Yahiya 3:29 - Sabahagiꞌ Kitab Tawrat: Panagnaan ni Awwal Jaman maka Kitab Injil

^29-30 Ndang katoonan ku du pag luu jaꞌ Almasi, talpaksaꞌ pasōng kabantugan na, boꞌ niyaku tu, talpaksaꞌ pakulang. Iya ilay meꞌ sapantun disu pangantin ma lalla, boꞌ sagannap ma mmeꞌ niiya meꞌ sapantun pangantin ma danda. Sangkon bong sikamimon bahuklud pa mman na, malaingkan biddaꞌ na ehe kagakan ku, batan inawnan pangantin ma danda, ndang sukuꞌ na. Boꞌ aku tu meꞌ sapantun bagay pangantin ma lalla sadjaꞌ nangge ni bihing na. Maka gāk ku pakale ni bitsala na.

Yahiya 3:29 ပူးပေါင်းရင်းမြစ်များ

Matiyu 22:2

“Pamarinta Tuhan ina meꞌ tuu karuha na: Luu disu sultan bay nohoꞌ nakap pangawinan para ni anak na pangantin ma lalla.

Matiyu 25:1

Yuk si Isa lagi, “Pag beleng Anak Manusiyaꞌ pa junyaꞌ magsultan, meꞌ tuu karuha na: Luu budjang sapū kaniya-kaniya ka palitaan da lay pōꞌ sangom nampang pangantin ma lalla.

Matiyu 9:15

Pag tampung si Isa, lay ya ngandalil siga mulit na pa jama ngaluruk ni pangawinan, yuk na, “Yaꞌ bilay sikatuwaꞌ bong siga luruk ni pangawinan puwasa halloman pangantin ma lalla masi dambuwaꞌ ka sila. Sugaꞌ luu du sina mintu masa man pangantin ma lalla llakkahan na mman da. Ni masa looy ilay mintu, bohoꞌ da pataꞌ yaꞌ na nginum atawa mangan ni kabasag lindu da.”

Lukas 15:6

Pag takka bi pa lumaꞌ, saꞌ ba, bbuwatan bi ngaddoꞌ ga kabagayan bi sampay jama bihing lumaꞌ bi binoo nginum-mangan? Yuk bi, ‘Maglami-lami doꞌ kitabi sabap luu na tatammu ku bili-bili ku ma bay lungay!’

Yahiya 15:11

Ngkon kam ilay siꞌ ndang lay na baan ku meꞌ looy supaya kam kapatabeꞌ ni kagakan ku maka supaya yaꞌ na luu kulang kagakan bi.

Yahiya 16:24

Halloman tabi dambuwaꞌ, yaꞌ gi luu bay paku bi niiya ni awon ku. Sugaꞌ batnaa, maku jaꞌ kam niiya. Mastiꞌ nduwan jaꞌ sina kam supaya pannoꞌ na atay bi leꞌ kagakan.”

Yahiya 17:13

“Batnaa tu Maꞌ, song moleꞌ na ku pa mman nu. Sugaꞌ pakalehan ku doꞌ siga mulit ku bitsala ku meꞌ tuu padpad ku masi ni junyaꞌ tuu. Kon meꞌ looy supaya meꞌ aku na du sila pannoꞌ na atay da leꞌ kagakan.

2 Korin 11:2

Aku itu, meꞌ Tuhan na du sēng ningkaam. Batan meꞌ ku ka kaam, sibuꞌ du kam ka budjang bay pinagsitunang meꞌ ku ka disu lalla, yana Almasi. Sangkon subay kam jagahan ku paayad.

Pilipi 2:2

junjung ku na ningkaam, magdambuwaꞌ pamiki na kam. Maka magtaayun na kam maasean mimon pagkahi bi. Bong siꞌ ina pakutuꞌ bi jaꞌ meꞌ naa, mehe meꞌ ku gāk ningkaam.

1 Yahiya 1:4

Maka kon ku itu nuwatan kaam supaya pannoꞌ na atay tabi leꞌ kagakan saliꞌ-saliꞌ.

2 Yahiya 1:12

Meka gi situ karomanan ku pinamāꞌ ningkaam, sugaꞌ yaꞌ na doꞌ patabeꞌ ku ni suwat tuu. Bong yaꞌ luu baya-baya, pilu sa ku ngandaꞌ-ngandaꞌ kaam, boꞌ tabi kapagbitsala balharapan mari pannoꞌ na atay tabi leꞌ kagakan saliꞌ-saliꞌ.

Siga Pakaradjaan bay Pinalahil 21:9

Pag-anu siꞌ, luu na baw pasōng disu ni siga malaikat looy sikapituꞌ ma bay numpahan isi pinggan da pannoꞌ leꞌ katapusan balaꞌ looy siꞌ sikapituꞌ, yuk na niyaku, “Tu ko, pakitahan ta doꞌ ko pangantin ma danda ma song kinawin ka Bili-bili looy.”