Yahiya 3:34 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁴ Batan pagka Almasi bay pinapitu meꞌ Tuhan, mastiꞌ masampay jaꞌ ya palman Tuhan. Boꞌ tumatandaꞌ du batan njataꞌ na man Tuhan bay matannaꞌ mimon kawasa Rū Sutsiꞌ.

Yahiya 3:34 ပူးပေါင်းရင်းမြစ်များ

Matiyu 12:18

“Ituu itu sosohoan ku ma bay peneꞌ ku. Iya ina kakasi ku ma kasulut banahan niyaku. Patannaꞌ ku sina Rū ku niiya. Maka iya ina mintu masaplag bong pooy meꞌ mimon kabangsa-bangsahan taitung meꞌ ku intong.

Lukas 4:18

“Inassob na ku meꞌ Rū Sutsiꞌ batan lay ku pineneꞌ meꞌ na masaplag umanat mahap pa mman siga jama miskin. Sinohoꞌ ku meꞌ na mahati sagannap ma tapalisu njawom komkoman Ibilis, inaa, bukaꞌ na lawang man da pōꞌ. Maka sinohoꞌ ku pitu masaplag ni sagannap ma buta supaya sila ngita na maka ni sagannap ma tinakkon mari sila kapaddus na.

Yahiya 1:16

Na sabap biddaꞌ na ehe aseꞌ Anak Tuhan, tinggi-maninggi na supaat bay takoleꞌ tabi sikamimon ma pitsayaꞌ niiya.

Yahiya 15:26

Pag-anu yuk si Isa lagi, “Yaꞌ na situ hallom, papitu ku sa pa mman bi Tukang Nabang, yana Rū Sutsiꞌ lakka man Mmaꞌ ku. Iya sa malahil kabanahan ningkaam. Pag takka na, iya sa muwanan jama pangahati pasal aku.

Yahiya 16:7

Sugaꞌ baan ta kam banahan, aku tu palakka, pa kaayaran du sina ningkaam. Batan pag lakka ku mantuu, sohoꞌ ku sa Tukang Nabang pa mman bi. Sugaꞌ bong itu ku yaꞌ lakka, yaꞌ du ya pitu.

Yahiya 3:17

Tuhan ilay bay mapitu Anak na pa junyaꞌ, maksud na nalamat manusiyaꞌ, saꞌ ga ngalabuan sila hukuman.

Yahiya 5:26

Batan yana meꞌ Mmaꞌ ku poonan kaallum, damikiyan man gantaan na, aku pun poonan kaallum du.

Yahiya 7:16

Pag takale meꞌ si Isa halling da, yuk na, “Tōꞌ ku bitu lakka man Tuhan ma bay mapitu aku, saꞌ ga man dī ku.

Yahiya 8:40

Boꞌ kaam baw itu, amu-amu ngulihal meꞌ mapatoy aku san yaꞌ luu bay pabuwat ku sarī man noan kaam kabanahan ma bay takale ku man Tuhan. Nabi Ibrahim ilay yaꞌ bay pingkaꞌ buwat meꞌ kadari bbuwatan bi.

Yahiya 8:47

Bong ina jama sabana-bana sukuꞌ Tuhan, mastiꞌ gāk jaꞌ ya pakale ni umanat Tuhan. Boꞌ kaam itu, yaꞌ kam doman pakale sabap saꞌ kam sukuꞌ Tuhan.”

Salsila siga Rasul 1:2

ngabut sampay na bay inangkat pa sulgaꞌ. Na yaꞌ gi siꞌ ngabut waktu na bay inangkat pa sulgaꞌ, katoonan nu na du, lay ya pinapatoy llansang taꞌ tehang. Sugaꞌ pag patoy na, lay du baw ya pinakallum meꞌ Tuhan. Llum jaꞌ siꞌ ya pabalik, luu gi mpatpūꞌ ngallaw halloman na daran gi nammuhan siga rasul na ma bay peneꞌ na man tabang Rū Sutsiꞌ. Boꞌ meka gi buktiꞌ bay pakitahan na sila mari tatantu da tud lay na ya llum pabalik. Maka lay gi sampunan na pangahati da pasal pamarinta Tuhan. Na tapit jaꞌ siꞌ waktu man na inangkat pa sulgaꞌ, luu siga panohoan bay sohoꞌ na binean ni siga rasul na.

Suwat si Pol pa mman Baanan Sukuꞌ si Isa ndooy ni Rom 8:2

Lagiꞌ na, pag lay jaꞌ kitabi tibuuk ka si Isa Almasi, lay na kitabi binuwanan meꞌ Rū Sutsiꞌ kaallum bahau. Batan lay na kitabi paddusan Rū Sutsiꞌ man kawasa napsu tabi buwat dusa. Sangkon yaꞌ na tiksaꞌ nyawa tabi.

Epesus 3:8

Sabana na, ni mimon sukuꞌ Tuhan, aku ya labi yaꞌ tawop inawnan sukuꞌ na. Lipara, lay gi baw ku tapeneꞌ nohoꞌ masaplag ni siga bangsa saꞌ Yahudi pasal siga supaat mehe saꞌ taangan-angan ma takoleꞌ da bong sila tibuuk na ka Almasi.

Kolossa 1:19

Batan ndang bay silay ginaraꞌ meꞌ Tuhan subay mimon arat-tabiat na ka kawasa pagkaTuhan na takita njataꞌ Anak na.

Kolossa 2:9

Mingkan, isu-isu Almasi subay binean, batan minsan ilay ya bay lahil pitu magbaran manusiyaꞌ, mimon pagkaTuhan Mmaꞌ na ndang luu na njataꞌ na.

Siga Pakaradjaan bay Pinalahil 21:6

Maka yuk na lagi, “Magjatu na situ mimon ma bay ginantaꞌ meꞌ ku. Aku itu Alpa ka Omega, yana panagnaan ka katapusan mimon-mimon. Soysoy tohoꞌ kallong na, painum ku boheꞌ man poon boheꞌ looy ma muwan kaallum ma yaꞌ luu katapusan na. Boꞌ boheꞌ looy ilay libre jaꞌ, san yaꞌ na luu bayad na.

Siga Pakaradjaan bay Pinalahil 22:1

Pag-anu siꞌ, pinakitahan na baw ku meꞌ malaikat looy disu sōng ma muwan kaallum saumu boheꞌ na. Sōng looy siꞌ nginggat na maka tallak meꞌ sammin na, pōꞌ man paningkoan Tuhan ka Bili-bili looy.