa disu llaw, huwas-huwasan tabi na buwat padpad masi ninag mataallaw, batan pag taabut sangom na, yaꞌ na luu tapabuwat tabi.

Salsila siga Rasul 2:24

Sugaꞌ san si Isa bay pinapatoy, lay na du ya pinakallum meꞌ Tuhan. Lay na ya pinaddusan man komkoman kapatoy batan ndang tunmanūn sina niiya ā meꞌ kapatoy.

Suwat si Pol pa mman Baanan Sukuꞌ si Isa ndooy ni Rom 6:4

Sangkon meꞌ tabi ngingat, lay na du kitabi kinubu tabeꞌ ni Almasi waktu tabi bay pinandi. Dari yana meꞌ Almasi bay pinakallum pabalik man kawasa Mmaꞌ na, kitabi pun lay na du binuwanan kaallum bahau mari kitabi kapōꞌ kawul-piil bahau.

Suwat si Pol pa mman Baanan Sukuꞌ si Isa ndooy ni Rom 8:11

Dan jinis meꞌ halling, pagka Tuhan bay makallum si Isa, mastiꞌ muwan du ya kasampulnaan nyawa ningkitabi man kawasa Rū na ma patannaꞌ na njawom baran tabi.

1 Korin 15:12

Na jaman kami bay masaplag umanat mahap pasal Almasi ningkaam, saꞌ ba, bay halling kami, pus Papuꞌ Isa bay pinapatoy, lay na ya pinakallum pabalik? Pagka meꞌ looy, ongoy baw taggahaꞌ luu gi kasohean kam nnaa māꞌ yaꞌ luu masa jama ma lay na matoy pinakallum pabalik?

2 Korin 4:14

Dari masaplag na pin kami san gi man kami matoy. Batan katoonan kami pagka Tuhan lay makallum Papuꞌ Isa, mastiꞌ pakallum na du kami sabap tibuuk na kami ka iya. Sarī man kami, sampay ina kaam, pinakallum du sina mintu supaya kam tabeꞌ na ningkami binoo meꞌ Tuhan pa awpan na.

2 Korin 5:10

Batan ndang bay sina ginantaꞌ ningkitabi sikamimon pinaawop ni Almasi hinukum. Pag-anu, boꞌ tabi tinungbasan na sabapan mimon ma bay pabuwat tabi mahap-maat.

Epesus 2:5

Batan minsan kitabi meꞌ karuha jama matoy sibuwa ni mata Tuhan sabapan dusa tabi, lay na du kitabi tabeꞌ ni Almasi pinakallum. Dari salamat na kitabi isu-isu sabapan aseꞌ Tuhan.

Epesus 3:16

Paku ku duwaa pa Tuhan Sangat Kawasa, kamura-murahan ni kaehe kawasa na ka aseꞌ na, binuwanan du kam leꞌ Rū na gaos mari magsasōng na pin taggu iman bi.

Pilipi 3:21

Maka iya du agad tabi nganggantian baran tabi ma sallahan ka baran ma llum saumu-umu meꞌ karuha niiya. Iya ilay buwat meꞌ looy ni kaehe kawasa na magbayaꞌ ni jataꞌ mimon-mimon.

Pilipi 4:13

batan man sabapan Papuꞌ Isa nganggaosan aku, yaꞌ luu saꞌ yaꞌ takaya ku.

Kolossa 1:11

Maka kamura-murahan binuwanan du kam meꞌ Tuhan gaos lakka man kawasa na ma yaꞌ luu sibuꞌ sabanding na. Dari san gi oy katuwaꞌ ningkaam, katatas kam maka masi na pin kam gāk. Sarī gi, patahaꞌ na pin pasensiya bi.

Kolossa 1:16

Iya na sina man Tuhan bay mapayak mimon-mimon labba man taꞌ gumi sampay taꞌ langit. Mimon ma takita sampay ma yaꞌ takita meꞌ sapantun siga malaikat ka mimon rū ma ngantanan kawasa-kapatut ni antalaan, iya du man Tuhan bay mapayak. Intong na, mimon-mimon bay pinapayak meꞌ Anak Tuhan. Maka maksud da bay pinaluu kalnaꞌ iya.

1 Tesaloneka 4:14

Boꞌ ningkitabi itu, luu holat tabi, batan lay na kitabi mindoga ni bay kadarihan si Isa. Lay jaꞌ siꞌ ya matoy, lay du ya llum pabalik. Dari manganna na kitabi, pagka si Isa bay pinakallum meꞌ Tuhan, malaingkan siga sukuꞌ na pun ma lay na matoy, mastiꞌ pinakallum du, boꞌ da binoo meꞌ Tuhan pa mman si Isa.

1 Pitel 3:18

Mamintang jaꞌ kam ni Almasi. San ya intong gi man intong, lay du ya bininsanaꞌ. Sampay lay na ga ya matoy sakayi labba du kalnaꞌ mimon baldusa pangkat-mamangkat. Lay na tanggung na mimon dusa tabi supaya kitabi mahap na pa Tuhan. Dari siꞌ, bay na pinapatoy jasad na, sugaꞌ lay na baw ya pinakallum ka jasad bahau ma yaꞌ na kuhi matoy.

Siga Pakaradjaan bay Pinalahil 2:23

Mimon ma mmeꞌ meꞌ uwahan na, papatoy ku du sina. Dari pag mintu meꞌ looy, tabista na sina meꞌ mimon baanan sukuꞌ ku, mastiꞌ tasayu ku jaꞌ bong oy njawom atay manusiyaꞌ ka pamiki da. Maka aku du nungbasan sila saliꞌ-saliꞌ magbēꞌ ka pabuwatan da mahap-maat.