Yahiya 3:23 - Sabahagiꞌ Kitab Tawrat: Panagnaan ni Awwal Jaman maka Kitab Injil

²³ Kuwan si Yahiya, lay du mandi jama ndooy ni Aynon, tapit pa Salim, sabap meka boheꞌ ndooy. Manusiyaꞌ siꞌ tu ndooy, yaꞌ na luu hantiꞌ na pilay nohoꞌ pinandi.

Yahiya 3:23 ပူးပေါင်းရင်းမြစ်များ

Panagnaan 33:18

Na hallom maka hallom na, lay na baw ga si Yaꞌkub palakka man Sukkot maglayin pilay pa daira inawnan Sekem ndooy ni Kanan. Ni bay kalakka da man Paddan-Aram ngabut sampay katakka da pa Sekem, yaꞌ du sila bay kongoy-kongoy. Ndooy siꞌ, lay na sila matangge ga lumaꞌ luna da ni poan daira looy.

Lukas 3:7

Na ndooy siꞌ, sakiyan na jama lay bahuklud pilay pa mman si Yahiya nohoꞌ pinandi. Sugaꞌ tabistu si Yahiya du meka sila yaꞌ hilas. Dari yuk na ninsila, “Tud maat kam. Sibuꞌ du kam ka sō latsunan. Kanna bi mareꞌ bong kam bay na tapandi, yaꞌ na kam tuwaꞌ mulkaꞌ Tuhan ma takka bbos-bbos.

Yahiya 3:22

Na song hallom, lay na baw si Isa pilay ka ga mulit na pa kadilehan Yahudiya. Ndooy siꞌ, lay jaꞌ sila pahantiꞌ daka dangoy ngallaw. Maka lay gi sila mandi jama.

Yahiya 3:24

(Waktu looy siꞌ, yaꞌ gi si Yahiya bay tajīl.)

Siga Pakaradjaan bay Pinalahil 1:15

Kuwan battis na ninag subay ga tumbagaꞌ binaba njawom api basag. Suwara na mitsala ngallub meꞌ karuha boheꞌ sōng tumpa man taꞌ pampang.

Siga Pakaradjaan bay Pinalahil 14:2

Maka luu takale ku man sulgaꞌ meꞌ halling boheꞌ sōng ngallub tumpa man taꞌ pampang. Boꞌ luu gi guntu basag magtagubtub. Maka luu gi meꞌ halling biyulla meka kinabbit.

Siga Pakaradjaan bay Pinalahil 19:6

Pag-anu siꞌ, luu na baw takale ku meꞌ halling manusiyaꞌ sakiyan ngahowap, subay ga halling sōng mehe tumpa man taꞌ pampang ngallub atawa meꞌ halling guntu nagubtub pabasag, yuk da, “Pudji mehe pa Tuhan Sangat Kawasa batan iya Papuꞌ tabi magbayaꞌ ni mimon-mimon!