Yahiya 4:21 - Sabahagiꞌ Kitab Tawrat: Panagnaan ni Awwal Jaman maka Kitab Injil

²¹ Yuk si Isa, “Pitsayaꞌ ko Daꞌ ni bitsala ku. Yaꞌ na hallom, takka na sina mintu waktu bong jama numba Mmaꞌ tabi Tuhan, yaꞌ na puntukan bong taꞌ punu naa atawa ndooy ni Jerusalem.

Yahiya 4:21 ပူးပေါင်းရင်းမြစ်များ

Matiyu 18:20

Batan bila ina luu duwa tallu jama kumpo ma pitsayaꞌ niyaku, mastiꞌ luu du ku ni bihing da.”

Matiyu 28:19

Sangkon, lataan bi na junyaꞌ boꞌ toan bi na sikamimon bangsa pasal aku supaya sila mmeꞌ niyaku. Maka pandihun bi na sila ni awon Mmaꞌ ku, Anak na, ka Rū Sutsiꞌ.

Lukas 21:24

Meka sina mintu Yahudi pinapatoy meꞌ sundalu. Kuwan kasohean, sinungkuban boꞌ binoo gi pa kalahat-lahatan. Labba mandooy ilay mintu, tinabbaꞌ-tabbaꞌ na Jerusalem meꞌ siga bangsa kapil. Sampay sila na marinta ntuu ngkod-ngkoran yaꞌ gi ngabut waktu bay ginantaꞌ meꞌ Tuhan katapusan pamarinta da.”

Yahiya 14:6

Tampung si Isa, “Aku na bitu lān na. Damikiyan, aku du kabanahan sampay poonan kaallum. Yaꞌ sina luu takka pa mman Mmaꞌ ku bong saꞌ aku lān tinūs.

Yahiya 16:2

Batan luu sina mintu masa bi yaꞌ pinadari nindak langga sabap meꞌ bi mmeꞌ niyaku. Boꞌ kasohean kam ina sampay pinapatoy lagi. Sila ilay ma doman mapatoy kaam, kanna da katabang pa Tuhan bong sila buwat kaam meꞌ looy.

Yahiya 16:32

Ndaꞌ ta teꞌ mintu. Tapit banahan na situ waktu man bi ngambanan aku sampay magsaw-simpāk na kam sonse kaniya-kaniya pa lumaꞌ bi. Kamasaꞌ, masi du situ luu ngunungan aku, yana Mmaꞌ ku.

Yahiya 4:23

Sibuwa bong jama numba, talpaksaꞌ subay sila pa tampat bay tinaat. Sugaꞌ batnaa tapit banahan na situ waktu saꞌ na meꞌ looy. Ilooy ya puntukan, basta hilas atay jama numba maka sumba da subay magbēꞌ ka kabanahan pasal Tuhan. Siga jama meꞌ looy ilay, sila na pinagpiha meꞌ Mmaꞌ tabi Tuhan numba iya.

Yahiya 5:25

“Baan ta kam banahan, tapit banahan na situ waktu sagannap ma tiksaꞌ nyawa da kale suwara Anak Tuhan nginganan sila. Sagannap ma ngahasi iya, mastiꞌ koleꞌ kaallum bahau.

Yahiya 5:28

“San kam yaꞌ na jayip ni bay bitsala ku siꞌ. Luu du sina masa ni sinōng basta mimon njawom kakubuhan kale suwara ku nohoꞌ sila bangun.

Salsila siga Rasul 6:14

Bay situ takale kami lalla tuu mitsala bahasa si Isa, lalla looy man Nasaret, song ngalangkat langga tabi. Maka baꞌ-bāꞌ na, siga taat ma bay tinōꞌ meꞌ Nabi Musa ginantian du meꞌ si Isa.”

Epesus 2:18

Dari sabapan Almasi, labba man kami siga Yahudi sampay na kaam ma saꞌ Yahudi, saliꞌ-saliꞌ na kitabi kapatapit pa mman Mmaꞌ tabi Tuhan. Batan saliꞌ-saliꞌ na kitabi lay pinaasokan Rū na, yana Rū Sutsiꞌ.

Epesus 3:14

Bila tapanambung ku na mimon supaat ma lay na takoleꞌ bi sabapan Almasi, magti ku doman sujud pa Tuhan maku duwaa niiya. Iya ina Mmaꞌ

1 Timuti 2:8

Na nnoy-nnoy jaꞌ man sukuꞌ si Isa kumpo-kumpo numba Tuhan, tugun ku ni kalallahan, subay tatantu da sutsiꞌ na kawul-piil da boꞌ angkat da tangan da maku duwaa. Subay yaꞌ luu lasu da atawa laat atay da ni jama.

1 Pitel 1:17

Na san ina kam magmmaꞌ na ni Tuhan, ingatun bi masi du sina ya tukang ngahukum. Iya du sina mintu nungbasan manusiyaꞌ saliꞌ-saliꞌ magbēꞌ ka pabuwatan da mahap-maat. Yaꞌ ya minig jama. Sangkon, halloman tabi magsampihan ni junyaꞌ tuu, subay luu tawu tabi pa Tuhan.

Siga Pakaradjaan bay Pinalahil 21:22

Bong langga, yaꞌ ku bay ngita ni daira looy batan ndang luu na pin ndooy Papuꞌ tabi Tuhan Sangat Kawasa ka Bili-bili looy. Dari ni pag-awpan da na mismu man manusiyaꞌ numba.