Yahiya 5:16 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁶ Dari sabap si Isa daran buwat meꞌ looy sasang Llaw Pahali, kinuntra na ya meꞌ siga pa-mmean Yahudi.

Yahiya 5:16 ပူးပေါင်းရင်းမြစ်များ

Matiyu 12:13

Dari yuk si Isa man lalla looy ma kimoy tangan na, “Pa-nnatun na tangan nu.” Pag nnat na, sarunduun du ya kasay sampay sibuꞌ na tangan na sikaduwambilaꞌ.

Malkus 3:6

Pag ndaꞌ siga Parisi meꞌ looy, magti sila lakka man langga. Pag-anu, boꞌ da isun ka baanan raayat Gubnul Herod bong pooy meꞌ da mapatoy si Isa.

Lukas 6:11

Pag ndaꞌ siga Parisi ka ga guru saraꞌ agama meꞌ looy, tud bay sinalaputan tabbuk da. Dari lay na ga sila isun bong pooy meꞌ da makaat si Isa.

Yahiya 1:19

Na hallom maka hallom na, lay taaka meꞌ siga pa-mmean Yahudi ndooy ni Jerusalem pasal pabuwatan si Yahiya mandi jama. Dari lay sila nawag siga imam ka ga panubuꞌ si Libay kasohean, boꞌ da sinohoꞌ pilay nilaw bong iya na Almasi atawa ssaꞌ gi.

Yahiya 10:39

Pag takale da meꞌ looy, balik na baw sila dak nungkuban iya, sugaꞌ lay jaꞌ ya pōꞌ mandooy, boꞌ yaꞌ san ya bay kongoy-kongoy meꞌ da.

Yahiya 15:20

Ingatun bi meꞌ halling sambat ku na siꞌ, ‘Yaꞌ sina luu ata patingkat labi gi man papuꞌ na.’ Sangkon, pagka aku bay nilaugan meꞌ da, kaam pun ina mastiꞌ nilaugan du. Bong siꞌ ilay ndang bay kinanna meꞌ da tōꞌ ku, malaingkan ningkaam pun ina, kinanna du.

Yahiya 5:10

Dari yuk siga pa-mmean Yahudi ni lalla looy ma bay kaulian, “Uy, ongoy doꞌ ko ina moo tipo nu? Tagga bina ni saraꞌ bong sasang meꞌ tuu ni Llaw Pahali.”

Yahiya 5:13

Sugaꞌ lalla looy siꞌ tu, yaꞌ na bay katampung batan yaꞌ katoonan na awon jama ma bay ngulian iya. Lagiꞌ na, magti si Isa bay lakka boꞌ limun na ya meꞌ baanan jama ndooy.

Yahiya 5:15

Pag-anu, pag lakka lalla looy mandooy, lay na baan na siga pa-mmean Yahudi looy siꞌ si Isa bay ngulian iya.

Yahiya 5:17

Sugaꞌ yuk si Isa ninsila, “Mmaꞌ ku ina buwat na pin llaw-llaw ngabut sampay batnaa. Aku pun mastiꞌ buwat jaꞌ du.”

Yahiya 5:18

Dari sabap meꞌ looy halling si Isa, magdaruhun na meꞌ siga pa-mmean Yahudi miha jalan man da mapatoy iya. Batan sarī man ngalangga saraꞌ pasal Llaw Pahali, lay gi ya ngawnan Tuhan Mmaꞌ na, magsisibuꞌ dī na ka Tuhan.

Yahiya 7:21

Yuk si Isa ninsila, “Doꞌ kam bi. Bay llaw looy, pus ku bay ngulian lalla looy, tud bay haylan sikamimon.

Yahiya 7:25

Pag-anu, yuk kasohean jama Jerusalem ndooy, “Saꞌ gi kina inaa lalla ma pinagpiha meꞌ pa-mmean tabi pinapatoy?