Yahiya 3:26 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁶ Dari ilooy ma lay sila pa mman si Yahiya mangaruha. Sugaꞌ duhuꞌ yuk da niiya, “Tuwan Guru, lalla looy ma bay soheꞌ nu sitammu ndooy ni dambilaꞌ Sōng Juldan, ilooy ma bay awnan nu lakka man Tuhan, meꞌ kau na du la batnaa mandi jama. Boꞌ bahuklud na ga jama mimon pilay pa mman na nohoꞌ pinandi.”

Yahiya 3:26 ပူးပေါင်းရင်းမြစ်များ

Matiyu 23:7

Kainagon da subay sila inalak ni mayran sampay ginalla ‘Tuwan Guru.’

Matiyu 23:8

“Sugaꞌ kaam, daa kam magsitingka pagkahi bi ma pitsayaꞌ niyaku. Daa subay na pin kam nganggalla pagkahi bi ‘Tuwan Guru,’ atawa ‘Maꞌ,’ atawa ‘Papuꞌ,’ batan saliꞌ-saliꞌ du kam magdanganakan, boꞌ disu du guru bi ka Papuꞌ bi, yana aku, Almasi. Damikiyan, disu du Mmaꞌ bi sikamimon, yana Tuhan ni sulgaꞌ.

Yahiya 1:15

Iya na silay ilooy ma bay binitsala meꞌ si Yahiya jaman na bay mandi jama. Jaman looy siꞌ, lay si Yahiya ngahowap masaplag pasal iya, yuk na, “Ituu na situ ilooy ma bay bāꞌ ku pasunuꞌ man aku. Sugaꞌ ni sabana na, duhuꞌ gi silay ya man aku sabap yaꞌ gi ku bay pinamaddihan, ndang luu na ya.”

Yahiya 1:7

nohoꞌ masaplagan jama pasal sūꞌ looy supaya luu na dapat mimon manusiyaꞌ pitsayaꞌ niiya.

Yahiya 1:9

yana sūꞌ sabanna ma pitu pa junyaꞌ marantaan pamiki manusiyaꞌ.

Yahiya 11:48

Bong ilay ya pabiya tabi sigi-sigi buwat meꞌ looy, song hallom, sikamimon na pitsayaꞌ iya na Almasi, boꞌ na binuwat sultan da. Banti mintu, pag tasayu sultan parinta Rom, lay na baw tabi nilān, boꞌ hinansu langga tabi sampay bangsa tabi.”

Yahiya 12:19

Na pag ndaꞌ siga Parisi meꞌ looy na, yuk da padisu-padisu, “Tud yaꞌ na bitu luu sōng bay sangsāꞌ tabi noan ga jama looy. Ndaun bi doꞌ ba pilay! Katis na jama junyaꞌ mmeꞌ niiya.”

Yahiya 3:2

Disu sangom, lay ya pilay pa mman si Isa. Takka ndooy yuk na, “Tuwan, katoonan kami kau guru lakka man Tuhan. Yaꞌ sina ko kapōꞌ siga pakaradjaan kahaylan-haylan meꞌ ilooy ma bay pabuwat nu bong yaꞌ luu kawasa Tuhan njataꞌ nu.”

Yahiya 4:1

Na song hallom, lay na baw kaakahan siga Parisi meka na jama mmeꞌ ni si Isa sampay lay na du pinandi meꞌ na. Boꞌ labi gi konoꞌ eka da man ni si Yahiya.

Yahiya 4:2

(Ni sabana na, saꞌ si Isa bay mandi ga jama looy, arapun siga mulit na.)

Yahiya 4:31

Yaꞌ gi siꞌ sila takka, kuwan siga mulit si Isa, sigi-sigi ngalogos iya mangan.

Yahiya 5:33

Saꞌ ba, bay kam nohoꞌ jama pa mman si Yahiya, maka lay du ya maan sila bong soy ku? Boꞌ bana jaꞌ du silay mimon bay halling na pasal aku.