Yahiya 4:42 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴² Dari halling da siꞌ man danda looy, “Saꞌ na situ sat ni bay tuntut nu man kami pitsayaꞌ niiya, batan kami na mismu lay na du kale bitsala na. Maka tabista kami na basta tud iya na tukang nalamat manusiyaꞌ.”

Yahiya 4:42 ပူးပေါင်းရင်းမြစ်များ

Matiyu 1:21

Pag maddi na ina mintu, lalla anak na. Awnan nu ya si Isa, hati na tukang nalamat, sabap iya na sina mintu nalamat siga sukuꞌ na mari sila yaꞌ minulkaan sabapan bay dusa da.”

Lukas 2:32

Iya na situ sūꞌ man kabangsa-bangsahan ngita kabanahan pasal kau. Maka man sabapan na, binantug na sina mintu siga sukuꞌ nu bangsa Israil.”

Yahiya 1:29

Pag meꞌ sumawung, takita si Yahiya na si Isa pasōng pa mman na. Dari yuk na ni baanan jama ndooy, “Alu na lalla ma ginalla Bili-bili Tuhan ma muwasan dusa manusiyaꞌ.

Yahiya 11:17

Pag takka ga si Isa pa Betani, taaka da na luu na mpat ngallaw halloman si Lasarus njawom kubu.

Yahiya 17:8

Mimon bay sohoꞌ nu pinamāꞌ niyaku, lay na pasampay ku ninsila, sampay lay na du bay kinapitsayaan meꞌ da. Katoonan da na bana aku lakka mman nu. Pitsayaꞌ na sila kau bay mapitu aku.

Yahiya 4:29

“Tu kam bi. Ndaꞌ tabi doꞌ pilay. Luu la ndooy lalla bay nunaꞌ mimon bay kadarihan ku. Batiꞌ ta iya na Almasi.”

Yahiya 4:41

Pag lay jaꞌ takale da umanat na, meka gi bay pasampun pitsayaꞌ niiya.

Salsila siga Rasul 13:23

Yuk si Pol lagi ninsila, “Na hallom maka hallom na, luu na baw pōꞌ disu panubuꞌ Sultan Daud yana si Isa, tukang nalamat ma bay njanjiꞌ meꞌ Tuhan ni bangsa tabi Israil.

Salsila siga Rasul 4:12

Na iya ilay, isu-isu iya kasalamat ningkitabi. Batan yaꞌ luu taꞌ babaw junyaꞌ sarī man iya bay papitu Tuhan nalamat manusiyaꞌ.”

Salsila siga Rasul 5:31

Pag batnaa, lay na ya pinatingkōꞌ meꞌ Tuhan pa bihing na huwin pa kawnan njawom kabantugan mehe. Maka lay na ya binuwat panghuluꞌ maka tukang nalamat. Kon meꞌ looy, supaya tabuwanan na na kitabi bangsa Israil lawang man tabi nawbatan mimon dusa tabi, boꞌ tabi koleꞌ na kaampunan.

2 Korin 5:19

Dari meꞌ tuu situ umanat bay sohoꞌ Tuhan pinasampay ningkitabi: Njataꞌ kapatoy Almasi, ilooy na man Tuhan muwanan sikamimon manusiyaꞌ lawang man da mahap na niiya sampay yaꞌ na initung meꞌ na dusa da.

1 Timuti 4:10

Sangkon magtuyuꞌ-tuyuꞌ na pin kita maghulas-sangsāꞌ masampay umanat mahap man Tuhan. Batan tatantu ta Tuhan sabanna ma llum saumu-umu poonan kasalamatan para mimon manusiyaꞌ. Boꞌ mastiꞌ sinalamat jaꞌ sina meꞌ na mimon ma pitsayaꞌ ni si Isa Almasi.

1 Yahiya 2:2

Ni gasad bayaꞌ na, lay na sambut na mulkaꞌ Tuhan mari tatanggung na mimon dusa tabi supaya tabi taampun na meꞌ Tuhan. Boꞌ saꞌ sat mimon dusa tabi bay tanggung na, arapun sampay dusa manusiyaꞌ labbasakayi, lai du tanggung na.

1 Yahiya 4:14

Kami situ mismu bay ngita Anak Tuhan. Sangkon kabāꞌ kami tud mawjud Mmaꞌ na bay mapitu iya nohoꞌ nalamat manusiyaꞌ.

1 Yahiya 5:20

Damikiyan, katoonan tabi na du luu na bay pitu Anak Tuhan pa junyaꞌ. Maka lay na ya muwanan kitabi pangahati supaya dari na kitabi lungbid ka Tuhan sabanna. Pag batnaa tibuuk na kitabi ka Tuhan sabanna sabap meꞌ tabi tibuuk na ka Anak na si Isa Almasi. Iya ina Tuhan sabanna maka poonan kasampulnaan nyawa ma yaꞌ luu katapusan na.