Yahiya 4:24 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁴ Tuhan ina yana rū. Luu jaꞌ sina ya nnoy-nnoy mman tabi. Sangkon meꞌ halling ku siꞌ, sagannap ma numba iya subay hilas atay da maka sumba da subay magbēꞌ ka kabanahan pasal iya.”

Yahiya 4:24 ပူးပေါင်းရင်းမြစ်များ

Yahiya 4:23

Sibuwa bong jama numba, talpaksaꞌ subay sila pa tampat bay tinaat. Sugaꞌ batnaa tapit banahan na situ waktu saꞌ na meꞌ looy. Ilooy ya puntukan, basta hilas atay jama numba maka sumba da subay magbēꞌ ka kabanahan pasal Tuhan. Siga jama meꞌ looy ilay, sila na pinagpiha meꞌ Mmaꞌ tabi Tuhan numba iya.

2 Korin 1:12

Siga danganakan, ituu itu kagakan kami: Tatantu kami sutsiꞌ jaꞌ niyat atay kami ni mata Tuhan. Maka katoonan kami yaꞌ luu pabuwat kami man kami taawnan yaꞌ bonto ni mimon jama, awla na ningkaam. Ni mimon pabuwatan kami, yaꞌ kami mangasa ni akka kami dī kami. Ilooy ya asahan kami yana aseꞌ-tabang Tuhan.

2 Korin 3:17

Na ilooy ilay siꞌ ma bay awnan ku Papuꞌ, yana Rū Papuꞌ. Dari soysoy ina pinaasokan Rū Papuꞌ, malaingkan sumunsayaꞌ na ya batan paddus na ya man sakup saraꞌ.

Pilipi 3:3

Sugaꞌ daa kam hidjab. Kitabi ya situ sabana-bana sukuꞌ Tuhan. Batan kitabi na situ pinagmundaan meꞌ Rū Sutsiꞌ numba Tuhan. Maka kitabi itu gāk sabapan pagkatibuuk tabi ka si Isa Almasi. Boꞌ na, poonan tabi salamat sabap meꞌ tabi mangando niiya, saꞌ ga sabapan pabuwatan tabi mogbogan jinisan saraꞌ meꞌ sapantun ngislam.

1 Timuti 1:17

Pudji tabi Tuhan, yana Sultan Mahatinggi ma yaꞌ takita maka yaꞌ kuhi matoy. Magbayaꞌ ya ni sikamimon pangkat-mamangkat saumu batan isu-isu iya Tuhan. Kamura-murahan saumu-umu na ya binuwanan pudji mehe ka kabantugan. Amin.