Yahiya 3:35 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁵ Biddaꞌ na sina aseꞌ Tuhan ni Anak na sampay lay na pa-ntan na mimon-mimon niiya.

Yahiya 3:35 ပူးပေါင်းရင်းမြစ်များ

Panagnaan 41:44

Lay gi halling sultan ni si Yusup, “Batnaa aku gi baw situ sultan, sugaꞌ bong saꞌ bitsala pōꞌ man behe nu, yaꞌ padari ku jama buwat oy maka oy na ntuu ni Ejip.”

Panagnaan 41:55

Song hallom siꞌ, ngalelet na du gotom looy ngabut sampay ni sikaliput Ejip. Dari ilooy ma lay na pasahid siga raayat sultan pa mman na. Yuk sultan ninsila, “Patiluꞌ na jaꞌ kam pilay pa mman si Yusup, boꞌ lillaꞌ na jaꞌ kam pooy-pooy meꞌ na buwat kaam.”

Matiyu 11:27

Pag-anu, yuk si Isa na baw ni baanan jama ndooy, “Mimon-mimon lay na hinalap meꞌ Mmaꞌ ku niyaku. Yaꞌ luu toon njawom atay ku sarī man Mmaꞌ ku. Damikiyan, yaꞌ du luu toon njawom atay Mmaꞌ ku sarī man aku ka sagannap ma karomanan ku baan ku.

Matiyu 17:5

Pag-anu, sasang si Pitel siꞌ mitsala, liput na sila meꞌ tayiꞌ baliyu poteꞌ malaas, ninag na. Maka luu gi suwara pōꞌ man jawom tayiꞌ baliyu looy, yuk na, “Inaa ina Anak ku, kakasi ku. Kasulutan ku banahan niiya. Indanan bi bitsala na.”

Matiyu 28:18

Pag-anu, yuk si Isa ninsila, “Sikamimon kapatut ni sulgaꞌ sampay ni junyaꞌ lay na ndean aku.

Matiyu 3:17

Maka luu suwara man sulgaꞌ, yuk na, “Ituu tu Anak ku, kakasi ku. Kasulutan ku banahan niiya.”

Lukas 10:22

Pag-anu, yuk si Isa na baw ni baanan ga jama ndooy, “Mimon-mimon lay na hinalap meꞌ Mmaꞌ ku niyaku. Yaꞌ luu toon njawom atay ku sarī man Mmaꞌ ku. Damikiyan, yaꞌ du luu toon njawom atay Mmaꞌ ku sarī man aku ka sagannap ma peneꞌ ku pinakitau.”

Yahiya 13:3

Pus da siꞌ mangan, lay doꞌ si Isa nangge boꞌ na ngurusan juba na. Pag-anu, boꞌ na basahan ka tuwala. Na iya siꞌ tu, katoonan na du lay na dean Mmaꞌ na niiya kawasa-kapatut njataꞌ mimon-mimon. Maka katoonan na du iya lakka man Tuhan, damikiyan, Tuhan du polean na. Sugaꞌ san meꞌ looy, lay gi ya magpadiyoꞌ ni siga mulit na.

Yahiya 15:9

“Yana meꞌ Mmaꞌ ku maaseꞌ niyaku, meꞌ naa du aseꞌ ku ningkaam. Sangkon, kasengan bi aseꞌ ku.

Yahiya 17:2

Lay na ku buwanan nu kapatut ni jataꞌ mimon manusiyaꞌ supaya ku kabuwan kasampulnaan nyawa ma yaꞌ luu katapusan na ni sagannap ma bay hinalap meꞌ nu niyaku.

Yahiya 17:23

Kainagon ku tibuuk na sila meꞌ karuha pagkatibuuk ku ka sila atawa meꞌ karuha pagkatibuuk nu ka aku. Kamura-murahan dambuwaꞌ atay na sila banahan supaya tumatandaꞌ ni manusiyaꞌ kau bay mapitu aku. Meꞌ looy ilay, tabista jama na aseꞌ nu ni siga sukuꞌ ku sibuꞌ du ka aseꞌ nu niyaku.

Yahiya 17:26

Lay na ku malahil arat-tabiat nu ninsila. Boꞌ darahan ku na pin situ supaya aseꞌ da ni pagkahi da meꞌ aseꞌ nu du niyaku, maka supaya luu na pin ku njawom atay da.”

Yahiya 5:20

Mimon-mimon ma pabuwat Mmaꞌ ku, pinakitahan jaꞌ sina meꞌ na niyaku batan kinaasean ku meꞌ na. Boꞌ na, sohoꞌ na gi sina mintu pinabuwat niyaku siga pakaradjaan labi gi kahaylan-haylan man ga ilooy ma bay na pingkaꞌ pabuwat ku. Pag mintu luu meꞌ looy, haylan jaꞌ kam sina.

Yahiya 5:22

Boꞌ na, ni hāl meꞌ ngahukum jama, Mmaꞌ ku ina yaꞌ palamud batan mimon kapatut ngahukum jama lay na pa-ntan na niyaku.

1 Korin 15:27

Boꞌ magbēꞌ du bana ka suwat njawom kitab, ilooy ma yuk na, “Mimon-mimon inannaꞌ meꞌ Tuhan ndiyoan kawasa Almasi.” Sugaꞌ ni ayat looy ilay, subay tallak ningkitabi yaꞌ baw lay tabeꞌ Tuhan ni diyoan kawasa Almasi. Batan kawasa-kapatut ma luu ni Almasi, Tuhan mismu bay ngandean.

Epesus 1:22

Batan Almasi ilay bay inuwakilan meꞌ Tuhan magbayaꞌ ni mimon-mimon sampay magtakōk ningkitabi sikamimon ma pitsayaꞌ niiya,

Hibrani 1:2

Sugaꞌ ni masa batnaa, yana ni ahil jaman, Anak na na mismu man Tuhan bay masampay umanat na ningkitabi. Anak na ilay, ilooy na man Tuhan bay mapayak alam sikamimon. Damikiyan man gantaan Tuhan, Anak na du dapu mimon-mimon.

1 Pitel 3:22

Na si Isa ilay, lay na inangkat pa sulgaꞌ sampay luu na ya ni bihing Tuhan huwin pa kawnan. Ndooy ilay, iya magbayaan mimon malaikat ka mimon ma ngantanan kawasa-kapatut mahap-maat.