Yahiya 5:17 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁷ Sugaꞌ yuk si Isa ninsila, “Mmaꞌ ku ina buwat na pin llaw-llaw ngabut sampay batnaa. Aku pun mastiꞌ buwat jaꞌ du.”

Yahiya 5:17 ပူးပေါင်းရင်းမြစ်များ

Matiyu 10:29

“Yaꞌ du sina kam pinabiya meꞌ Tuhan. Mindoga jaꞌ kam ni siga maya ma ndagangan ni tabuꞌ. San yaꞌ meꞌ noy hagaꞌ da, njagahan du meꞌ Mmaꞌ tabi Tuhan. Bong luu san lasa disu bay labuꞌ pa taꞌ tanaꞌ, mastiꞌ katoonan na jaꞌ.

Yahiya 10:36

ongoy taggahaꞌ bāꞌ bi pangka pa Tuhan sukat ku bay mangaku Anak na? Padahal, aku na situ ilooy ma bay inuwakilan sampay pinapitu leꞌ Mmaꞌ ku Tuhan pa junyaꞌ majatu garaꞌ na.

Yahiya 14:10

Marean ta yaꞌ lagi ko pitsayaꞌ kami ka Mmaꞌ ku tibuuk. Ndang bay na kam baan ku, mimon bay bitsala ku ningkaam saꞌ lakka man dī ku, arapun lakka man Mmaꞌ ku. Damikiyan, mimon pabuwatan kahaylan-haylan bay pōꞌ ku, lakka man kawasa Mmaꞌ ku du ma tibuuk ka aku.

Yahiya 5:16

Dari sabap si Isa daran buwat meꞌ looy sasang Llaw Pahali, kinuntra na ya meꞌ siga pa-mmean Yahudi.

Yahiya 5:18

Dari sabap meꞌ looy halling si Isa, magdaruhun na meꞌ siga pa-mmean Yahudi miha jalan man da mapatoy iya. Batan sarī man ngalangga saraꞌ pasal Llaw Pahali, lay gi ya ngawnan Tuhan Mmaꞌ na, magsisibuꞌ dī na ka Tuhan.

Yahiya 9:4

Batnaa tu, padpad luu gi dapat tabi, subay pabuwat tabi na pabuwatan ma bay sohoꞌ ilooy ma bay mapitu aku. Bong nnaꞌ ta pa disu llaw, huwas-huwasan tabi na buwat padpad masi ninag mataallaw, batan pag taabut sangom na, yaꞌ na luu tapabuwat tabi.

Salsila siga Rasul 14:17

Sugaꞌ san meꞌ looy, man awwal jaman lagi, ndang luu na siga sipat man bi kabistu ndang luu Tuhan maka iya du buwat kaayaran ni manusiyaꞌ. Batan iya na sina muwanan kitabi uwan sampay masulig jinisan tinanom tabi ngabut sampay timpu ngattom. Dari man sabapan na, sukup na balanjaꞌ tabi ka kagakan tabi.”

Salsila siga Rasul 17:28

Batan sabapan na, luu na kitabi, maka llum na kitabi sampay kapausik na kitabi. Meꞌ halling sambat kasohean pagkahi bi ma alistu ngandalil, ‘Mimon kitabi manusiyaꞌ yana anak Tuhan.’

1 Korin 12:6

Maka kajinisan jalan man tabi nabangan pagkahi tabi manusiyaꞌ, sugaꞌ disu du nganggaosan kitabi sikamimon, yana Tuhan.

Kolossa 1:16

Iya na sina man Tuhan bay mapayak mimon-mimon labba man taꞌ gumi sampay taꞌ langit. Mimon ma takita sampay ma yaꞌ takita meꞌ sapantun siga malaikat ka mimon rū ma ngantanan kawasa-kapatut ni antalaan, iya du man Tuhan bay mapayak. Intong na, mimon-mimon bay pinapayak meꞌ Anak Tuhan. Maka maksud da bay pinaluu kalnaꞌ iya.

1 Tesaloneka 2:13

Tud yaꞌ na situ bakkat meꞌ kami magsuku pa Tuhan pasal meꞌ bi bay ngahasi umanat na ma bay pinasampay meꞌ kami ningkaam. Ndaꞌ kami, pag lay takale bi, magti bay tabista bi ilooy na palman Tuhan, saꞌ ga umanat bay jaꞌ tinulun-tulun meꞌ manusiyaꞌ. Boꞌ palman Tuhan ina, yaꞌ luu hantiꞌ na ngahalin pangatayan bi, sagannap ma pitsayaꞌ.

Hibrani 1:3

Maka njataꞌ Anak na, takita tabi na kawasa ka kaayaran Mmaꞌ na Tuhan, batan iya sabana-bana limbagan arat-tabiat Tuhan. Pooy-pooy kadari Tuhan, meꞌ naa du sina Anak na. Boꞌ Anak na ina magbayaan mimon-mimon ni sikaliput alam man kawasa palman na mari yaꞌ pulak-palik. Maka iya ilay bay muwasan dusa tabi mari kitabi sutsiꞌ na pa Tuhan. Pus meꞌ looy, lay na ya pabeleng pa sulgaꞌ boꞌ na ningkōꞌ ni bihing Tuhan Sangat Kawasa huwin pa kawnan.