Yahiya 3:32 - Sabahagiꞌ Kitab Tawrat: Panagnaan ni Awwal Jaman maka Kitab Injil

³² Maka ni kapasal umanat na, binitsala meꞌ na hāl ma bay takita na maka bay takale na ndooy ni sulgaꞌ. Salla na, agon yaꞌ luu pitsayaꞌ niiya.

Yahiya 3:32 ပူးပေါင်းရင်းမြစ်များ

Matiyu 7:8

Batan sagannap ina ma maku pa Tuhan, mastiꞌ binuwanan jaꞌ. Sagannap ma miha, mastiꞌ nammu jaꞌ. Maka sagannap ma nugtug, mastiꞌ binukisan jaꞌ sina lawang ninsila.

Yahiya 1:11

Iya ilay bay lahil ni lahat bangsa ma bay peneꞌ na lagi sukuꞌ na, sugaꞌ yaꞌ du ya bay hinasi meꞌ da.

Yahiya 15:15

Na meꞌ kaam ina ngawnan aku Papuꞌ bi, subay ga kam ata ku. Sugaꞌ bong inawnan ata ina, yaꞌ katoonan da bong oy garaꞌ papuꞌ da. Sangkon yaꞌ na kam awnan ku ata ku. Arapun awnan ta na kam bagay, batan lay na kam baan ku mimon ma bay takale ku man Mmaꞌ ku.

Yahiya 18:37

Yuk Gubnul Pilatu baw siꞌ tu, “Bong meꞌ naa, tud sultan du bina hati ko!” Pag halling si Isa, “Kau na du baw bina bay māꞌ aku sultan. Kon ku itu bay pitu pa junyaꞌ ka pinamaddihan supaya ku kapasaplag kabanahan ni manusiyaꞌ. Soysoy doman toon kabanahan, mastiꞌ pakale sina niyaku.”

Yahiya 3:11

Baan ta ko banahan, kami itu, yaꞌ kami mitsala hāl ma yaꞌ katoonan kami atawa pun ma yaꞌ bay tasakup kami. Salla na, yaꞌ kam pitsayaꞌ ni bitsala kami.

Yahiya 3:26

Dari ilooy ma lay sila pa mman si Yahiya mangaruha. Sugaꞌ duhuꞌ yuk da niiya, “Tuwan Guru, lalla looy ma bay soheꞌ nu sitammu ndooy ni dambilaꞌ Sōng Juldan, ilooy ma bay awnan nu lakka man Tuhan, meꞌ kau na du la batnaa mandi jama. Boꞌ bahuklud na ga jama mimon pilay pa mman na nohoꞌ pinandi.”

Yahiya 3:33

Sugaꞌ soysoy baw ina pitsayaꞌ ni umanat na, malaingkan sibuꞌ du ya ka bay mangaku bana palman Tuhan.

Yahiya 5:20

Mimon-mimon ma pabuwat Mmaꞌ ku, pinakitahan jaꞌ sina meꞌ na niyaku batan kinaasean ku meꞌ na. Boꞌ na, sohoꞌ na gi sina mintu pinabuwat niyaku siga pakaradjaan labi gi kahaylan-haylan man ga ilooy ma bay na pingkaꞌ pabuwat ku. Pag mintu luu meꞌ looy, haylan jaꞌ kam sina.

Yahiya 8:26

Baan ta kam banahan, meka situ bitsala tapōꞌ ku man nusunan kaam, sugaꞌ daa na. Ituu jaꞌ pamāꞌ ku siga pakaradjaan ma bay takale ku man ilooy ma bay mapitu aku, ma sabana-bana bonto.”