Yahiya 5:10 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁰ Dari yuk siga pa-mmean Yahudi ni lalla looy ma bay kaulian, “Uy, ongoy doꞌ ko ina moo tipo nu? Tagga bina ni saraꞌ bong sasang meꞌ tuu ni Llaw Pahali.”

Yahiya 5:10 ပူးပေါင်းရင်းမြစ်များ

Matiyu 12:10

Ndooy siꞌ, luu disu lalla kimoy tangan na. Dari bbuwatan siga Parisi ndooy maimanan si Isa. Doman sila kasakup bong ya nguliꞌ ni Llaw Pahali mari luu sangdanan man da malkalaꞌ iya. Sangkon tilaw da ni si Isa, “Tuwan, bong kau, dari kitu kitabi ngulian jama sasang Llaw Pahali?”

Malkus 2:24

Pag takita meꞌ siga Parisi ndooy, yuk da ni si Isa, “Uy, Llaw Pahali bitu batnaa! Yaꞌ dari ngattuꞌ ni llaw tuu!”

Malkus 3:4

yuk si Isa ninsila sikamimon ndooy, “Mamooy lay la numan ni saraꞌ pasal Llaw Pahali, buwat mahap, atawa buwat maat? Nalamat jama atawa mapatoy sila?” Sugaꞌ lay jaꞌ sila diyam-diyam.

Lukas 13:14

Sugaꞌ kuwan pa-mmean langga looy baw siꞌ tu, lasu sabap si Isa bay nguliꞌ ni Llaw Pahali. Dari yuk pa-mmean looy ni siga jamaa ndooy, “Njawom sakayi pituꞌ luu nnom ngallaw halliꞌ man buwat. Maka njawom nnom ngallaw looy dari na san jama pitu nohoꞌ inulian. Daa jaꞌ sasang Llaw Pahali!”

Lukas 23:56

Pag-anu, lay na pabeleng ga karandahan looy siꞌ pa daira boꞌ da manyap insallan hamut ka uliꞌ halliꞌ man ngintu mayat si Isa. Sugaꞌ yaꞌ na luu dapat da pabeleng pa kubu deꞌ-dēꞌ batan taabut na sila meꞌ Llaw Pahali. Dari lay na du sila pahali man da ngikut saraꞌ agama da.

Lukas 6:2

Pag takita meꞌ siga Parisi ndooy, yuk da ni si Isa, “Uy, Llaw Pahali bitu batnaa! Yaꞌ dari ngattuꞌ ni llaw tuu.”

Yahiya 1:19

Na hallom maka hallom na, lay taaka meꞌ siga pa-mmean Yahudi ndooy ni Jerusalem pasal pabuwatan si Yahiya mandi jama. Dari lay sila nawag siga imam ka ga panubuꞌ si Libay kasohean, boꞌ da sinohoꞌ pilay nilaw bong iya na Almasi atawa ssaꞌ gi.

Yahiya 5:11

Pag tampung na, “Bana bina ningkaam, siga Tuwan, sugaꞌ luu baw bay nohoꞌ aku, yana lalla ma bay ngulian aku. Halling na siꞌ niyaku, ‘Pūtun na tipo nu boꞌ nu lumān na.’ ”

Yahiya 5:15

Pag-anu, pag lakka lalla looy mandooy, lay na baan na siga pa-mmean Yahudi looy siꞌ si Isa bay ngulian iya.

Yahiya 5:16

Dari sabap si Isa daran buwat meꞌ looy sasang Llaw Pahali, kinuntra na ya meꞌ siga pa-mmean Yahudi.

Yahiya 9:16

Yuk kasohean Parisi baw siꞌ tu, “Lalla ma bay buwat meꞌ looy ilay, saꞌ silay lakka man Tuhan batan llangga meꞌ na saraꞌ pasal Llaw Pahali.” Sugaꞌ yuk kasohean baw, “Bong baw bilay ya baldusa, pooy baw meꞌ na nduwan buwat kahaylan-haylan meꞌ tuu?” Dari ilooy ma magsulemaꞌ na pamiki da.